2 SAMUEL 17:25 - Khasi CL Bible (BSI)

²⁵ (U Absalom u la buh ïa u Amasa ban ai hukum ïa ka kynhun shipai ha ka jaka jong u Joab. U Amasa u dei u khun jong u Jether u nong Ishmael; ka kmie jong u ka dei ka Abigail, ka khun jong u Nahash bad ka para jong ka Seruïah, ka kmie jong u Joab.)

KA BAIBL

²⁵ Bad u Absalom u la thung ïa u Amasa halor u paidïapom ha ka jaka u Joab. Te une u Amasa u la long u khun jong uwei u briew, uba kyrteng “u Ithra” u kynja Israel, une u la leit bsut sha ka Abigail ka khun u Nahash, ka para ka Seruïah ka kmie u Joab.

2 SAMUEL 17:25 ပူးပေါင်းရင်းမြစ်များ

2 SAMUEL 17:26

U Absalom bad ki rangbah jong u ki la sher dara ha ka ri Gilead.

2 SAMUEL 19:13

U Dabid u la bthah ruh ïa ki ban ong ha u Amasa, “Phi dei u ba-ha-ïing jong nga. Naduh mynta nga buh ïa phi ban ïalam ïa ka kynhun shipai ha ka jaka jong u Joab. To U Blei un shoh ïap ïa nga lada ngam leh kumta!”

2 SAMUEL 19:14

Ki kyntien jong u Dabid ki la pynïoh ïa ka jingshaniah tylli jong baroh ki rangbah ka Judah, bad ki la phah ktien sha u ban wan phai bad ki rangbah synshar jong u baroh.

2 SAMUEL 20:4

U syiem u ong ha u Amasa, “Khot lang ïa ki rangbah Judah bad wan biang shane la shi sngi lem bad ki.”

1 SYIEM 2:28

U Joab u la ïohsngew ïa kaei kaba la jia. (U la kyrshan ïa u Adonijah, hynrei ym ïa u Absalom.) Kumta u la phet krad sha ka Ïingjaiñ Ka Jingdon Ryngkat U Trai bad u bat ïa ki reng kiba ha ki dong jong ka duwan.

1 SYIEM 2:32

U Trai un pynshitom ïa u Joab na ka bynta kito ki jingpynïap, kiba u la leh khlem ka jingtip u Dabid u kpa jong nga. U Joab u la pynïap ar ngut ki rangbah balui lui kiba kham bha ban ïa u — u Abner, u rangbah ai hukum jong ka kynhun shipai Israel, bad u Amasa, u rangbah ai hukum jong ka kynhun shipai Judah.

1 SYIEM 2:5

“Ka dang don shuh sa kawei pat. Me kynmaw ïa kaei kaba u Joab u la leh ïa nga da kaba pynïap ïa ki ar ngut ki rangbah ai hukum jong ki shipai Israel — u Abner, u khun jong u Ner bad u Amasa, u khun jong u Jether. Me kynmaw kumno u la pynïap ïa ki ha ka por suk pyrthei kum ka jingpynhiarkput ïa ka jingpynïap kaba ki la leh ha ka por thma. U la pynïap ïa ki rangbah balui lui, bad mynta nga bah ka jingkitkhlieh ïa kaei kaba u la leh, bad nga la shah jynjar na ka bynta kata.

1 KHRONIKL 12:19

Katto katne ngut ki shipai na ka jait Manasseh ki la leit sha ka liang u Dabid katba u dang tur shaphrang lem bad ki Philistia ban ïaleh ïa u Syiem Saul. Ha ka jingshisha um shym ïarap ïa ki Philistia, naba ki syiem jong ki, ki la sheptieng ïoh u shetkylla ïa ki sha u Saul u kynrad ba-mynshuwa jong u, kumta ki phah biang ïa u sha Siklag.

1 KHRONIKL 2:13

U Jesse u don hynñiew ngut ki khun shynrang. Kat kum ka rta ki long kumne: U Eliab u Abinadab, u Shammah, U Nethanel, u Raddai, U Osem, bad u Dabid.