2 SAMUEL 17:9 - Khasi CL Bible (BSI)

⁹ Wat mynta hi u dang rieh ha kawei na ki krem lane ha kawei pat ka jaka. Hamar ba u Dabid u tur ïaleh ïa ki rangbah jong phi, kat uba ïohsngew ïa kata un ong ba ki rangbah jong phi ki la shahjop.

KA BAIBL

⁹ Ha khmih, u rieh ha kano kano ka krem, lane ha kano kano kawei pat ka jaka: bad haba kin kyllon katto katne na ki ha kaba sdang, te uno uno u ban ïohsngew ïa kata un ong keiñ, ‘Ka jingpynïap ka don hapdeng uta u paidbah uba bud ïa u Absalom.’

2 SAMUEL 17:9 ပူးပေါင်းရင်းမြစ်များ

2 SAMUEL 17:10

Nangta wat ki rangbah kiba shlur tam, ki bym ju tieng kum ki sing, kin sheptieng namar uwei pa uwei ha Israel u tip ba u kpa jong phi u dei u shipai bakhraw bad ba ki rangbah jong u ki dei ki nongïaleh kiba satar.

2 SAMUEL 17:8

Phi tip ba u Dabid, u kpa jong phi bad ki rangbah jong u ki long ki nongïaleh kiba satar, bad ba ki long kiba shyrkhei kum ka dngiem kmie kaba la shah knieh ïa ki khun jong ka. U kpa jong phi u dei u shipai uba la mlien bha bad um ju sah bad la ki rangbah mynmiet.

JEREMAÏAH 41:9

Ka pukri ha kaba u Ishmael u la bret ïa ki metïap jong kita ki rangbah kiba u la pynïap ka long kaba heh bha kaba u syiem Asa u la tih mynba u la shah tur ïaleh ha u Baasha, u syiem ka Israel. U Ishmael u la pyndap ïa kata ka pukri da ki metïap.

JOSHUA 7:5

Ki rangbah jong ka Ai ki beh krad ïa ki naduh ka khyrdop shnong haduh ki katto katne ki par bad ki la pynïap kumba laiphew hynriew ngut ha ka lynti sharum ki lumrit. Te ki Israel ki la duh ka jingshlur bad ki la sheptieng.

JOSHUA 8:6

Kin wan beh ïa ngi haduh ba ngin da ïalam ïa ki kham sha jngai na ka nongbah. Kin pyrkhat ba ngi la phet ïap na ki, kumba ngi leh mynshuwa.

1 SAMUEL 22:1

U Dabid u phet krad na ka nongbah Gath bad u leit sha ka krem hajan ka nongrit Adullam. Haba ki hynmen shynrang jong u bad kiwei pat ki ba-ha-ïing ha-sem jong u ki tip ba u don hangta, ki la ïasoh bad u.

1 SAMUEL 23:22

Khie leit bad da pynthikna bha sa shisien pat; wad biang biang ha-ei u don, bad uei uba la ïohi ïa u hangta. Nga tip ba u long uba sianti bha.

1 SAMUEL 24:3

U wan poi ha ka krem hajan ki katto katne ki jaka set blang kiba harud lynti, bad u rung shapoh ban leit shabar. Ka jia ryngkhat ba ka dei kajuh ka krem ha kaba u Dabid bad ki rangbah jong u ki rieh kham shapoh jong kata ka krem.