2 SAMUEL 15:24 - Khasi CL Bible (BSI)

²⁴ U Sadok u lyngdoh u la don hangta, bad ryngkat bad u la don ki Lebi kiba bah ïa ka Synduk ka Jutang kaba kyntang. Ki la pynhiar ïa ka bad kim shym la rah shuh tad haduh ba ki briew baroh kin da mihnoh na ka nongbah. U Abiathar, u lyngdoh u la don lang hangta.

KA BAIBL

²⁴ Te, ha khmih, u Sadok ruh, bad ki Lebi baroh kiba la don lem bad u, ki da ïabah ïa ka synduk ka jutang U Blei; bad ki la buh ïa kata ka synduk U Blei ha tbian, bad u Abiathar u la leit kiew, haduh ba u paidbah baroh u la mih noh na kata ka shnong.

2 SAMUEL 15:24 ပူးပေါင်းရင်းမြစ်များ

2 SAMUEL 15:27

Bad u la bteng da kaba ong shuh shuh ha u Sadok, “Peit shane, khie ïalam noh ïa u Ahimaas, u khun jong me bad ïa u Jonathan u khun jong u Abiathar sha ka nongbah ha ka jingsuk.

2 SAMUEL 15:35

U Sadok bad u Abiathar, ki lyngdoh kin don hangta; ïathuh ha ki ïa kaei kaei baroh kaba phi ïohsngew ha ka ïingsyiem.

2 SAMUEL 20:25

u Sheba u dei u sekretari ka ïingbishar; u Sadok bad u Abiathar ki dei ki lyngdoh,

2 SAMUEL 6:13

Haba ki rangbah kiba bah ïa ka Synduk ka Jutang ki la ïaid hynriew jam, u Dabid u la phah ïa ki ban sangeh katba u dang ai ka jingkñia ïa U Trai da u masi bad u khun masi ba la pynsngaid.

2 SAMUEL 8:17

u Sadok, u khun jong u Ahitub bad u Ahimelekh, u khun jong u Abiathar ki long ki lyngdoh; u Seraïah u long u sekretari ka ïingbishar;

1 SYIEM 1:8

Hynrei u Sadok u lyngdoh, u Benaïah u khun jong u Jehoïada, u Nathan u nongïathuhlypa, u Shimei, u Rei, bad ki nongïada jong u Dabid, kim don ha ka liang jong u Adonijah.

1 SYIEM 2:26

Nangta u Syiem Solomon u ong ha u Abiathar u lyngdoh, “Khie leit sha la ka jong ka ri ha Anathoth. Me dei hok ban ïap, hynrei ngan ym phah pynïap ïa me mynta, namar ba me la khmih sumar ïa ka Synduk ka Jutang jong U Trai mynba me dang don bad u Dabid, u kpa jong nga, bad me la ïoh bynta lem ha ki jingjynjar jong u baroh.”

1 SYIEM 2:35

U syiem u thung ïa u Benaïah kum u rangbah ai hukum jong ka kynhun shipai ha ka jaka u Joab bad u buh ïa u Sadok u lyngdoh ha ka jaka u Abiathar.

1 KHRONIKL 15:2

Nangta u ong, “Tang ki Lebi ki lah ban bah ïa ka Synduk ka Jutang, namar dei tang ma ki ïa kiba U Blei u la jied ban bah ïa ka bad ban shakri ïa u junom.”

ESEKIEL 48:11

Kane ka jaka bakhuid kan long na ka bynta ki lyngdoh kiba long ki khun ki ksiew u Sadok. Ki la shakri hok ïa nga bad kim shym la ïasnohkti lang bad kiwei ki Israel ha ka jingleh bymdei, kum kiwei ki dkhot jong ka jait Lebi kiba la leh.

JINGKHEIÑ 4:15

Haba la dei ka por ban kynriah jaka shawei, ki kur u Kohath kin wan ïabah ïa kita ki tiar kiba kyntang hadien ba u Aaron bad ki khun shynrang jong u ki la tap lut ïa ki bad ïa ki tiar pyndait jong ki baroh. Ki kur u Kohath kim bit ban ktah ïa kita ki tiar kiba kyntang, ïoh ki ïap. “Kine ki dei ki jingkitkhlieh ba ki kur u Kohath ki dei ban leh man ka por ba hap pynkynriah ïa ka Ïingjaiñ.

JINGKHEIÑ 7:9

Hynrei u Moses um shym la ai kali lane masi dab ha ka jait Kohath, namar ïa ki tiar kiba kyntang kiba ki shim sumar, ki dei ban bah ha la ki tyrpeng.

JOSHUA 3:3

bad ong ha ki paidbah, “Haba phi ïohi ïa ki lyngdoh ba ki bah ïa ka Synduk ka Jutang jong U Trai U Blei jong phi, loit noh ïa ka jaka shong dara bad bud ïa ki.

JOSHUA 3:6

Nangta u ong ïa ki lyngdoh ban shim ïa ka Synduk ka Jutang bad leit bad ka ha shuwa ki paidbah. Ki la leh kumba u la ong.

JOSHUA 6:4

Hynñiew ngut ki lyngdoh, uwei uwei uba rah ïa ka turoi, kin ïaid ha shuwa ka Synduk ka Jutang. Ha ka sngi kaba hynñiew, ma me lem bad ki shipai jong me, men ïaid tawiar hynñiew sien ïa ka nongbah katba ki lyngdoh ki dang put ïa ki turoi.

JOSHUA 6:6

U Joshua u la khot ïa ki lyngdoh bad ong ha ki, “Shim ïa ka Synduk ka Jutang, bad hynñiew ngut na phi kin leit ha shuwa jong phi, da kaba kieng ïa ki turoi.”

1 SAMUEL 22:20

Hynrei u Abiathar, uwei na ki khun shynrang jong u Ahimelekh, u la lait im, bad u leit ïasoh bad u Dabid.

1 SAMUEL 4:11

La knieh ïa ka Synduk ka Jutang U Blei, bad ki khun shynrang jong u Eli baroh ar ngut, u Hophni bad u Phinehas, ki la shah pynïap.