2 SAMUEL 15:1 - Khasi CL Bible (BSI)

¹ Hadien kane, u Absalom u la pynbiang ïa lade kawei ka kali ïapom bad ki kulai lem bad sanphew ngut ki rangbah kiba synran ïa u.

KA BAIBL

¹ Hadien kane te, u Absalom u la khreh ïa lade ki kali bad ki kulai, bad sanphew ngut ki briew ïa ka ban phet ha shuwa jong u.

2 SAMUEL 15:1 ပူးပေါင်းရင်းမြစ်များ

2 SAMUEL 12:11

Nga smai ha me ba ngan pynlong ïa uwei na ka longïing jong me hi ban wallam jingjynjar halor jong me. Men ïohi ïa ka haba nga shim na me ïa ki tnga jong me bad ai ïa ki ha uwei pat u briew; bad un ïathiah shongkha bad ki haba dang shai ka sngi.

1 SYIEM 1:33

u ong ha ki, “Ïalam bad phi ïa ki rangbah synshar ka ïingbishar jong nga; pynshong ïa u Solomon, u khun jong nga halor u khashor jong nga, bad synran ïa u shathie sha ka Umpohliew Gihon,

1 SYIEM 1:5

Mynta ba u Absalom u la ïap, u Adonijah, u khun jong u Dabid bad ka Haggith, u dei u khun heh uba dang im. U long u briew uba bhabriew. U Dabid um pat ju sneng tyngeh ïa u shaphang kano kano, bad u la kwah eh ban long syiem. U la pynkhreh ïa lade ki kali ïapom, ki kulai, bad ka kynhun synran kaba don sanphew ngut ki rangbah.

SALM 20:7

Katto katne ki shaniah ha ki kali ïapom jong ki bad kiwei pat ha ki kulai jong ki, hynrei ngi, ngi shaniah ha ka bor jong U Trai U Blei jong ngi.

PROBERB 11:2

Ki briew kiba sarong kin shah pynjahburom. Ka long kaba kham stad ban long kiba sngewrit.

PROBERB 16:18

Ka jingsarong ka ïalam sha ka jingjot, bad ka jingsngewmeng sha ka jingkyllon noh.

PROBERB 17:19

Ban sngewtynnat ïa ka pop ka long ban sngewtynnat ban thaw jingkulmar. Lada phi kob man ka por, phi pan kwah ïa ka jingjynjar.

DEUTERONOMI 17:16

U syiem um dei ban pynbun ki kulai na ka bynta ïa lade, bad um dei ban phah briew sha Ijipt ban thied kulai nangta, namar U Trai u la ong ba ki briew jong u kim dei ban leit phai shata lano lano.

1 SAMUEL 8:11

“Uta u syiem u ban synshar ïa phi un leh kumne,” u Samuel u pynshai. “Un pynlong shipai ïa ki khun shynrang jong phi; don na ki, ki ban trei ha ki kali ïapom jong u, don ki ban long ki shipai shong kulai, bad don ruh ki ban mareh na khmat ki kali ïapom jong u.