2 SAMUEL 14:14 - Khasi CL Bible (BSI)

¹⁴ Ngi baroh ngin ïap; ngi long kum ka um kaba hoit ha khyndew, ïa kaba ym lah shuh ban tong biang. Wat U Blei um ju wallam ïa kiba la ïap ban im pat, hynrei u syiem u lah la kumno kumno ban shem lynti ban wallam pat ïa u briew na ka jingphet wir.

KA BAIBL

¹⁴ Naba ngi dei ban ïap noh, bad ngi long kum ka um ba la theh ha khyndew, ïa kaba ym lah shuh ban tong pat; lymne U Blei um shim noh ïa ka jingim, hynrei, u pyrkhat ïa ka lad ba uta ïa uba la beh noh un ym long uba la kyntait noh na u.

2 SAMUEL 14:14 ပူးပေါင်းရင်းမြစ်များ

2 SAMUEL 11:25

U Dabid u ong ha uta u nonglamktien, “Pynshlur ïa u Joab bad ong ïa u ba un ym khuslai, namar phim lah ban ong mano ban ïap ha ka thma. Ïathuh ïa u ban pynlong ka jingtur ïaleh kaba kham khlaiñ ïa ka nongbah bad kurup ïa ka.”

2 SAMUEL 14:15

Mynta, ko Syiem Kynrad, ka daw ba nga la wan ban kren ïa phi ka long ba ki paidbah ki la byrngem ïa nga, bad kumta nga la ong ha lade ba nga dei ban kren ha phi da ka jingkyrmen ba phin leh ïa kaei kaba nga kyrpad.

1 SYIEM 11:39

Namar ka pop u Solomon ngan pynshitom ïa ki khun ki ksiew jong u Dabid, hynrei kan nym long ha ki por baroh.’ ”

Ka Kitab U Job 14:14

Lada u briew u ïap noh, hato u lah mo ban im pat? Hynrei ngan ap ïa ki aïom kiba kham bha, ban ap haduh ka por jong ka jingjynjar kan wai noh.

Ka Kitab U Job 30:23

Nga tip me la rah ïa nga sha ka jingïap, sha ka kupar ba la buh ïa baroh.

Ka Kitab U Job 34:15

te uwei pa uwei uba im un ïap bad un kylla long dewmet sa shisien.

Ka Kitab U Job 34:19

Um ïashah liang bad ki nongsynshar ne pynpaw ba u kham lah ïa kiba riewspah ban ïa kiba duk, naba u la thaw ïa ki baroh.

SALM 22:14

Ka jingkhlaiñ jong nga ka la duh, ka la leit noh kum ka um kaba hoit ha madan. Baroh ki shyieng jong nga ki lah tor lut; ka dohnud jong nga ka long kum ka bthing ba la um.

SALM 22:15

Ka ryndang jong nga ka la tyrkhong kum ka khyndew, bad u thylliej jong nga u dambit ha ka bynta ba haneng ha ka shyntur jong nga. Me la ieh ïa nga ban ïap ha ka khyndew.

SALM 58:7

To ai ba kin jah noh kum ka um ba-jreiñ noh shawei; to ai ba yn pynlwet ïa ki kum ki ñiut ha ka lynti ïaid.

SALM 77:8

Hato un sangeh noh ban ieit ïa ngi? Hato ki jingkular jong u kim ïeng shuh?

SALM 79:3

Ki la pynmih ïa ka snam jong ki briew jong me kum ka um; ka snam ka la tuid kum ka um ha kylleng ka Jerusalem, bad ym don mano mano ba dang sah ban tep ïa ki.

SALM 90:10

Hynñiewphew snem ka long baroh kaba ngi don — phraphew snem, lada ngi khlaiñ; pynban baroh kaba ki wallam ïa ngi ka long tang ka jynjar bad ka jingsngewsih; ka jingim shen ka wai noh, bad ngim don shuh.

SALM 90:3

Me ong ïa u briew ban phai biang sha kaei kaba u long, me pynkylla pat ïa u sha ka dewmet.

EKSODOS 21:13

Hynrei lada ka long tang kaba shu jia ryngkhat, bad um shym da mut shisha ban pynïap ïa u, u lah ban phet sha ka jaka kaba ngan jied na ka bynta jong phi, bad hangta un shngain.

EKLESIASTIS 9:5

Ho-oid kiba im ki tip ba kin ïap, hynrei kiba ïap kim tip ei ei. Kim don shuh kano kano ka bainong; ki long kiba ym don shuh mano mano ba kynmaw.

SNGEWSYNEI 3:31

U Trai u dap da ka jingisynei bad un ym kyntait ïa ngi junom.

ESEKIEL 18:23

Hato phi pyrkhat ba nga kmen ban ïohi ba ki briew kiba sniew ki ïap?” U Trai Nongsynshar u kylli. “Em, nga kham mon ban ïohi ïa ki ba ki kylla-kaba-mut bad ki im.

LEBITIKOS 26:40

“Hynrei ki khun ki ksiew jong phi kin phla ïa la ki pop jong ki bad ki pop jong ki kpa tymmen jong ki, kiba pyneh ïa nga bad ïaleh pyrshah ïa nga,

JINGKHEIÑ 35:15

Kine kin long ki shnong jakarieh ïa ki Israel bad ïa ki nongwei kiba shong shipor ne kiba shongduh hapdeng jong ki. Uno uno uba pynïap ïano ïano da kaba jia ryngkhat u lah ban phet rieh sha kawei na ki.

JINGKHEIÑ 35:25

Phi kit pop tang na ka bynta ka jingpynïap bad u paidbah u dei ban pyllait im ïa phi na u kur jong uba ïap, bad ki dei ban pynphai ïa phi sha ka shnong jakarieh sha kaba phi la phet rieh. Phi dei ban shong ban sah hangta haduh ba un da ïap uta u briew uba long Rangbah Lyngdoh ha kata ka por.

JINGKHEIÑ 35:28

Uno uno na phi uba pynïap briew khlem da mut khnang u dei ban sah ha ka shnong jakarieh haduh ka jingïap u Rangbah Lyngdoh, hynrei hadien kata u lah ban leit phai sha la ïing.

MATHAÏOS 22:16

Nangta ki la phah sha u katto katne ngut na ki synran jong ki bad katto katne ngut ki dkhot jong ka kynhun u Herod. “Ko Nonghikai,” ki la ong, “ngi tip ba me ïathuh ïa ka jingshisha. Me hikai ïa ka jingshisha shaphang ka mon U Blei na ka bynta u briew, khlem da khuslai shaphang kaei kaba ki briew ki pyrkhat, namar ba mem pyrkhat ïa ka kyrdan jongno jongno.

KI KAM 10:34

U Petros u la sdang ban kren: “Mynta nga sngewthuh ba ka long kaba shisha ba U Blei u ñiew kumjuh ïa uno uno baroh.

Ka Shithi U Paul Sha Ki Nong Rom 2:11

Naba U Blei u bishar ïa baroh da kajuh ka jingbishar.

DEUTERONOMI 10:17

Naba U Trai U Blei jong phi u long uba khrawbor tam halor ki blei baroh bad halor ki bor baroh. U long uba khraw bad uba donbor, bad uba dei ban sheptieng. U bym ñiewshiliang khmat bad u bym ju pdiang ïa ki jingai kiba da ka dohnud ka bymkhuid.

HEBRU 9:27

Uwei pa uwei u dei ban ïap tang shisien, bad hadien kata yn bishar da U Blei.

1 PETROS 1:17

Phi khot ïa u, U Kpa, haba phi duwai ha U Blei, uba bishar ïa ki briew baroh da kajuh ka jingthew, katba kum kaei kaba uwei pa uwei u la leh; kumta te, to pynlut ïa kaba sah ka jingim jong phi hangne ha ka pyrthei ha ka jingtiengburom ïa U.