2 SAMUEL 18:2 - Khasi CL Bible (BSI)

² Nangta u phah ïa ki ha ki lai kynhun, ryngkat bad u Joab lem bad u Abishai, u para jong u Joab bad u Ittai uba na Gath, kiba long ki nongai hukum ha la ka kynhun kynhun. Bad u syiem u ong ha la ki rangbah, “Nga ruh da lade ngan leit lang bad phi.”

KA BAIBL

² Bad u Dabid u la phah lai bynta ïa u paidbah, shi bynta hapoh ka kti u Joab, bad shi bynta hapoh ka kti u Abishai u khun ka Seruïah, u para u Joab, bad shi bynta hapoh ka kti u Ittai u nong Gitt. Bad u syiem u la ong ïa u paidbah, “Shisha nga ruh ngan mih lem bad phi.”

2 SAMUEL 18:2 ပူးပေါင်းရင်းမြစ်များ

2 SAMUEL 17:11

Ka jingai jingmut jong nga ka long ba phin lumlang ïa ki Israel baroh na kawei ka tduh jong ka ri sha kawei pat, ki ban bun kat u shyiap ka rud duriaw, bad ba ma phi da lade hi phin ïalam ïa ki ha ka thma.

2 SAMUEL 21:17

Hynrei u Abishai u khun jong ka Seruïah u wan ïarap ïa u Dabid, u tur ïaleh ïa u ramhah, bad u pynïap ïa u. Nangta ki rangbah jong u Dabid ki la pynkular ïa u Dabid ba un ym leit shuh da lei lei ruh bad ki sha ka thma. “Phi long ka jingkyrmen jong ka Israel, bad ngim kwah ban duh noh ïa phi,” ki la ong.

2 SAMUEL 23:18

U Abishai, u para jong u Joab (ka kmie jong ki ka dei ka Seruïah) u long u nongïalam jong ki “Laiphew Ngut kiba pawnam”. U la ïaleh da la u sum pyrshah ïa ki laispah ngut ki rangbah bad u la pynïap ïa ki, bad u la long uba pawnam napdeng “Laiphew Ngut”.

2 SAMUEL 8:16

U Joab, u khun ka Seruïah, u long u rangbah ai hukum jong ka kynhun shipai; u Jehoshaphat, u khun jong u Ahilud u long uba khmih sumar ïa ki dulir;

1 SYIEM 2:28

U Joab u la ïohsngew ïa kaei kaba la jia. (U la kyrshan ïa u Adonijah, hynrei ym ïa u Absalom.) Kumta u la phet krad sha ka Ïingjaiñ Ka Jingdon Ryngkat U Trai bad u bat ïa ki reng kiba ha ki dong jong ka duwan.

SALM 3:6

Ngam sheptieng ïa ki hajar ki nongshun kiba ker sawdong ïa nga na ki liang baroh.

NONGBISHAR 7:16

U pynbynta ïa ki laispah ngut ki rangbah ha ki lai kynhun, bad u ai ha uwei uwei u briew kawei ka turoi bad uwei u khra uba don ka dongmusa hapoh jong u.

NONGBISHAR 7:19

U Gideon bad ki shispah ngut ki rangbah ki la poi ha tduh kata ka jaka sher dara shuwa ka por shiteng synñia, hamar ba dang dep ïa-bujli ïa ki nongap phira. Nangta ki put ïa ki turoi bad ki pynpait ïa ki khra ba ki bat, bad kita ki ar kynhun ruh ki leh kumjuh.

NONGBISHAR 9:43

kumta u ïalam ïa la ki briew, u pynkhlad ïa ki ha ki lai kynhun, bad ki rieh apthap ha ki lyngkha. Haba u ïohi ïa ki briew ba ki mih shabar na ka nongbah, u la mih na la ka jakarieh ban pynïap ïa ki.

1 SAMUEL 11:11

Ha kata ka miet u Saul u pynbynta ïa u paidïapom jong u ha ki lai kynhun, bad ynda mynstep ki tur sha ka jaka shong dara ki nongshun bad tur ïaleh ïa ki Ammon. Ha ka por shiteng sngi ki la lah pynïap ïa ki. Kiba lait im ki phet ïap, marwei marwei ha la ka lynti.