2 SAMUEL 19:13 - Khasi CL Bible (BSI)

¹³ U Dabid u la bthah ruh ïa ki ban ong ha u Amasa, “Phi dei u ba-ha-ïing jong nga. Naduh mynta nga buh ïa phi ban ïalam ïa ka kynhun shipai ha ka jaka jong u Joab. To U Blei un shoh ïap ïa nga lada ngam leh kumta!”

KA BAIBL

¹³ To ong ha u Amasa ruh, ‘Me mem long ka shyieng jong nga bad ka doh jong nga? U Blei un leh kumne ïa nga, bad un pyntam ruh, lada me men ym long kaptan u paidïapom ha khmat jong nga ha la ka sngi ha ka jaka u Joab.’ ”

2 SAMUEL 19:13 ပူးပေါင်းရင်းမြစ်များ

JENESIS 29:14

Haba u Jakob u la ïathuh ha u Laban ïa kaba la jia baroh, u Laban u ong, “Ho-oid, da shisha phi dei ka doh ka snam jong nga.” U Jakob u la shong la sah hangta baroh shi bnai.

2 SAMUEL 17:25

(U Absalom u la buh ïa u Amasa ban ai hukum ïa ka kynhun shipai ha ka jaka jong u Joab. U Amasa u dei u khun jong u Jether u nong Ishmael; ka kmie jong u ka dei ka Abigail, ka khun jong u Nahash bad ka para jong ka Seruïah, ka kmie jong u Joab.)

2 SAMUEL 18:11

U Joab u jubab, “Lada me la ïohi ïa u, balei men shym pynïap ïa u ha shen? Nga da lade hi ngan jin da la ai ha me shiphew tylli ki sbai rupa bad uwei u panpoh.”

2 SAMUEL 20:4

U syiem u ong ha u Amasa, “Khot lang ïa ki rangbah Judah bad wan biang shane la shi sngi lem bad ki.”

2 SAMUEL 3:27

Haba u Abner u la wan poi ha Hebron, u Joab u ïalam ïa u kham sharud ha ka khyrdop, kumba u kwah ban ïakren jar jar bad u, bad hangta u la dung ïa u na ka kpoh. Bad kumta la pynïap ïa u Abner namar ba u la pynïap ïa u Asahel, u para u Joab.

2 SAMUEL 5:1

Nangta baroh ki jait Israel ki la leit sha u Dabid ha Hebron bad ki ong ha u, “Ngi dei ki para doh para snam jong phi.

2 SAMUEL 8:16

U Joab, u khun ka Seruïah, u long u rangbah ai hukum jong ka kynhun shipai; u Jehoshaphat, u khun jong u Ahilud u long uba khmih sumar ïa ki dulir;

1 SYIEM 19:2

Ka la phah khubor sha u Elijah: “Ai ba ki blei kin pynïap ïa nga lashai kum ha kane ka por lada ngam leh ïa kajuh kaba me la leh ïa ki nongïathuhlypa.”

1 KHRONIKL 12:18

U Mynsiem U Blei u wan ha uwei na ki, u Amasai, uba hadien u long u nongai hukum jong ki “Laiphew ngut”, bad u pyrta, “Ko Dabid u khun jong u Jesse, ngi long ki jong phi! Ka Jingjop ka long ïa phi bad ïa kito kiba ïarap ïa phi! U Blei u don ha ka liang jong phi.” U Dabid u pdiang sngewbha ïa ki bad u pynlong ïa ki, ki rangbah pynïaidkam ha ka kynhun shipai jong u.

RUTH 1:17

Hangno hangno ba phi ïap, hangta ngan ïap, bad dei hangta ba yn tep ïa nga. Ai ba ka jingpynshitom bashyrkhei eh jong U Trai kan wan hap halor jong nga lada nga shah ïa kaei kaei lait noh ka jingïap hi ka ban pynïakhlad ïa nga na phi!”