2 SAMUEL 14:19 - Khasi CL Bible (BSI)

¹⁹ “Hato dei u Joab uba la ai buit ïa pha ha kane baroh?” u la kylli ïa ka. Ka jubab, “Nga smai da kata baroh kaba kyntang, ko Syiem Kynrad, ba ym don kano kano ka lad ban kiar na kaba jubab ïa ka jingkylli jong phi. Ka dei kaba shisha ba u Joab, u rangbah pynïaidkam jong phi uba la bthah ïa nga ïa kaei ngan leh bad ïa kaei ngan kren.

KA BAIBL

¹⁹ Bad u syiem u la ong, “Ka kti u Joab ka don lem ne em bad pha ha kane baroh?” Te kata ka kynthei ka la ïathuh bad ka la ong, “Katba im ka mynsiem jong me, ko syiem kynrad, ym lah ban phai sha kamon lymne sha kadiang na kiei kiei baroh ba u syiem kynrad u la ong: naba u shakri jong me u Joab u la hukum ïa nga, bad u la buh ma u ïa kine ki ktien baroh ha ka shyntur ka shakri jong me:

2 SAMUEL 14:19 ပူးပေါင်းရင်းမြစ်များ

2 SAMUEL 11:11

U Uriah u jubab, “Ki rangbah Israel bad Judah ki don jngai ha ka thma, bad ka Synduk ka Jutang ka don bad ki; u Joab u rangbah nongai hukum ïa nga bad ki rangbah pynïaidkam jong u ki ïasah ha madan. Kumno nga lah ban shu leit sha ïing, ban bam ban dih, bad ban thiah bad la ka tnga? Ka long kaba kyntang ïa nga, nga smai ba ngan ym leh ïa kaba kum kata ka kam!”

2 SAMUEL 14:18

U syiem u jubab, “Ngan kylli ei ei na pha, bad pha dei ban ïathuh ha nga ïa ka jingshisha baroh.” “Kylli ïa kano kano na nga, ko Syiem Kynrad,” ka la jubab.

2 SAMUEL 14:3

Nangta leit sha u syiem bad ong ha u ïa kaei kaba nga bthah ïa phi ban ong.” Nangta u Joab u la ïathuh ha ka ïa kaei ban ong.

2 SAMUEL 18:13

Hynrei lada ngam shym la kohnguh ïa u syiem bad pynïap ïa u Absalom, u syiem un ïohsngew shaphang kata — namar u ïohsngew shaphang kaei kaei baroh — bad phin ym ïada satia ïa nga.”

2 SAMUEL 3:27

Haba u Abner u la wan poi ha Hebron, u Joab u ïalam ïa u kham sharud ha ka khyrdop, kumba u kwah ban ïakren jar jar bad u, bad hangta u la dung ïa u na ka kpoh. Bad kumta la pynïap ïa u Abner namar ba u la pynïap ïa u Asahel, u para u Joab.

2 SAMUEL 3:29

To ka jingpynshitom na ka bynta kane kan hap halor u Joab bad ka longïing jong u baroh! Ha kawei pa kawei ka pateng to yn don u shynrang ha ka longïing jong u, uba don ka jingpang 'ñiangkulia lane ka jingpang 'ñiangthohlieh kaba shyrkhei lane uba hap ban trei tang ïa ka kam ba trei ki kynthei lane uba shah pynïap ha ka thma lane uba kyrduh bam!”

2 SAMUEL 3:34

Ym shym la teh ïa ki kti jong u, Bad ïa ki kjat jong u ym shym la khum; U la ïap kum uba la shah pynïap ha ki nongkamsniew!” Bad ki briew baroh ki la ïam sa shisien pat na ka bynta jong u.

2 SYIEM 2:2

bad ha lynti u Elijah u ong ïa u Elisha, “Mynta ap hangne; U Trai u la hukum ïa nga ban leit sha Bethel.” Hynrei u Elisha u jubab, “Nga smai da ka jingïaineh skhem jong nga ha U Trai uba im bad ha phi ba ngan ym iehnoh ïa phi.” Kumta ki la leit sha Bethel.

EKSODOS 4:15

Me lah ban ïakren bad u, bad ïathuh ha u ïa kaei kaba un ong. Ngan ïarap ïa phi baroh ar ngut ban kren, bad ngan ïathuh ha phi aïu phin leh.

PROBERB 25:2

Ngi burom ïa U Blei namar kaei kaba u la buhrieh; ngi burom ïa ki syiem ïa kaei kaba ki batai.

PROBERB 4:27

Kiar na kaba sniew bad ïaid beit sha khmat. Wat jam palat na ka lynti kaba dei.

JINGKHEIÑ 20:17

Sngewbha shah ïa ngi ban ïaid lynti na ka hima jong phi. Ma ngi lem bad ki jingri jong ngi, ngin ym sakma na ka lynti ïaid lane leit sha ki lyngkha ne ki bri sohwaiñ jong phi, bad ngin ym dih um na ki pukri jong phi. Ngin ïaid na lynti bah haduh ba ngin da ïaid lait na ka hima jong phi.”

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

DEUTERONOMI 28:14

Hynrei phim bit ban kyntait ban kohnguh ïa ki ha kano kano ka rukom, lane mane bad shakri ïa kiwei pat ki blei.

DEUTERONOMI 5:32

“Ko phi ki Israel, wat pep ban leh ïa kaei kaei baroh kaba U Trai U Blei jong phi u la hukum ïa phi. Wat pynkheiñ ïa kawei ruh na ki aiñ jong u.

JOSHUA 1:7

Me dei ban da kut jingmut triang, ban long skhem bad ban pynthikna ba men kohnguh ïa ka Hukum baroh kaba u shakri jong nga, u Moses u la ai ha me. Wat leh klet ïa kano kano ka bynta jong ka, bad men sa jop kat shaba me leit.

1 SAMUEL 1:26

Ka Hannah ka ong ha u, “Ko kynrad! Phi dang kynmaw mo ïa nga? Nga dei kato ka briew kaba phi ïohi kaba ïeng hangne kaba duwai ha U Trai.

1 SAMUEL 17:55

Haba u Saul u ïohi ïa u Dabid ba u leit ban ïaleh bad u Goliath, u kylli ïa u Abner, u rangbah shipai jong u, “Abner, u dei u khun jongno mo?” “Ngam don jingtip, syiem Kynrad,” u Abner u jubab.

1 SAMUEL 20:3

Hynrei u Dabid u jubab, “I pa jong phi i tip bha katno ba phi sngewieit ïa nga, bad i la rai ba phin ym tip ïa kaei ba i thmu ban leh, namar ba phin sa sngewkthang eh. Nga smai ha phi da U Trai uba im ba nga don sa tang shisien jam na ka jingïap!”

1 SAMUEL 25:26

U dei U Trai uba la khang ïa phi ban pynhiarkput bad pynïap ïa ki nongshun jong phi. Bad mynta nga smai ha phi da U Trai uba im ba ki nongshun jong phi bad baroh kiba kwah ban pynmynsaw ïa phi kin shah pynshitom kum u Nabal.