2 SAMUEL 16:16 - Khasi CL Bible (BSI)

¹⁶ Haba u Hushai, u paralok bajan jong u Dabid, u la ïakynduh ïa u Absalom, u la pyrta, “To u syiem un im slem! To u syiem un im slem!”

KA BAIBL

¹⁶ Te haba u Hushai u nong Arkhi, u lok u Dabid, u la wan ha u Absalom, u Hushai u la ong ha u Absalom, “To un im u syiem, to un im u syiem.”

2 SAMUEL 16:16 ပူးပေါင်းရင်းမြစ်များ

2 SAMUEL 15:32

Haba u Dabid u la poi ha ka kliar jong u lum, ha kaba don ka jaka mane Blei, u Hushai, u nong Arkhit uba dei u paralok bajan jong u, u la ïakynduh ïa u da kaba phong ki jaiñ kiba la kad bad ka khyndew ha ka khlieh jong u.

2 SAMUEL 15:34

hynrei phi lah ban ïarap ïa nga da kaba leit phai sha ka nongbah bad ong ïa u Absalom ba mynta phin shakri hok ïa u kumba phi la shakri ïa u kpa jong u. Bad leh ïa baroh kaba phi lah ban leh pyrshah ïa kano kano ka jingai jingmut kaba u Ahithophel u ai.

2 SAMUEL 15:37

Kumta u Hushai, u paralok jong u Dabid, u la leit phai sha ka nongbah hamar ba u Absalom u dang wan poi.

1 SYIEM 1:25

Ha kane hi ka sngi u la leit ai jingkñia da shibun ki masi, ki langbrot, bad ki khun masi ba la pynsngaid. U la khot sngewbha ïa ki khun shynrang jong phi baroh, ïa u Joab u rangbah ai hukum jong ka kynhun shipai jong phi, bad ïa u Abiathar u lyngdoh, bad mynta hi ki dang ïabam ïadih bad u bad ki pyrta, ‘Im slem Syiem Adonijah!’

1 SYIEM 1:34

ha kaba u Sadok bad u Nathan ki dei ban pynsleh ïa u kum u syiem Israel. Nangta put ïa ka turoi bad pyrta, ‘Im slem Syiem Solomon!’

1 SYIEM 4:5

U khlieh jong ki lat ka distrik: U Asaraïah, u khun jong u Nathan U nongai jingmut ïa u syiem: U Sabud, u lyngdoh, u khun jong u Nathan

2 SYIEM 11:12

Nangta u Jehoïada u ïalam ïa u Joash shabar, u buh ïa ka pansngiat ha ka khlieh jong u, bad u ai ha u ïa ka kopi jong ki aiñ ba pynïaid ïa ka jinglong syiem. Nangta ïa u Joash la pynsleh syiem bad la pynbna kum u syiem. Ki paidbah ki thab ïa la ki kti bad ki ïarisa, “Im slem ko syiem!”

DANIEL 2:4

Ki la jubab ïa u syiem ha ka ktien Aramaik, “To u Syiem Kynrad un im junom! To ïathuh ha ngi ïa ka jingphohsniew jong phi, bad ngin batai ïa ka ha phi.”

DANIEL 5:10

Ka kmie jong u syiem ka la ïohsngew ïa ka jingsawa ba la pynmih da u syiem bad ki rangbah donburom jong u bad ka la rung sha ka kamra jingkhawai. Ka la ong, “To u syiem un im junom! Sngewbha wat da khih khuslai than bad wat da lieh blaid blaid.

DANIEL 6:21

U Daniel u la jubab, “Ai ba u Syiem Kynrad un im junom!

DANIEL 6:6

Kumta ki la leit ban jngoh ïa u syiem bad ki la ong, “Ko syiem Darius, ai ba u Syiem Kynrad un im junom!

MATHAÏOS 21:9

Ki paidbah kiba la ïaid ha khmat jong U Jisu bad kito kiba la bud nadien ki la sdang ban pyrta, “To ïaroh ïa U khun u Dabid! U Blei u kyrkhu ïa uta uba wan ha ka kyrteng jong U Trai! To ïaroh ïa U Blei!”

1 SAMUEL 10:24

U Samuel u ong ha uta u paidbah, “Hangne u long uta u briew uba U Trai u la jied. Ym don uba kum ma u hapdeng jong ngi.” Baroh u paidbah u risa, “To un im slem u syiem!”