2 SAMUEL 15:8 - Khasi CL Bible (BSI)

⁸ Mynba nga dang sah ha Geshur kaba ha Syria, nga la kular ïa U Trai ba lada un ïalam biang ïa nga sha Jerusalem, ngan mane ïa u ha Hebron.”

KA BAIBL

⁸ Naba u shakri jong me u la kular ïa ka kular mynba nga la shong ha Geshur ha Syria, da kaba ong, ‘Lada shisha U Trai un wallam pat ïa nga sha Jerusalem, nga te ngan shakri ïa U Trai.’ ”

2 SAMUEL 15:8 ပူးပေါင်းရင်းမြစ်များ

2 SAMUEL 14:23

Nangta u la ïeng joit bad u leit sha Geshur, bad u wan ïalam pat ïa u Absalom sha Jerusalem.

2 SAMUEL 14:32

U Absalom u jubab, “Namar ba phim wan haba nga la phah khot ïa phi. Nga la kwah ïa phi ban leit sha u syiem bad ban kylli na ka bynta jong nga: ‘Balei nga dei ban iehnoh ïa ka Geshur bad wan hangne? Kan jin da la kham bha ïa nga ban sah hangta.’ ” U Absalom u bteng, “nga kwah ïa phi ban pynbeit ïa nga ban ïohi ïa u syiem, bad lada nga la kit pop, te shah ïa u ban pynïap ïa nga.”

2 SAMUEL 15:9

“Khie leit suk,” u syiem u ong. Kumta u Absalom u la leit noh sha Hebron.

2 SAMUEL 3:3

u Khileab, uba ka kmie jong u ka dei ka Abigail, ka tnga jong u Nabal uba la ïap, kaba na Karmel; u Absalom, uba ka kmie jong u ka dei ka Maakah, ka khun jong u Talmai u syiem ka Geshur;

SALM 56:12

A Blei, ngan ai ha me ïa kaei kaba nga la kular; ngan ai ha me ïa ki jingai jong ka jingainguh,

EKLESIASTIS 5:4

Kumta haba phi pynlong ka jingkular ha U Blei, pyndep kloi ïa ka katba lah. Um donkam ïa u bieit. Leh ïa kaei kaba phi kular ban leh.

ISAÏAH 28:15

Phi sarong ba phi la pynlong ïa ka jingïateh bad ka jingïap bad poi sha ka jingïakut bad ka pyrthei kiba ïap. Phi sngewthikna ba phin lait na ka jingjot haba kan wan, namar phi shaniah ha ki jinglamler bad ki jingshukor ban pyllait ïa phi.

JOSHUA 24:15

Te lada phim mon ban shakri ïa u, jied ha kane hi ka sngi ïano phin shakri, ïa ki blei ba ki kpa tymmen jong phi ki la mane ha Mesopotamia, ne ïa ki blei jong ki Amor, kiba ha ka ri jong ki phi shong phi sah mynta. Hynrei ma nga bad ka ïing jong nga, ngin shakri ïa U Trai.”

1 SAMUEL 1:11

Ka Hannah ka pynlong ka jingsmai kyntang, “A Trai Badonbor Baroh, to khmih ïa nga ka shakri jong me! To peit ïa ka jingkordit jong nga bad kynmaw ïa nga! To wat klet ïa nga! Lada men ai khun shynrang ïa nga, nga kular ba ngan aiti ïa u sha me baroh shi rta ka jingim jong u, bad da lei lei yn ym khap ïa u shñiuh jong u.”

1 SAMUEL 16:2

“Kumno nga lah ban leh ïa kata?” U Samuel u kylli. “Lada u Saul u ïohsngew ïa kata, un pynïap ïa nga!” U Trai u jubab, “Shim ïa u khun masi bad ong ba me don hangta ban kñia ïa ka jingainguh ha U Trai.