2 SAMUEL 14:11 - Khasi CL Bible (BSI)

¹¹ Ka ong, “Ko Syiem Kynrad, sngewbha duwai ha U Trai U Blei jong phi, khnang ba u ba-ha-ïing jong nga uba kitkhlieh ban wad kput na ka bynta ka jingïap jong u khun jong nga un ym leh ïa ka kam sniew kaba kham khraw da kaba pynïap ïa uwei pat u khun jong nga.” “Nga kular ha U Trai uba im,” u Dabid u jubab, “ba ïa u khun jong pha yn ym pynmynsaw da lei lei ruh.”

KA BAIBL

¹¹ Ynda kumta, ka la ong, “Nga kyrpad, to u syiem un kynmaw ïa U Trai uba U Blei jong me, ba u nongpynhiar kput ka snam un ym nang pynjot shuh shuh, ïoh kin pynjot noh ïa u khun jong nga.” U te u la ïathuh, “Katba im U Trai, iwei i 'ñiuh khlieh jong u khun jong pha in ym hap ha ka khyndew.”

2 SAMUEL 14:11 ပူးပေါင်းရင်းမြစ်များ

JENESIS 14:22

U Abram u ong, “Nga la smai ha khmat U Trai, U Blei Bahakhlieh Tam Eh, u Nongthaw ïa ka bneng bad ïa ka khyndew, ba ngan ym bat ei ei ïa kaba dei ka jong me, wat ïa u 'sai juti ruh.

JENESIS 31:50

U Laban u ong shuh shuh, “Lada phi lehbeiñ ïa ki khun kynthei jong nga lane lada phi shongkurim ïa kiwei pat ki kynthei, wat la ngam lah ban tip shaphang kata, to kynmaw ba U Blei u khmih ïa ngi.

2 SAMUEL 14:10

U Syiem u jubab, “Lada uno uno u byrngem ïa pha, wan ïalam ïa u sha nga, bad un ym pynwit shuh ïa pha lano lano.”

2 SAMUEL 14:12

“Sngewbha, ko Syiem Kynrad, shah ïa nga ban ong sa tang kawei,” ka briew ka ong. “To ong” u jubab.

2 SAMUEL 14:21

Hadien nangta u syiem u ong ha u Joab, “Nga la rai ban leh ïa kata kaba me kwah. Khie leit bad wad ïa u samla Absalom bad wan ïalam pat ïa u hangne.”

1 SYIEM 1:52

U Solomon u jubab, “Lada u ai jingkyrshan, yn ym ktah wat ïa uwei na ki shñiuh ha ka khlieh jong u; hynrei lada um long kumta, un ïap.”

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

JINGKHEIÑ 35:19

U kur uba jan jong u briew uba la ïap u don ka jingkitkhlieh ban pynïap ïa uta u nongpynïap briew. Haba u ïakynduh ïa u, u dei ban pynïap ïa u.

JINGKHEIÑ 35:21

lane da kaba kura ïa u da ka kti, phi long uba rem ha ka jingpynïap bad phi dei ban shah pynïap. U kur uba jan jong uta uba ïap u don ka jingkitkhlieh ban pynïap ïa u nongpynïap briew. Haba u ïakynduh ïa phi, u dei ban pynïap ïa phi.

JINGKHEIÑ 35:27

bad lada u kur jong uba ïap u lap ïa phi bad u pynïap ïa phi, kata ka jingpynhiarkput kam dei ka jingpynïap briew.

MATHAÏOS 10:30

Kumta ruh ïa phi, wat ïa ki shñiuh ha ka khlieh jong phi la lah ñiew.

KI KAM 27:34

Nga kyrpad ïa phi, te, to bam khyndiat ka jingbam; phi donkam ïa ka khnang ban im. Wat iwei i shñiuh na ka khlieh jong phi in ym hap noh.”

1 SAMUEL 14:45

Hynrei ki paidbah ki ong ha u Saul, “Hato u Jonathan, uba la jop ka jingjop kaba khraw na ka bynta ki Israel, un shah pynïap? Em! Ngi kular ha U Trai uba im ba uwei u shñiuh na ka khlieh jong u ruh un ym hap ha khyndew. Kaei kaba u la leh ha kane ka sngi la leh da ka jingïarap jong U Blei.” Kumta ki paidbah ki la pyllait im ïa u Jonathan na kaba shah pynïap.

1 SAMUEL 20:42

Nangta u Jonathan u ong ha u Dabid, “U Blei un don ryngkat bad phi. U Trai un pynthikna ba ma nga bad ma phi, bad kiba hiarpateng na phi bad kiba hiarpateng na nga, kin bat ïa ka kular bakyntang kaba ngi la pynlong iwei ïa iwei.” Nangta u Dabid u leit noh, bad u Jonathan u leit phai pat sha shnong.

1 SAMUEL 28:10

Mynta u Saul u pynlong ka jingsmai kaba kyntang ha ka ha ka kyrteng U Trai, “Da U Trai uba im, nga kular ba phin ym shah pynshitom ei ei namar ba phi leh ïa kane,” u ong ha ka.