2 SAMUEL 16:4 - Khasi CL Bible (BSI)

⁴ U syiem u ong ha u Siba, “Baroh kaba dei ka jong u Mephibosheth ka long ka jong me.” “Nga long u shakri jong phi,” u Siba u jubab. “Ai ba ngan ïai pynsngewbha ïa U Syiem Kynrad.”

KA BAIBL

⁴ Ynda kumta, u syiem u la ong ha u Siba, “Ha khmih, kiei kiei baroh ki jong u Mephibosheth ki long ki jong me.” U Siba te u la ong, “Nga nguh kyrpad ïa me; to ai ngan shem sngewbha ha khmat jong me, ko syiem kynrad.”

2 SAMUEL 16:4 ပူးပေါင်းရင်းမြစ်များ

2 SAMUEL 14:22

U Joab u dem khrup haduh khyndew ha khmat u Dabid da ka jingburom bad u ong “U Blei un kyrkhu ïa phi, ko Syiem Kynrad! Mynta nga tip ba phi sngewbha ïa nga, namar phi la mynjur ïa ka jingkyrpad jong nga.”

2 SAMUEL 14:4

Kata ka briew ka leit sha u syiem, ka dem ngon haduh khyndew ha ka jingñiewburom bad ka ong, “Ïarap ïa nga, ko Syiem Kynrad!”

2 SAMUEL 14:8

“Khie leit noh sha ïing,” u syiem u la jubab, “bad ngan sa khmih ïa ka kam.”

2 SAMUEL 16:3

“Shaei u Mephibosheth u ksiew jong u Saul, u kynrad jong me?” u syiem u kylli ïa u. “U sah ha Jerusalem,” u Siba u la jubab, “namar ba u la sngewthikna ba ki Israel mynta kin pynïoh pat ha u ïa ka hima jong u Saul, u kparad jong u.”

2 SAMUEL 16:5

Haba u Syiem Dabid u la wan poi ha Bahurim, uwei na ki ba-ha-ïing jong u Saul, u Shimei, u khun jong u Gera, u la wan ïakynduh ïa u, u da tim ïa u katba u dang wan.

2 SAMUEL 19:27

U la lamler shaphang jong nga ha phi ko Syiem kynrad; hynrei phi, phi long kum u angel U Blei, kumta leh ïa kaei kaba idei ïa phi.

2 SAMUEL 9:6

Haba u Mephibosheth, u khun jong u Jonathan bad u ksiew jong u Saul, u wan poi, u la dem ngon ha khmat u Dabid da ka jingburom. U Dabid u ong, “Mephibosheth!” bad u jubab, “Nga hangne, ko Kynrad.”

2 SAMUEL 9:9

Nangta u syiem u phah khot ïa u Siba, u shakri jong u Saul, bad u ong, “Nga ai ha u Mephibosheth, u ksiew jong u kynrad jong me, ïa baroh kaba dei ka jong u Saul bad ka longïing jong u.

EKSODOS 23:8

Wat bamsap, naba kaba bamsap ka pynmatlah ïa ki briew ban ym ïohi shuh ïa kata kaba dei, bad ka pynduh ïa ka nia jong kiba lui lui.

PROBERB 18:13

Da sngap ha shuwa ba phin jubab. Lada phim leh kumta, phi long uba bieit bad shah rkhiebeiñ.

PROBERB 18:17

U briew uba nyngkong ban kren ha ka ïingbishar borabor u sngewdei tad haduh ba uba ïaleh pyrshah u sdang ban buh jingkylli ïa u.

PROBERB 19:2

Ka jingshitrhem khlem ka jingtip kam long kaba bha; ka jingbymïaishah kan pynïoh ha phi ïa ka jingjynjar.

DEUTERONOMI 19:15

“Kam biang tang uwei u sakhi ban rai pynrem ïa u briew na ka bynta kano kano ka kam palat; la kumno kumno, ar ngut ki sakhi ki dei ban pynsabut ba u briew u leh kam sniew.