2 SAMUEL 16:9 - Khasi CL Bible (BSI)

⁹ U Abishai, uba ka kmie jong u, ka Seruïah, u ong ha u syiem, “Ko Syiem Kynrad, balei phi shah ïa une u ksew ban tim ïa phi? Shah ngan leit hangtai bad khrai ïa ka khlieh jong u!”

KA BAIBL

⁹ Ynda kumta, u Abishai u khun ka Seruïah u la ong ha u syiem, “Balei une u 'sew ïap u tim ïa u syiem kynrad jong nga? nga kyrpad ïa me, to shah ïa nga ba ngan leit sha shiliang, ban khrai ïa ka khlieh jong u.”

2 SAMUEL 16:9 ပူးပေါင်းရင်းမြစ်များ

2 SAMUEL 19:21

U Abishai, u khun jong ka Seruïah u la kren, “Ïa u Shimei dei ban pynïap namar ba u la tim ïa uta uba U Trai u la jied kum u syiem.”

2 SAMUEL 19:22

Hynrei u Dabid u ong ïa u Abishai bad ïa u Joab, u para jong u, “Mano ba pan ïa ka jingmut na phi? Hato phi thmu ban pynwit ïa nga? Mynta, nga dei ma nga u Syiem jong ka Israel bad ha kane ka sngi yn ym pynïap ïa uno uno ruh u Israel.”

2 SAMUEL 3:30

Kumta u Joab bad u Abishai u para jong u ki la pynhiarkput ïa u Abner namar ka jingpynïap ïa u Asahel u hynmen u para jong ki ha ka thma ha Gibeon.

2 SAMUEL 3:8

Kane ka la pynbitar lep ïa u Abner, “Me tharai ba ngan shetkylla ïa u Saul? Me tharai shisha ba nga shakri ïa ki Judah?” u ong. “Naduh mynnyngkong, nga la ïaineh skhem na ka bynta u Saul u kpa jong me, ki hynmen ki para shynrang jong u, bad ki paralok jong u, bad nga da ïa me na kaba shahjop ha u Dabid; pynban ha kane ka sngi me wad dong ïa nga shaphang ka kynthei!

2 SAMUEL 9:8

U Mephibosheth u dem ngon sa shisien bad u ong, “Ko Kynrad, ngam long uba kham bha ban ïa u ksew uba la ïap! Balei ba phin da long uba bha haduh katne ïa nga?”

EKSODOS 22:28

“Wat kren sniew ïa U Blei, bad wat tim wat tla ïa u nongïalam jong ki briew jong phi.

LOUKAS 9:54

Haba U Jakob bad u Ïoannis kiba long ki synran ki la ïohi ïa kane, ki la ong, “Ko Trai, hato me kwah ïa ngi ban kyrpad ïa ka ding ban hiar na bneng ban pynjot ïa ki kumba u Elijah u la leh?”

KI KAM 23:5

U Paul u la jubab, “Ko para nong Israel jong nga, ngam shym tip ba u dei u Rangbah Lyngdoh. Ka Jingthoh Bakhuid ka ong, ‘Mem dei ban kren sniew ïa u nongsynshar ïa ki briew jong me.’ ”

1 PETROS 2:17

To ñiewburom ïa baroh, to ieit ïa la ki parabangeit, to tiengburom ïa U Blei, bad ñiewburom ïa u Patsha.

1 SAMUEL 24:14

Ha khmih ïa kaei u syiem Israel u pyrshang ban pynïap? Ha khmih ïano u beh kthong! Ïa u ksew ïap, ïa u thyllah!