2 SAMUEL 18:28 - Khasi CL Bible (BSI)

²⁸ U Ahimaas u pyrta khublei ïa u syiem, u rynsied ïa lade ha madan ha khmat jong u, bad ong, “Ïaroh ïa U Trai U Blei jong phi, uba la ai ha phi ka jingjop halor ki rangbah kiba la ïaleh pyrshah ïa u Syiem Kynrad!”

KA BAIBL

²⁸ Te u Ahimaas u la pyrta bad u la ong ha u syiem, “Khublei.” Bad u la dem ngon la ka khmat haduh khyndew ha khmat u syiem, bad u la ong, “Long ba la kyrkhu U Trai U Blei jong me, uba la aiti noh ïa kita ki briew kiba la rah ïa la ka kti pyrshah ïa u syiem kynrad jong nga.”

2 SAMUEL 18:28 ပူးပေါင်းရင်းမြစ်များ

JENESIS 14:20

bad to kan long ka jingïaroh ïa U Blei Bahakhlieh Tam Eh uba ai ha phi ïa ka jingjop halor ki nongshun jong phi!” Bad u Abram u ai ha u Melkhisedek ïa kaba shiphew na ka jinglute kaba u la lah pynïoh pat.

JENESIS 24:27

U ong, “Ïaroh ïa U Trai, U Blei jong u kynrad jong nga u Abraham, uba la batskhem ïa la ka kular ha u kynrad jong nga. U Trai hi u la ïalam beit ïa nga sha ki kur ki jait u kynrad jong nga.”

2 SAMUEL 1:2

Ha ka sngi kaba bud, uwei u samla u la wan poi na ka jaka sher dara jong u Saul. Ban pynpaw ïa la ka jingsngewsih, u la kad ïa la ki jaiñ bad sleh ïa la ka khlieh da ka khyndew. U leit sha u Dabid bad u dem ngon da kaba burom haduh khyndew.

2 SAMUEL 14:4

Kata ka briew ka leit sha u syiem, ka dem ngon haduh khyndew ha ka jingñiewburom bad ka ong, “Ïarap ïa nga, ko Syiem Kynrad!”

2 SAMUEL 22:27

Me long uba khuid ha kito kiba khuid, hynrei uba pyrshah ha kito kiba sniew.

2 KHRONIKL 20:26

Ha ka sngi kaba saw, ki ïalumlang ha ka Them Berakah bad ïaroh ïa U Trai na ka bynta baroh kaba u la leh. Dei na kata ka daw ba la khot ïa ka them, “Ka Berakah.”

SALM 115:1

Tang sha me hi, A Trai, tang sha me hi! bad ym sha ngi, ba dei ban ai ïa ka burom namar ka jingieit baneh bad ka jingïaineh jong me.

SALM 124:6

To ngin ainguh ïa U Trai, u bym shym la shah ïa ki nongshun jong ngi ban pynjot ïa ngi.

SALM 31:8

Mem shym la shah ïa ki nongshun jong nga ban knieh ïa nga; me la ai laitluid ïa nga ban leit kat shaba nga mon.

EKSODOS 18:10

“Ïaroh ïa U Trai uba la pyllait im ïa phi na u Pharaoh bad na ki nong Ijipt! Ïaroh ïa U Trai uba la pyllait im ïa une u paidbah na ka jinglongmraw!

1 SAMUEL 17:46

Ha kane hi ka sngi U Trai un aiti ïa me hapoh ka bor jong nga; ngan pynkyllon ïa me bad ngan khrai ïa ka khlieh jong me. Bad ngan ai ïa ki metïap jong ki shipai Philistia ha ki sim bad ha ki mrad ba kin bam.

1 SAMUEL 24:18

Ha kane ka sngi phi la pyn-i haduh katno phi long uba bha ïa nga, naba phim shym la pynïap ïa nga, wat la U Trai u la buh ïa nga ha ka bor jong phi.

1 SAMUEL 25:23

Haba ka Abigail ka ïohi ïa u Dabid, ka la hiar kloi kloi bad ka dem khrup ha khyndew

1 SAMUEL 26:8

U Abishai u ong ha u Dabid, “Ha kane ka miet, U Blei u la aiti ïa u nongshun jong phi ha ka bor jong phi. Mynta shah ngan tynrah tang shisien tynrah da une u sum jong u hi haduh khyndew; ngam donkam ban da tynrah ïa u ar sien!”