2 SAMUEL 16:12 - Khasi CL Bible (BSI)

¹² Lehse U Trai un ïohi ïa ka jinglanot jong nga bad un ai ha nga katto katne ki jingkyrkhu ban shim bujli ïa ka jingtim jong u.”

KA BAIBL

¹² Lehse U Trai un khmih ïa kane ka pop ba la leh ha nga, bad un ai U Trai ïa nga da ka babha namar ka jingtim jong u ïa nga ha kane ka sngi.”

2 SAMUEL 16:12 ပူးပေါင်းရင်းမြစ်များ

2 SAMUEL 16:13

Kumta u Dabid bad ki rangbah jong u ki bteng la ka jingïaid lynti. U Shimei u bud ïa ki, u da ïaid na ka sharing lum; u da tim bad kawang maw bad khyndew ha ki katba u dang ïaid.

2 SYIEM 19:4

U patsha ka Assyria u la phah ïa u rangbah synshar ba-halor tam ban ibeiñ ïa U Blei uba im. To ai ba U Trai U Blei jong phi un ïohsngew ïa kine ki jingibeiñ bad un pynshitom ïa kito kiba kren ha ki. Kumta duwai ha U Blei na ka bynta kito ki briew kiba lait im.”

SALM 10:14

Hynrei me, me ïohi; me khmih ïa ka jingjynjar bad ka jingshah shitom, bad me ïailong uba la kloi ban ïarap. U briew u bym don nongïarap u aiti ïa lade ha me; me la ju ïarap ïa uba kyrduh.

SALM 109:28

Ki lah ban tim ïa nga, hynrei men kyrkhu ïa nga. Ai ba ki nongpynshitom beiñ jong nga kin shahjop, bad to ai ba ma nga, u shakri jong me, ngan kmen.

SALM 132:1

A Trai, wat nym klet ïa u Dabid bad ïa ki jingeh baroh kiba u la shah.

SALM 25:18

To ñiew ïa ki jingjynjar bad jingshitom jong nga bad map ïa ki pop jong nga baroh.

PROBERB 25:22

Phin pynlong ïa u ba la thang da ka jinglehrain bad U Trai un ainong ïa phi.

PROBERB 26:2

Ki jingtim kim lah ban pynmynsaw ïa phi lait tang haba phi dei hok ban ïoh ïa ki. Ki long kum ki sim kiba her bad ki bym ju shongneh.

ISAÏAH 27:7

Ïa ka Israel ym shym pat la pynshitom jur da U Trai kumba la leh ïa ki nongshun jong ka, lymne kam shym la duh shibun ki rangbah.

JOEL 2:14

Lehse U Trai U Blei jong phi un kylla ka jingmut bad un kyrkhu ïa phi da ki jingthung bakyrhai. Te phin lah ban ainguh ha u da u kew bad ka waiñ.

Ka Shithi U Paul Sha Ki Nong Rom 8:28

Ngi tip ba ha kiei kiei baroh, U Blei u trei na ka bynta ka jingpynbha ïa kito kiba ieit ïa u, ïa kito ïa kiba u la khot kat kum ka jingthmu jong u.

2 KORINTH 4:17

Bad kane ka jingshahshitom kaba khyndiat bad kaba tang shipor kaba ngi shah kan wallam ha ngi ïa ka burom bakhraw bad ba bymjukut, kaba kham khraw palat ban ïa kata ka jingjynjar.

DEUTERONOMI 23:5

Hynrei U Trai U Blei jong phi un ym sngap ïa u Balaam; u pynkylla pynban ïa kata ka jingtim sha ka jingkyrkhu, namar ba u ieit ïa phi.

DEUTERONOMI 23:6

Katba phi dang long kawei ka jaitbynriew, wat leh ïa kano kano ka ban ïarap ïa kine ki jaitbynriew ne pynmyntoi ïa ki.

2 THESSALONI 1:7

bad un ai ka jingpyllait ha phi kiba shahshitom bad ha ngi ruh kumjuh. Un leh ïa kane haba U Trai Jisu u mihpaw na bneng lem bad ki angel bakhlaiñbor jong u,

HEBRU 12:10

Ki kpa jong ngi ki sneng sympat ïa ngi tang shipor, katba ki sngewbit ma ki, hynrei U Blei u leh ïa kata na ka bynta ka jingbha jong ngi hi, khnang ba ngin ïoh bynta lang ha ka jingkhuid jong u.

1 SAMUEL 1:11

Ka Hannah ka pynlong ka jingsmai kyntang, “A Trai Badonbor Baroh, to khmih ïa nga ka shakri jong me! To peit ïa ka jingkordit jong nga bad kynmaw ïa nga! To wat klet ïa nga! Lada men ai khun shynrang ïa nga, nga kular ba ngan aiti ïa u sha me baroh shi rta ka jingim jong u, bad da lei lei yn ym khap ïa u shñiuh jong u.”