2 SAMUEL 18:27 - Khasi CL Bible (BSI)

²⁷ Uta u nongap phira u ong, “Nga ïohi ba u briew uba ha khmat u mareh kum u Ahimaas.” “U dei u briew uba bha,” u syiem u ong, “bad u wanrah ka khubor kaba bha.”

KA BAIBL

²⁷ Bad uta u nongap u la ong, “Nga imat ka jingphet jong une uba shuwa kum ka jingphet u Ahimaas u khun u Sadok.” Te u syiem u la ong, “Uta u briew u babha, bad u wanlam da ka ktien ka babha.”

2 SAMUEL 18:27 ပူးပေါင်းရင်းမြစ်များ

2 SAMUEL 18:26

Nangta uta u nongap phira u ïohi sa uwei pat u briew uba mareh marwei, bad u pyrta sha tbian sha u nongap khyrdop, “Ha peit! Don sa uwei u briew uba mareh!” U syiem u jubab, “Uta ruh u wanrah khubor babha.”

1 SYIEM 1:42

Ha shuwa ba un pynkut ïa ka jingkren, u Jonathan, u khun jong u Abiathar u lyngdoh, u la wan poi. “Ale rung,” u Adonijah u ong. “Me long u briew uba bha — me dei ban wanrah ka khubor kaba bha.”

2 SYIEM 9:20

Sa shisien pat u nongap phira u leit ïathuh ba u nonglamktien u la poi sha ka kynhun hynrei u khlem wan phai. Bad u ong shuh shuh, “U nongïalam jong ka kynhun u ñiah ïa ka kali ïapom jong u kum uba lamwir, i kumba u dei u Jehu!”

PROBERB 25:13

U nonglamktien uba lah ban shaniah u ai jinghun mynsiem ïa uta uba phah ïa u, kum ka umkhriat ha ka jingshit tyrha ha ka aïom ot.

PROBERB 25:25

Khatduh eh kaba ïohsngew ïa ka khubor babha na ka ri ba sha jngai ka long kum ka jingdih ïa ka umkhriat haba phi tyrkhong bad phi sliang.

ISAÏAH 52:7

Katno ka long kaba phylla ban ïohi ïa u nonglamktien ba u wan na ki lumbah, u wanrah ïa ka khubor babha, ka khubor jong ka jingsuk! U pynbna ïa ka jingjop bad u ong ïa ka Seïon, “U Blei jong phi u long u syiem!”

Ka Shithi U Paul Sha Ki Nong Rom 10:15

Bad kumno ïa ka khubor lah ban pynbna lada ïa ki nongrah-khubor ym shym la phah? Kumba ka Jingthoh Bakhuid ka ong, “Katno ka long kaba phylla ka jingwan jong ki nongrah-khubor kiba wallam ïa ka khubor babha!”