2 SAMUEL 18:9 - Khasi CL Bible (BSI)

⁹ Kynsan u Absalom u ïakynduh katto katne ki rangbah jong u Dabid. U Absalom u dang shong ha u khashor, bad katba u khashor u dang ïaid napoh u dieng Sning uba heh, ka khlieh u Absalom ka sahkut ha ki tnat dieng. U khashor u la mareh bad u Absalom u la shah iehnoh da kaba sdien ha shiteng suiñ.

KA BAIBL

⁹ Bad u Absalom, da kaba jia ryngkhat, u la ïashem bad ki shakri u Dabid. Bad u Absalom u la shong halor u khashor, te uta u khashor u la leit hapoh ki tnat kiba khah jong uwei u dieng Sning uba heh, bad u la sahkut ka khlieh ha uta u dieng Sning, kumta u la sdien hapdeng ka bneng bad ka khyndew; bad uta u khashor uba hapoh jong u, u la phet noh.

2 SAMUEL 18:9 ပူးပေါင်းရင်းမြစ်များ

2 SAMUEL 13:29

Kumta ki shakri ki la bud ïa ki jingbthah jong u Absalom bad ki la pynïap ïa u Amnon. Baroh kiwei pat ki khun shynrang jong u Dabid ki kiew halor ki khashor jong ki bad ki la phet krad.

2 SAMUEL 14:26

U 'ñiuhkhlieh jong u, u long uba rben katta katta bad u hap ban khap ïa u shisien shisnem; haba u la jrong than bad khia. U ju khia palat ïa ar kilo kat kum ka jingthew ryntih ba kynja syiem.

2 SAMUEL 17:23

Haba u Ahithophel u la ïohi ba ïa ka jingai jingmut jong u ym shym la pdiang, u la teh jin ïa la ka kada bad u leit phai noh sha la shnong. Ynda u la dep pynbeit ïa la ki kam ïing kam sem, u la sdien phasi ïa lade. La tep ïa u ha ka jingtep ka longïing jong u.

2 SAMUEL 18:10

Uwei na ki rangbah jong u Dabid u la ïohi ïa u bad u la ïathuh ha u Joab, “Kynrad, nga la ïohi ïa u Absalom ba u sdien ha u dieng Sning!”

2 SAMUEL 18:14

“Ngan ym pynsyrwa ei ïa ka por bad me,” u Joab u ong. U rah lai tylli ki sum, bad u pynngam ïa ki ha ka shadem jong u Absalom katba u dang im, haba u dang sdien ha u dieng Sning.

2 SAMUEL 18:8

Ka jingïaleh ka pur kylleng ki rudnong, bad kham bun ki rangbah ki la ïap ha khlaw ban ïa kiba shah pynïap ha ka thma.

Ka Kitab U Job 31:3

U phah ïa ka jingjynjar bad jingpynjot ïa kito kiba leh bymhok.

PROBERB 20:20

Lada phi tim ïa la ki kmie ki kpa, ka jingim jong phi kan kut kum ka sharak kaba lip noh ha kaba dum.

PROBERB 30:17

Uno uno uba leh biria ïa la u kpa lane uba ñiewbeiñ ïa la ka kmie ha ka jinglong tymmen jong ka u dei ban shah bam ha ki pukni ne shah khlaw ki khmat ha ki tyngab khlaw.

JEREMAÏAH 48:44

Uno uno uba pyrshang ban lait na ka jingshyrkhei un hap hapoh ki liewlep, bad uno uno uba kiew na ki liewlep un ngat ha ki jingriam, namar U Trai u la buh por na ka bynta ka jingpynjot ïa ka Moab.

MATHAÏOS 27:5

U Judas u la bret ïa ki sbai rupa ha madan hapoh ka Templ bad u la mihnoh; nangta u la leit bad u la sdien phasi ïa lade.

MARKOS 7:10

Naba u Moses u la hukum, ‘Burom ïa la u kpa bad ïa la ka kmie,’ bad, ‘uno uno uba tim ïa la u kpa bad ïa la ka kmie yn pynïap.’

GALATIA 3:13

Hynrei, da kaba kylla long ka jingtim na ka bynta jong ngi, U Khrist u la siewspah ïa ngi na ka jingtim kaba ka Hukum ka wanrah; naba ka Jingthoh Bakhuid ka ong, “Uno uno uba la shah sdien ha u dieng un don hapoh ka jingtim U Blei.”

DEUTERONOMI 21:23

ym dei ban ieh ïa ka metïap hangta baroh shi miet. Tep ïa ka ha kajuh ka sngi, namar ka metïap kaba sdien ha u dieng ka long ka jingtim U Blei, khnang ba phin ym pyntngit ïa kata ka ri ba U Trai U Blei jong phi u ai ha phi.

DEUTERONOMI 27:16

“ ‘Ka jingtim U Blei kan hap ha uta u briew uba pynjahburom ïa la u kpa lane ïa la ka kmie.’ “Bad u paidbah baroh un jubab lang, ‘Amen!’

DEUTERONOMI 27:20

“ ‘Ka jingtim U Blei kan hap ha uta u briew uba pynkheiñ burom ïa la u kpa da kaba ïathiah shongkha bad kano kano ka tnga u kpa jong u.’ “Bad u paidbah baroh un jubab lang, ‘Amen!’