2 SAMUEL 15:30 - Khasi CL Bible (BSI)

³⁰ Haba u Dabid u leit shalor u Lum ki Olib da kaba ïam; u ïaid da ka kjat suda bad u tap ïa la ka khlieh kum ka dak ka jingsngewsih. Baroh kiba bud ïa u ki la tap ïa la ki khlieh bad ki la ïam ruh.

KA BAIBL

³⁰ Bad u Dabid u la leit kiew ïa u lum ki Olib, u da ïam ruh katba kiew artet; bad u la tapmoh ïa la ka khlieh, bad u la ïaid 'jat lyngkhuit ruh de: bad kita ki briew baroh kiba la don lem bad u ki la tapmoh uwei pa uwei ïa la ka khlieh, bad ki la leit artet, ki da ïam katba ki ïakiew.

2 SAMUEL 15:30 ပူးပေါင်းရင်းမြစ်များ

2 SAMUEL 15:29

Kumta u Sadok bad u Abiathar ki bah biang ïa ka Synduk ka Jutang sha Jerusalem bad ki sah hangta.

2 SAMUEL 19:4

U syiem u tap ïa la ka durkhmat bad u kyang jam, “A, ko khun jong nga! Ko khun jong nga, ko Absalom! ko Absalom, ko khun jong nga!”

2 SAMUEL 19:5

U Joab u leit sha ïing jong u syiem bad u ong ha u, “Ha kane ka sngi phi la pynlehrain ïa ki rangbah jong phi — ki rangbah kiba la pyllait im ïa phi, ïa ki khun shynrang bad ki khun kynthei jong phi, bad ïa ki tnga bad ki tnga kliar jong phi.

ESTHER 6:12

Nangta u Mordekai u leit phai pat sha ka khyrdop ka ïingsyiem katba u Haman u pynstet ban leit sha la ïing, u da tap ïa la ka khmat ha ka jinglehrain.

SALM 42:3

Nga ïam mynsngi bad mynmiet, bad ki ummat ki long tang ma ki ka jingbam jong nga; man ka por ki nongshun jong nga ki kylli ïa nga, “Hangno u don U Blei jong phi?”

SALM 43:5

Balei ba nga sngewsih haduh katta katta? Balei ba nga sngew jynjar sat? Ngan buh ïa ka jingkyrmen jong nga ha U Blei, bad sa shisien pat ngan ïaroh ïa u, U nongpynim jong nga bad U Blei jong nga.

ESEKIEL 24:17

Wat ai ba yn pynsngew ïa ki jingïam jong pha. Wat leit kumto khlem tapkhlieh lane khlem jingsopkjat kum ka dak jong ka jingïam pangnud. Wat tap ïa la ka khmat lane bam ïa ka jingbam kaba ki nongïam pangnud ki bam.”

ESEKIEL 24:23

Phan ym leit khlem tapkhlieh lane khlem sopkjat lane sngewsih ne ïam. Phan pynsep-ei namar ki pop jong pha, bad phan ïa-ud iwei ha iwei.

SEKHARAÏAH 14:4

Ha kata ka por un ïeng halor u lum Olib, ha ka phang mihngi jong ka Jerusalem. Te ïa u lum Olib yn sa kad arliang na mihngi sha sepngi da ka them kaba khraw. Shiteng jong u lumbah un kynriah shaphang shatei bad shiteng jong u shaphang shathie.

MATHAÏOS 5:4

Suk kito kiba sngewsih; U Blei un pyntngen ïa ki!

LOUKAS 19:29

Haba u la poi hajan Bethphage bad Bethania ha u lum ki Olib, u la phah ar ngut ki synran sha shuwa lem bad kine ki jingbthah:

LOUKAS 19:37

Haba u la poi hajan ka Jerusalem, ha ka jaka ha kaba ka lynti kaba hiar sha u lum ki Olib, ki paid synran jong u kiba bun bah ki la sdang ban ainguh ïa U Blei bad ïaroh ïa u ha ki sur bajam na ka bynta kiei kiei kiba khraw baroh kiba ki la lah ïohi:

LOUKAS 19:41

U la poi kham jan sha ka nongbah, bad haba u la ïohi ïa ka, u la ïam na ka bynta jong ka, u da ong,

LOUKAS 21:37

U Jisu u la pynlut ïa kita ki sngi da kaba hikai ha ka Templ, bad haba ka janmiet ka la poi, u ju mihnoh shabar bad pynlut ïa ka miet ha u lum ki Olib.

LOUKAS 22:39

U Jisu u la mihnoh na ka nongbah bad u la leit, kumba u la ju leh, sha u lum ki Olib; bad ki synran ki la leit lem bad u.

KI KAM 1:12

Nangta ki apostol ki la leit phai pat sha Jerusalem na u lum ki Olib, uba jngai kumba shi kilomitar na ka nongbah.

Ka Shithi U Paul Sha Ki Nong Rom 12:15

To ïakmen bad kito kiba kmen, to ïa-ïam bad kito kiba ïam.

1 KORINTH 12:26

Lada kawei ka dkhot jong ka met ka shitom, baroh kiwei pat ki dkhot met ki ïashitom lem bad ka; lada kawei ka dkhot met ka ïoh jingïaroh, baroh kiwei pat ki dkhot met ki ïoh bynta lang ha ka jingkmen.