2 SAMUEL 16:22 - Khasi CL Bible (BSI)

²² Kumta ki pynïeng kawei ka ïingjaiñ ïa u Absalom ha tnum ka ïingsyiem; bad ha ka jingïohi jong uwei pa uwei baroh, u Absalom u leit rung shapoh bad u la ïathiah shongkha bad ki tnga kliar jong u kpa jong u.

KA BAIBL

²² Kumta, ki la pynïeng ïingjaiñ ïa u Absalom halor jrong ïing, bad u Absalom u la leit bsut sha kita ki tnga kliar u kpa jong u ha khmat ki Israel baroh.

2 SAMUEL 16:22 ပူးပေါင်းရင်းမြစ်များ

JENESIS 35:22

Katba u Jakob u dang shong dang sah ha kata ka ri, u Reuben u la ïathiah shongkha bad ka Bilhah, kawei na ki tnga kliar jong u kpa jong u. U Jakob u la tip ïa kata bad u bitar shla. U Jakob u don khat-ar ngut ki khun shynrang.

2 SAMUEL 11:2

Ha kawei ka sngi, haba la kham janmiet, u Dabid u la khie na kaba thiah shipor bad u la leit shalor ka tnum ïing jong ka ïingsyiem. Katba u dang ïaid sawdong hangta, u la ïohi ïa ka kynthei kaba dang sum. Ka long kaba bhabriew shikatdei.

2 SAMUEL 15:16

Kumta u syiem u phet noh, da ka jingsynran lem ka longïing jong u bad ki rangbah synshar jong u baroh, lait noh ki shiphew ngut ki tnga kliar, ïa kiba u la iehnoh shadien ban sumar ïa ka ïingsyiem.

2 SAMUEL 20:3

Haba u Dabid u la wan poi ha la ka ïingsyiem ha Jerusalem, u shim ïa ki shiphew ngut ki tnga kliar kiba u la iehnoh ban sumar ïa ka ïingsyiem, bad u buh ïa ki hapoh ka jingap phira. U la pynbiang ïa ki jingdonkam jong ki, hynrei um shym ïathiah shongkha bad ki. La buh ïa ki hangta baroh ki sngi ka jingim jong ki, da kaba im kum ki kynthei ba la ïap lok.

ISAÏAH 3:9

Ïa ki jingnoh shiliang jong ki yn bat pyrshah ïa ki. Ki leh pop khlem rieh kumba ki briew ka Sodom ki la leh. Ki long kiba la tim, bad ki la wallam ïa ka halor jong ki hi.

JEREMAÏAH 3:3

Dei kata keiñ balei ba la bat noh ïa u slap, bad u slap pyrem um shym la wan. Pha la da i syriem hi kum ka nuti; pham don kano kano ka jinglehrain.

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

ESEKIEL 24:7

Ka la don ka jingpynïap briew ha ka nongbah, hynrei ka snam kam shym pashait ha ka khyndew ha kaba ka khyndew kam lah ban buhrieh ïa ka; ka la pashait ha u mawsiang basyllen.

JINGKHEIÑ 25:6

Uwei u Israel u la ïalam ïa kawei ka kynthei Midian sha la ïingjaiñ, ha kaba ïohi jong u Moses bad ka kynhun baroh, katba ki dang ïa-ïam sngewsih ha ka jingkhang ka Ïingjaiñ ka Jingdon Ryngkat U Trai.

PHILIPPI 3:19

Ka jingkut jong ki kan long ha dujok, namar u blei jong ki u long ki jingkwah brai ka doh jong ki. Ki sngewsarong ïa kaei kaba ki dei ban sngewlehrain, bad ki pyrkhat tang ïa kiei kiei kiba long ki jong kane ka pyrthei.