2 SAMUEL 17:10 - Khasi CL Bible (BSI)

¹⁰ Nangta wat ki rangbah kiba shlur tam, ki bym ju tieng kum ki sing, kin sheptieng namar uwei pa uwei ha Israel u tip ba u kpa jong phi u dei u shipai bakhraw bad ba ki rangbah jong u ki dei ki nongïaleh kiba satar.

KA BAIBL

¹⁰ Hangta, wat uba shlur ruh, uba ka dohnud kum ka dohnud u sing, un jem noh jai: naba ki Israel baroh ki tip ba u kpa jong me u long uba shynrang ïapom, bad ba kita ki rangbah kiba bad u ki long kiba ïaw mynsiem.

2 SAMUEL 17:10 ပူးပေါင်းရင်းမြစ်များ

JENESIS 49:9

U Judah u long kum u sing, Haba u la pynïap ïa uba u thmu u leit phai sha la krem; Hangta u dem, bad u thiah. Uei uba nud ban pynthut ïa u?

2 SAMUEL 1:23

“U Saul bad u Jonathan, ki long kiba phylla bad ba sngewieit; Ryngkat ryngkat ha ka jingim, bad ryngkat ryngkat ha ka jingïap; ki kham stet ban ïa ki pukni, ki kham khlaiñ ban ïa ki sing.

2 SAMUEL 17:9

Wat mynta hi u dang rieh ha kawei na ki krem lane ha kawei pat ka jaka. Hamar ba u Dabid u tur ïaleh ïa ki rangbah jong phi, kat uba ïohsngew ïa kata un ong ba ki rangbah jong phi ki la shahjop.

2 SAMUEL 23:20

U Benaïah, u khun jong u Jehoïada, uba na Kabseel, u dei uwei pat u shipai uba pawnam; u la leh shibun ki kam shlur; kynthup ka jingpynïap ïa ki ar ngut ki khla-ka-wait jong ki Moab. Shisien u la leit hiar sha ka thliew ha ka sngi ba hap ïor bad u pynïap ïa u sing.

SALM 89:19

Ha ka jingïohipaw la slem bah me la ong ha ki shakri baïaineh jong me, “Nga la ai ïa ka jingïarap ha u shipai uba pawnam, nga la ai ïa ka khet ha uwei uba la jied na ki briew.

EKSODOS 15:15

Ki nongïalam jong ka Edom ki la sngewshyrkhei; ki rangbah bakhlaiñbor jong ka Moab ki sngewkyiuh; ki briew ka Kanaan ki duh noh ïa ka jingshlur jong ki.

PROBERB 28:1

Ki bymman ki phet ha bym don ba beh ïa ki, hynrei u briew uba hok u shlur kum u sing.

JINGRWAI SOLOMON 3:7

U Solomon u wan, la kit ïa u halor ka khet; hynriewphew ngut ki shipai ki pynlong ka kynhun ïada ïa u, ki shipai batbit tam ha Israel.

ISAÏAH 13:7

Ki kti jong uwei pa uwei kin noh kyrwep, bad ka jingshlur jong uwei pa uwei kam lah kyrda.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ESEKIEL 21:15

Ka pynlong ïa ki briew jong nga ban duh ka jingshlur bad ban kyllon. Nga byrngem ïa ka nongbah jong ki da ka waitlam kaba thaba kum ka leilieh bad ka pynkhreh ban pynïap.

DEUTERONOMI 1:28

Ngin ïaleit lei shata? Ngi te ngi sheptieng. Kito ki rangbah kiba ngi la phah ki ïathuh ïa ngi ba ki briew hangta ki kham khlaiñ bad kham jrong ban ïa ngi, bad ba ki shong ha ki nongbah kiba ki kynroh jong ki, ki kynjoh ïa ka suiñbneng. Ki la ïohi ruh hangta ïa ki ramhah.’

HEBRU 11:34

Ki la set ïa ki shyntur jong ki sing, ki la pynlip ïa ki ding kiba klang, ki la lait im na kaba shah pynïap da ka waitlam. Ki la long kiba tlot, hynrei ki la kylla long kiba khlaiñ; ki la long kiba khlaiñbor ha ka thma bad ki la jop ïa ki kynhun shipai nongwei.

1 SAMUEL 16:18

Uwei na kita ki nongap jong u, u ong, “U Jesse, uba na ka shnong Bethlehem, u don u khun uba long u nongtem nongput uba tbit. U long ruh uba shlur bad uba bhabriew, u shipai uba bha bad uba pnah thylliej. U Trai u don ryngkat bad u.”

1 SAMUEL 18:17

Nangta u Saul u ong ha u Dabid, “Kane ka dei ka Merab ka khun jong nga kaba kham shuwa. Ngan ai ïa ka ha me kum ka tnga jong me halor ka kyndon ba me dei ban shakri ïa nga kum u shipai bashlur bad baïaineh, bad ïaleh ïa ki thma U Trai.” (U Saul u nang pyrkhat ba ha kane ka rukom ki Philistia kin ïoh pynïap ïa u Dabid bad um da donkam ban leh da lade.)