2 SAMUEL 15:10 - Khasi CL Bible (BSI)

¹⁰ Hynrei u la phah ïa ki nonglamktien sha ki jait Israel baroh ban ong, “Haba phi ïohsngew ïa ka jingsawa ki turoi, pyrta jam, ‘U Absalom u la long syiem ha Hebron!’ ”

KA BAIBL

¹⁰ Hynrei, u Absalom u la phah ïa ki nongsyntiat ha ki jaid Israel baroh, da kaba ong, “Phi, tang phi shu ïohsngew ïa ka jingsawa ka ronsing, te hangta phin ong, ‘U Absalom u long syiem ha Hebron.’ ”

2 SAMUEL 15:10 ပူးပေါင်းရင်းမြစ်များ

2 SAMUEL 13:28

bad u bthah ïa la ki shakri: “Khmih haba u Amnon u la buaid palat, bad nangta haba nga ai hukum, pynïap ïa u. Wat sheptieng. Ngan shim jingkitkhlieh hi da lade. To long shlur bad wat sngewlehrain!”

2 SAMUEL 14:30

Kumta u Absalom u ong ha la ki shakri, “Ha khmih, ka lyngkha u Joab ka don markhap bad ka jong nga, bad ka don u barli uba mih ha ka. Khie leit bad wiang ding ïa ka.” Kumta ki la leit bad wiang ding ïa ka lyngkha.

2 SAMUEL 15:9

“Khie leit suk,” u syiem u ong. Kumta u Absalom u la leit noh sha Hebron.

2 SAMUEL 19:10

Ngi la pynsleh ïa u Absalom kum u syiem jong ngi, hynrei u la shah pynïap ha ka thma. Kumta, balei ym don mano mano ba pyrshang ban wallam biang ïa u syiem Dabid?”

2 SAMUEL 2:1

Hadien kane, u Dabid u kylli na U Trai, “Hato ngan leit bad shimti noh ïa kawei na ki nongrit jong ka Judah?” “Ho-oid,” U Trai u jubab. “Ïa kano?” U Dabid u kylli. “Ka Hebron” U Trai u ong.

2 SAMUEL 2:11

bad u la synshar ha Hebron halor ka Judah hynñiew snem shiteng.

2 SAMUEL 5:5

U la synshar ha Hebron halor ka Judah haduh hynñiew snem shiteng, bad ha Jerusalem halor ki Israel bad Judah baroh haduh laiphew lai snem.

1 SYIEM 1:11

Nangta u Nathan u leit sha ka Bathsheba, ka kmie jong u Solomon, bad u ong ha ka, “Phim pat ïohsngew ba u Adonijah, u khun jong ka Haggith u la thung syiem ïa lade? Bad u Syiem Dabid um tip ei ei shaphang kata!

1 SYIEM 1:34

ha kaba u Sadok bad u Nathan ki dei ban pynsleh ïa u kum u syiem Israel. Nangta put ïa ka turoi bad pyrta, ‘Im slem Syiem Solomon!’

2 SYIEM 9:13

Mar kumta ki para rangbah shipai jong u Jehu ki siang ïa ki barandi jong ki ha kliar jong ki mawkyrdon ba u Jehu un ïoh ïeng, ki la put ïa ki turoi, bad ki la pyrta, “U Jehu u long u syiem!”

1 KHRONIKL 11:3

Kumta baroh ki tymmen ki san jong ki Israel ki wan sha u syiem Dabid ha Hebron. U pynlong ka jingïateh lok kaba kyntang bad ki, ki pynsleh ïa u, bad u la long u syiem ka Israel, kumba U Trai u la kular lyngba u Samuel.

1 KHRONIKL 12:23

Mynba u Dabid u dang don ha Hebron, kiba bun ki shipai ba la ïoh jingtbit ki pynïasoh ha ka kynhun shipai jong u ban ïarap ïa u ban long u syiem ha ka jaka u Saul, kumba U Trai u la kular. Ka jingbun jong ki ka long kumne: Ki Judah: hynriew hajar phraspah ngut ki rangbah kiba la kieng atiar bha da ki stieh bad ki sum; Ki Simeon: hynñiew hajar shispah ngut ki rangbah; Ki Lebi: saw hajar hynriewspah ngut ki rangbah; Ki nongbud jong u Jehoïada, uba hiarpateng na u Aaron: lai hajar hynñiewspah ngut; Ki ba-ha-ïing jong u Sadok, u nongïaleh ba dang khynraw: arphew ar ngut ki rangbah bakynsai; Ki Benjamin (ka jait jong u Saul): lai hajar ngut ki rangbah (kiba bun ki paid Benjamin ki ïaineh bad u Saul); Ki Ephraim: arphew hajar phraspah ngut ki rangbah bapawnam ha la ki kur ba ki don; Ki Manasseh na sepngi: khatphra hajar ngut ki rangbah ba la jied bad leit pynlong syiem ïa u Dabid; Ki Issakhar: arspah ngut ki nongïalam, lem bad ki rangbah hapoh ka jingai hukum jong ki (kine ki nongïalam ki tip aïu ba ki Israel ki dei ban leh bad ka por kaba biang bha ban leh ïa kata); Ki Sebulun: sanphew hajar ngut ki rangbah ba lah ban shaniah bad baïaineh kiba long kiba la kloi ban ïaleh, kiba la ïoh jinghikai kaba biang ban pyndonkam ïa ki tiar ïaleh thma; Ki Naphtali: shihajar ngut ki nongïalam, lem bad laiphew hynñiew hajar ngut ki rangbah ba la kieng atiar da ki stieh bad ki sum; Ki Dan: arphew phra hajar hynriewspah ngut ki rangbah ba la pyntbit; Ki Asher: sawphew hajar ngut ki rangbah kiba la kloi ban leit thma; Ki Jait sha mihngi jong ka Jordan — ki Reuben, ki Gad, bad ki Manasseh ba don ha mihngi: shi lakh arphew hajar ngut ki rangbah ba la ïoh jinghikai ban pyndonkam ïa ki jait tiar ïaleh baroh.

1 KHRONIKL 12:38

Baroh kine ki shipai, kiba la kloi ban leit thma, ki leit sha Hebron, da ka jingkut jingmut ban pynlong ïa u Dabid u syiem jong ki Israel baroh. Baroh kiwei pat ki paid Israel ki ïahap jingmut lang kawei ha kane ka jingthmu.