2 SAMUEL 16:23 - Khasi CL Bible (BSI)

²³ Ïa kano kano ka jingai jingmut ba u Ahithophel u la ai ha kito ki sngi, la pdiang kumba ka long hi ka ktien jong U Blei; u Dabid bad u Absalom baroh ar ngut ki bud ïa ka.

KA BAIBL

²³ Te ka jingpynibuit u Ahithophel, kaba u ju pyni buit ha kita ki sngi, ka la long kumjuh kumba la ïakylli na ka ktien U Blei: kumta keiñ, ka la long ka jingpynibuit u Ahithophel baroh, ha u Dabid ruh bad ha u Absalom de.

2 SAMUEL 16:23 ပူးပေါင်းရင်းမြစ်များ

2 SAMUEL 15:12

Bad katba u dang ai jingkñia, u Absalom u phah khot ruh na ka shnong Gilo ïa u Ahithophel, uba long uwei na ki nongaibuit jong u Syiem Dabid. Ka jingthmu barieh pyrshah ïa u syiem ka nang jur, bad ki nongbud jong u Absalom ki nang bun.

2 SAMUEL 15:31

Haba la ïathuh ha u Dabid ba u Ahithophel u la ïasoh lang bad ka jingïaleh pyrshah jong u Absalom, u la duwai, “Ko Trai, sngewbha pynpulom ïa ka jingaibuit u Ahithophel.”

2 SAMUEL 17:1

Ym slem hadien kata, u Ahithophel u ong ha u Absalom, “Shah ngan jied khat-ar hajar ngut ki rangbah, bad ha kane ka miet ngan mih ban leit thwet ïa u Dabid.

2 SAMUEL 17:14

U Absalom bad ki Israel baroh ki ong, “Ka jingai jingmut jong u Hushai ka kham bha ban ïa ka jong u Ahithophel.” U Trai u la rai ban pynpulom ïa ka jingai jingmut babha ka jong u Ahithophel, khnang ba ka jingjot kan wan ha u Absalom.

2 SAMUEL 17:23

Haba u Ahithophel u la ïohi ba ïa ka jingai jingmut jong u ym shym la pdiang, u la teh jin ïa la ka kada bad u leit phai noh sha la shnong. Ynda u la dep pynbeit ïa la ki kam ïing kam sem, u la sdien phasi ïa lade. La tep ïa u ha ka jingtep ka longïing jong u.

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

Ka Kitab U Job 5:12

U pynkylla khongpong ïa ki jingthmu jong ki briew kiba sianti, bad u riam ïa kiba sngewstad ha ki jingpyrshang la jong, khnang ba yn ym don kano kano kaba kin jop; wat ha ka por shiteng sngi kin tare kum ha ka jingdum.

SALM 19:7

Ka aiñ jong U Trai ka long kaba janai, ka ai ka jingkhlaiñ kaba thymmai. Ki hukum jong U Trai ki long kiba lah ban shaniah, kiba ai jingstad ha kito ki bym don ïa ka.

SALM 28:2

Shahshkor ïa nga haba nga kyang ha me ban ïoh jingïarap, haba nga rah ïa ki kti sha ka Templ bakhuid jong me.

EKLESIASTIS 10:1

Ki skain kiba ïap ki lah ban pyniwtung ïa baroh ka jingiwbih hapoh ka dabi, bad tang khyndiat ka jingmutlop ka lah ban pynduh ïa ka jingstad kaba khraw tam.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 8:9

Ïa ki rangbah bastad jong phi la buh ha ka jinglehrain; ki la shaïong bad shah riam. Ki la kyntait ïa ki ktien jong nga; ka jingstad kaba kumno ki la ïoh mynta?

JINGKHEIÑ 27:21

Un hap shaniah ha u Eleasar u lyngdoh, ban wad ïa ka mon jong nga da kaba pyndonkam ïa u Urim bad u Thummim. Da kumne u Eleasar un kdew ïa u Joshua bad u paid Israel ha ki kam jong ki baroh.”

MATHAÏOS 11:25

Ha kata ka por U Jisu u la ong, “Ko Kpa, U Trai ka bneng bad ka pyrthei! Nga ainguh ïa me namar ba me la pyn-i ha ki bymstad ïa kaei kaba me la buhrieh na kiba stad bad kiba la ïoh jinghikai.

LOUKAS 16:8

“Kaba mih ka long ba u trai jong une u sordar bymhok u la ïaroh ïa u ba u leh ïa kaba kum kane kaba sianti; namar ki briew jong kane ka pyrthei ki long kiba kham sianti ha kaba trei ïa la ki kam ban ïa ki briew kiba long ki jong ka jingshai.”

Ka Shithi U Paul Sha Ki Nong Rom 1:22

Ki ong ba ki long kiba stad, hynrei ki long kiba bieit;

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.

1 SAMUEL 30:8

U Dabid u kylli na U Trai, “Ngan leit beh ne em ïa kine ki nonglute? Ngan lap ne em ïa ki?” U jubab, “Khie leit beh ïa ki; men lap ïa ki, bad men pyllait ïa kiba la shah ringmraw.”