2 SAMUEL 18:19 - Khasi CL Bible (BSI)

¹⁹ Nangta u Ahimaas, u khun jong u Sadok u ong ha u Joab, “Shah ngan leit sha u syiem bad ka khubor babha ba U Trai u la pyllait im ïa u na ki nongshun jong u.”

KA BAIBL

¹⁹ Ynda kumta, u Ahimaas u khun u Sadok u la ong, “To shah ïa nga mynta ban phet ban lam ktien ha u syiem, ba U Trai u la pynhiar kput na ka bynta jong u halor ki nongshun jong u.”

2 SAMUEL 18:19 ပူးပေါင်းရင်းမြစ်များ

2 SAMUEL 15:27

Bad u la bteng da kaba ong shuh shuh ha u Sadok, “Peit shane, khie ïalam noh ïa u Ahimaas, u khun jong me bad ïa u Jonathan u khun jong u Abiathar sha ka nongbah ha ka jingsuk.

2 SAMUEL 15:36

Ki don bad ki ïa ki khun shynrang jong ki, u Ahimaas bad u Jonathan, bad phi lah ban phah ïa ki sha nga lem bad ki jingtip baroh kiba phi la ïohlum.”

2 SAMUEL 17:17

U Jonathan, u khun jong u Abiathar, bad u Ahimaas, u khun jong u Sadok, ki dang ap hajan ka umpohliew Enrogel, kaba ha rudnong jong ka Jerusalem, namar kim nud ban rung shapoh ka nongbah ïoh don ba ïohi ïa ki. Kawei ka shakri kynthei ka ju leit ïathuh ha ki ïa kaei kaba jia, bad ki pat ki ju leit ïathuh ha u Syiem Dabid.

2 SAMUEL 18:20

“Em,” u Joab u jubab, “mynta ka sngi men ym rah kano kano ka khubor babha. Ha kawei pat ka sngi me lah ban leh kumta, hynrei ym mynta, naba u khun jong u syiem u la ïap.”

2 SAMUEL 18:23

“Long katba ka long,” u Ahimaas u ong biang, “Nga kwah ban leit.” “Khie leit,” u Joab u ong. Kumta u Ahimaas u mareh bran na ka lynti kaba na ka Them Jordan, bad shen u la tam ïa uta u mraw.

2 SAMUEL 18:31

Nangta u mraw na Sudan u wan poi bad u ong ha u syiem, “Nga don ka khubor babha ïa u Syiem Kynrad! Ha kane ka sngi U Trai u la ai ha phi ka jingjop halor kito baroh kiba la ïaleh pyrshah ïa phi!”

SALM 10:14

Hynrei me, me ïohi; me khmih ïa ka jingjynjar bad ka jingshah shitom, bad me ïailong uba la kloi ban ïarap. U briew u bym don nongïarap u aiti ïa lade ha me; me la ju ïarap ïa uba kyrduh.

SALM 10:18

Men ïohsngew ïa ka jingkyang jong kiba shah banbeiñ bad jong ki khunswet; men bishar da kaba sngewlem ïa ki; ba kumta ki briew kin ym pynjia jingshyrkhei shuh.

SALM 7:6

To ïeng ha ka jingbitar jong me, A Trai! To ïeng pyrshah ïa ka jingbitar ki nongshun jong nga; to pynkhie joit ïa lade bad ïarap ïa nga! Ka jingbishar hok ka dei kaba me dawa,

SALM 9:16

U Trai u la pynpaw ïa lade da ki jingbishar bahok; bad ïa ki bymman la riam da ki kam jong ki hi.

SALM 9:4

Me long uba beit bad uba hok ha ki jingbishar jong me, bad me la bishar ha ka jingsngewlem ïa nga.

JEREMAÏAH 51:31

U nonglamktien uwei hadien uwei u mareh ban ïathuh ha u syiem ka Babilonia ba ïa ka nongbah jong u la pynpra na baroh ki liang.

Ka Shithi U Paul Sha Ki Nong Rom 12:19

Wat ju pynhiarkput, ko ki paralok jong nga, hynrei pynban, to ai ba ka jingbitar jong U Blei kan leh ïa kata. Namar ka Jingthoh Bakhuid ka ong, “Ngan pynhiarkput, ngan siew kylliang, ong U Trai.”