2 SAMUEL 16:21 - Khasi CL Bible (BSI)

²¹ U Ahithophel u jubab, “Khie leit ïathiah shongkha bad ki tnga kliar u kpa jong phi, ïa kiba u la iehnoh shadien ban sumar ïa ka ïingsyiem. Te uwei pa uwei ha Israel un tip ba u kpa jong phi u kheiñ ïa phi kum u nongshun jong u, bad ïa ki nongbud jong phi yn pynshlur shibun eh.”

KA BAIBL

²¹ Bad u Ahithophel u la ïathuh ha u Absalom, “To leit bsut ha kita ki tnga kliar jong u kpa jong me, ïa kiba u la pynsah ban sumar ïing; te ki Israel baroh kin ïohsngew ba u kpa jong me u la isaitmet ïa me: hangta yn pynkhlaiñ ïa ki kti jong kine baroh kiba ryngkat bad me.”

2 SAMUEL 16:21 ပူးပေါင်းရင်းမြစ်များ

JENESIS 34:30

Nangta u Jakob u ong ha u Simeon bad ha u Lebi, “Phi la pynjynjar ïa nga; ki Kanaan bad ki Peris, bad kat kiba don ha kane ka ri, mynta kin sa shun ïa nga. Ngam dei uba bun paid; lada ki ïa-tylli lang kawei pyrshah ïa nga, bad ki ïaleh ïa nga, ma nga bad ka ïing jong nga baroh ngin sa shah pynjot.”

JENESIS 35:22

Katba u Jakob u dang shong dang sah ha kata ka ri, u Reuben u la ïathiah shongkha bad ka Bilhah, kawei na ki tnga kliar jong u kpa jong u. U Jakob u la tip ïa kata bad u bitar shla. U Jakob u don khat-ar ngut ki khun shynrang.

JENESIS 38:16

U leit sha ka harud jong ka lynti bad u ong, “To ong, katno phi buh dor?” (Um shym tip ba ka dei ka pyrsa kurim jong u.) Ka ong “Phin ai aïu ïa nga?”

JENESIS 6:4

Ha kito ki sngi, bad wat hadien kata ruh, la don ki ramhah ha ka pyrthei kiba long ki khun ki ksiew jong kita ki khun kynthei jong ki briew bad kita ki jingthaw ba kynja bneng. Ki la long ki riewshlur bakhraw bad ki briew kiba pawnam ha ki por mynbarim.

2 SAMUEL 10:6

Ki Ammon ki la sngewthuh ba ki la pynlong nongshun ïa u Dabid, kumta ki la phah wai arphew hajar ngut ki shipai Syria na Bethrehob bad na Sobah, khat-ar hajar ngut ki rangbah na Tob, bad ïa u syiem Maakah lem bad shihajar ngut ki rangbah.

2 SAMUEL 12:11

Nga smai ha me ba ngan pynlong ïa uwei na ka longïing jong me hi ban wallam jingjynjar halor jong me. Men ïohi ïa ka haba nga shim na me ïa ki tnga jong me bad ai ïa ki ha uwei pat u briew; bad un ïathiah shongkha bad ki haba dang shai ka sngi.

2 SAMUEL 13:5

U Jonadab u ong ha u, “Khie leit thiah, bad leh mynleh pang. Haba i pa jong phi i wan jngoh ïa phi, ong ha i, ‘Sngewbha ong ïa i para jong nga i Tamar ban wan bad ai bam ïa nga. Nga kwah ïa i ban pynkhreh jingbam hangne ha kaba nga lah ban ïohi ïa i, bad ba in ai bam ïa nga da ma i hi.’ ”

2 SAMUEL 15:16

Kumta u syiem u phet noh, da ka jingsynran lem ka longïing jong u bad ki rangbah synshar jong u baroh, lait noh ki shiphew ngut ki tnga kliar, ïa kiba u la iehnoh shadien ban sumar ïa ka ïingsyiem.

2 SAMUEL 16:20

Nangta u Absalom u phai sha u Ahithophel bad u ong, “Mynta ba ngi don hangne, kaei ka jingai jingmut jong phi ïa ngi ban leh?”

2 SAMUEL 17:7

U Hushai u jubab, “Ka jingai jingmut kaba u Ahithophel u la ai ha phi ha kane ka por kam long kaba bha.

2 SAMUEL 2:7

To long kiba khlaiñ bad kiba shlur! U Saul, u syiem jong phi u la ïap, bad ki paid Judah ki la pynsleh ïa nga kum u syiem jong ki.”

2 SAMUEL 20:3

Haba u Dabid u la wan poi ha la ka ïingsyiem ha Jerusalem, u shim ïa ki shiphew ngut ki tnga kliar kiba u la iehnoh ban sumar ïa ka ïingsyiem, bad u buh ïa ki hapoh ka jingap phira. U la pynbiang ïa ki jingdonkam jong ki, hynrei um shym ïathiah shongkha bad ki. La buh ïa ki hangta baroh ki sngi ka jingim jong ki, da kaba im kum ki kynthei ba la ïap lok.

1 SYIEM 11:25

U dei u nongshun jong ki Israel baroh shi lynter jingim u Solomon.

1 SYIEM 2:17

U jubab, “Sngewbha kylli ïa u Syiem Solomon — nga tip un ym kyrngah ïa phi — ban shah ïa nga ban ïoh ïa ka Abishag, ka theisamla na Shunem, kum ka tnga jong nga.”

1 SYIEM 2:22

“Balei ba phi pan na nga ban ai ïa ka Abishag ha u?” u syiem u kylli. “Phi lah ban sa pan ruh na nga ban ai ha u ïa ka khet ruh. Nalor kata, u dei u hynmen ba kham heh jong nga, bad ba u Abiathar u lyngdoh bad u Joab ki don ha ka liang jong u!”

LEBITIKOS 18:8

Wat pynjahburom ïa la u kpa da kaba ïathiah shongkha bad kano kano na ki tnga jong u.

LEBITIKOS 20:11

U briew uba ïathiah shongkha bad kawei na ki tnga jong u kpa jong u, u pynjahburom ïa la u kpa; ma u bad kata ka kynthei kin shah pynïap baroh ar ngut.

SEKHARAÏAH 8:13

Ko ki paid Judah bad Israel! Ha ki por ba-mynshuwa ki nongwei ki ïatim iwei ïa iwei pat da kaba ong, ‘Ai ba kijuh ki jingpynjot kiba la hap ha Judah bad Israel kin hap halor jong phi!’ Hynrei ngan pynim ïa phi, bad nangta kito ki nongwei kin ong iwei ïa iwei pat, ‘Ai ba phin ïohpdiang ïa kijuh ki jingkyrkhu kiba la wan ha ka Judah bad Israel!’ Kumta to long shlur bad wat sheptieng.”

1 KORINTH 5:1

Mynta, la don ka jingong kaba thikna ba ka don ka jingïaleh awria hapdeng jong phi kaba shyrkhei haduh katta katta ba wat ki bymngeit kin sngewrem ïa kata. La ïathuh ïa nga ba uwei u briew u ïathiah shongkha bad la ka meinah!

1 SAMUEL 13:4

La ïathuh ha baroh ki Israel ba u Saul u la pynïap ïa u rangbah ai hukum jong ki Philistia bad ba ki Philistia ki la isih ïa ki. Kumta ki paidbah ki jubab ïa ka jingkhot ban ïasoh bad u Saul ha Gilgal.

1 SAMUEL 27:12

Hynrei u Akhish u shaniah ïa u Dabid, u da ong ha lade, “U la long uba la isih haduh katta katta da ki briew jong u hi ki Israel ba kumta un hap long u shakri ïa nga baroh shi rta.”