2 SAMUEL 16:1 - Khasi CL Bible (BSI)

¹ Haba u Dabid u la jam kham sha khmat na ka kliar lum, u la ïakynduh kynsan ïa u Siba, u shakri jong u Mephibosheth, uba la don bad u shi jur ki kada kiba kit arspah tylli ki kpu, shispah tylli ki rynjup soh kismis, shispah tylli ki rynjup soh ba dang shu kheit, bad kawei ka pla snieh ba-dap da ka waiñ.

KA BAIBL

¹ Te haba u Dabid u la palat khyndiat ïa ka khlieh uta u lum, ha khmih, u Siba u shakri u Mephibosheth u la ïashem bad u, u da don ruh shi jur ki kadda ba la teh jin, bad halor kita la don arspah tylli ki kpu, bad shispah rynjup ki soh Khajur, bad shispah tylli ki soh lyiur, bad shi lywa ka Waiñ.

2 SAMUEL 16:1 ပူးပေါင်းရင်းမြစ်များ

2 SAMUEL 15:30

Haba u Dabid u leit shalor u Lum ki Olib da kaba ïam; u ïaid da ka kjat suda bad u tap ïa la ka khlieh kum ka dak ka jingsngewsih. Baroh kiba bud ïa u ki la tap ïa la ki khlieh bad ki la ïam ruh.

2 SAMUEL 15:32

Haba u Dabid u la poi ha ka kliar jong u lum, ha kaba don ka jaka mane Blei, u Hushai, u nong Arkhit uba dei u paralok bajan jong u, u la ïakynduh ïa u da kaba phong ki jaiñ kiba la kad bad ka khyndew ha ka khlieh jong u.

2 SAMUEL 19:17

U la don bad u shihajar ngut ki rangbah na ka jait Benjamin. Bad u Siba ruh, u shakri jong ka longïing jong u Saul, u la wan lem bad ki khatsan ngut ki khun shynrang jong u bad arphew ngut ki shakri, bad ki la wan poi ha Jordan ha shuwa jong u syiem.

2 SAMUEL 19:32

U Barsillai u long uba la tymmen bha, u la phraphew snem ka rta. U long uba riewspah bha, bad u la pynbiang jingbam ïa u syiem mynba u dang sah ha Mahanaim.

1 KHRONIKL 12:40

Na sha jngai bah na shaphang shatei jong ki jait Issakhar, Sebulun, bad Naphtali, ki briew ki wanrah ïa ki kada, ki ut, ki khashor, bad ki muid ba la pynkit kyrhai da ki jingbam — u 'purew, ki soh Dumbur, ki soh Khajur, ka waiñ, bad ka umphniang Olib. Ki wallam ruh ïa ki masi bad ki langbrot ban pynïap bad ban bam. Kane baroh ka long ka jingpynpaw ïa ka jingkmen kaba ka ri baroh kawei ka mad.

PROBERB 18:16

Hato phi kwah ban ïakynduh ïa u briew uba khraw? Rah sha u ka jingai sngewbha bad kan pynsuk ïa phi.

JEREMAÏAH 40:10

Ma nga hi ngan sah ha Mispah bad ngan long u nongmihkhmat jong phi haba ki nong Babilonia kin wan shane. Hynrei phi lah ban lum bad kynshew ïa ka waiñ, ki soh, bad ka umphniang Olib, bad ban shong ban sah ha la ki shnongrit ba phi don.”

JEREMAÏAH 40:12

Kumta ki la mihnoh na ki jaka ba la pynsakma ïa ki bad ki la wan phai pat sha Judah. Ki la wan sha u Gedalaïah ha Mispah, bad hangta ki la ïalum shibun bah ka waiñ bad ki soh.

AMOS 8:1

Nga la ïoh kawei pat ka jingïohipaw na U Trai Nongsynshar. Ha ka, nga la ïohi shi shang ki soh.

MIKAH 7:1

Ka long ka jingduh jingkyrmen! Nga long kum u briew uba thngan uba shem ba ym don soh ba dang sah ha ki dieng bad ym don sohwaiñ ha ki dieng sohwaiñ. Ïa baroh ki sohwaiñ bad baroh ki soh Dumbur ba-bang la kheit lut.

1 SAMUEL 10:3

Men ïaid nangta haduh ba men poi ha u dieng uba kyntang ha Tabor; hangta men ïakynduh lai ngut ki rangbah kiba leit kñia jingainguh ha U Blei ha Bethel. Uwei na ki un ïalam lai tylli ki khunblang, uwei pat un rah lai tylli ki kpu, bad uba lai un kieng ka pla snieh ba-dap da ka waiñ.

1 SAMUEL 16:20

U Jesse u phah ïa u Dabid sha u Saul lem bad u khunblang, u kada uba kit shikhung u kpu bad ka pla snieh ba-dap da ka waiñ.

1 SAMUEL 25:18

Ka Abigail ka la pynstet ban lum arspah tylli ki kpu, ar tylli ki pla snieh ba-dap da ka waiñ, san tylli ki langbrot kiba la syang, khathynñiew kilo u kew ba la sdieh; shispah tylli ki rynjup soh kismis, bad arspah tylli ki thup soh Dumbur tyrkhong, bad ka pynkit ïa ki halor ki kada.