2 SAMUEL 17:8 - Khasi CL Bible (BSI)

⁸ Phi tip ba u Dabid, u kpa jong phi bad ki rangbah jong u ki long ki nongïaleh kiba satar, bad ba ki long kiba shyrkhei kum ka dngiem kmie kaba la shah knieh ïa ki khun jong ka. U kpa jong phi u dei u shipai uba la mlien bha bad um ju sah bad la ki rangbah mynmiet.

KA BAIBL

⁸ U Hushai u la ong ruh, “Me ithuh ïa la u kpa bad ïa ki rangbah jong u, ba ki long kiba shynrang ki briew, bad kiba bitar la ki jingmut, kum ka dngiem kaba la jah noh la ki khun ha khlaw: u kpa jong me u long u riewïapom ruh, te un ym sah miet ryngkat bad u paidbah.

2 SAMUEL 17:8 ပူးပေါင်းရင်းမြစ်များ

2 SAMUEL 15:18

Baroh ki rangbah synshar jong u ki la ïeng hajan jong u, katba ka kynhun ki shipai ïada syiem ki dang ïaid na khmat jong u. Ki hynriewspah ngut ki shipai kiba la bud ïa u na Gath ki la ïaid,

2 SAMUEL 17:9

Wat mynta hi u dang rieh ha kawei na ki krem lane ha kawei pat ka jaka. Hamar ba u Dabid u tur ïaleh ïa ki rangbah jong phi, kat uba ïohsngew ïa kata un ong ba ki rangbah jong phi ki la shahjop.

2 SAMUEL 23:16

Ki lai ngut ki shipai bapawnam ki tur lyngba ka jaka shong dara jong ki Philistia, ki tong um na ka pukri, bad ki wanrah ïa ka sha u Dabid. Hynrei um treh dih ïa ka; hynrei u la theh ïa ka kum ka jingainguh ha U Trai,

2 SAMUEL 23:18

U Abishai, u para jong u Joab (ka kmie jong ki ka dei ka Seruïah) u long u nongïalam jong ki “Laiphew Ngut kiba pawnam”. U la ïaleh da la u sum pyrshah ïa ki laispah ngut ki rangbah bad u la pynïap ïa ki, bad u la long uba pawnam napdeng “Laiphew Ngut”.

2 SYIEM 2:24

U Elisha u phai dien, u la khmih da ka jingbitar ïa ki, bad u la tim ïa ki ha ka kyrteng jong U Trai. Nangta ar tylli ki dngiem kynthei ki la wan mih na khlaw bad ki la patar lyngkhot lyngkhai ïa ki sawphew ar ngut ki khynnah shynrang.

PROBERB 17:12

Ka kham bha ban ïakynduh ïa ka dngiem kaba la duh noh ïa la ki khun ban ïa kaba ïakynduh ïa uno uno uba bieit uba bunkam ha ka kam mutlop.

PROBERB 28:15

Ki briew kiba duk ki long khlem jingïarap ha khmat u nongsynshar uba sniew; u long uba shyrkhei kum u sing uba kyrhuh ne ka dngiem kaba tur.

ESEKIEL 19:2

A katno kmie jong phi ka la long kum ka sing! Ka la pynheh pynsan ïa ki khun jong ka hapdeng ki sing shynrang kiba ishyrkhei.

DANIEL 7:5

U mradkhlaw uba ar u syriem kum ka dngiem kaba ïeng ha ki kjat-dien jong ka. Ka la bat lai tylli ki shyieng krung hapdeng ki bniat jong ka, bad ka sur ka la ong ha ka, “Khie leit, bam shibun ka doh katba pha lah!”

HOSIA 13:8

Ngan tur ïaleh ïa phi kum ka dngiem kaba la duh ïa la ki khun, bad ngan tar arliang ïa phi. Kum u sing ngan bam ïa phi hangta hi, bad ngan tar ïa phi lyngkhot lyngkhai kum u mradkhlaw.

NONGBISHAR 18:25

Ki rangbah na Dan ki ong, “Kan bha ba phin ym bunktien lymda phi kwah ïa kine ki briew ban bitar bad ban kynrup ïa phi. Nangta ma phi bad ka longïing jong phi baroh phin ïap.”

1 SAMUEL 16:18

Uwei na kita ki nongap jong u, u ong, “U Jesse, uba na ka shnong Bethlehem, u don u khun uba long u nongtem nongput uba tbit. U long ruh uba shlur bad uba bhabriew, u shipai uba bha bad uba pnah thylliej. U Trai u don ryngkat bad u.”

1 SAMUEL 17:50

Bad kumta, khlem ka waitlam, u Dabid u jop bad u pynïap ïa u Goliath da ka jingshat maw bad da u maw!

1 SAMUEL 23:23

Wad bha ïa ki jaka ha kiba u rieh, bad da kynmaw ban wanrah khubor beit beit sha nga. Te ngan sa leit bad phi; bad lada u dang don ha kata ka thain, ngan kthong ïa u, wat la nga hap ban wad ha ka ri Judah baroh kawei.”