2 SAMUEL 13:4 - Khasi CL Bible (BSI)

⁴ U Jonadab u ong ha u Amnon, “Phi dei u khun jong u syiem; pynban na kawei ka sngi sha kawei pat nga ïohi ba phi i sngewsih. Jia aïu?” “Nga ibha ïa ka Tamar, ka para jong u Absalom, uba ïalong shi para bad nga na ijuh i pa,” u la jubab.

KA BAIBL

⁴ Te u la ong ha u, “Ma me u khun u syiem, balei ba me nang raikhoh nang raikhoh ha la ka sngi? Mem ïathuh ha nga?” U Amnon te u la ïathuh ha u, “Nga ieit keiñ ïa ka Tamar, ka para u Absalom u para jong nga.”

2 SAMUEL 13:4 ပူးပေါင်းရင်းမြစ်များ

2 SAMUEL 13:3

Hynrei u Amnon u don uwei u paralok uba shalak bha, uba kyrteng u Jonadab, u khun jong u Shammah, u hynmen jong u Dabid.

2 SAMUEL 13:5

U Jonadab u ong ha u, “Khie leit thiah, bad leh mynleh pang. Haba i pa jong phi i wan jngoh ïa phi, ong ha i, ‘Sngewbha ong ïa i para jong nga i Tamar ban wan bad ai bam ïa nga. Nga kwah ïa i ban pynkhreh jingbam hangne ha kaba nga lah ban ïohi ïa i, bad ba in ai bam ïa nga da ma i hi.’ ”

1 SYIEM 21:5

Ka Jesebel ka tnga jong u ka leit sha u, bad ka kylli, “Balei phi khuslai katne katne? Balei phim treh bam?”

1 SYIEM 21:7

“Haba kumta, phi dei ne phim dei u syiem?” Ka Jesebel ka jubab, “To khie joit na jingthiah, lehkmen bad to bam. Ngan pynïoh ha phi ïa ka bri sohwaiñ u Naboth!”

ISAÏAH 3:9

Ïa ki jingnoh shiliang jong ki yn bat pyrshah ïa ki. Ki leh pop khlem rieh kumba ki briew ka Sodom ki la leh. Ki long kiba la tim, bad ki la wallam ïa ka halor jong ki hi.

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

LEBITIKOS 18:9

Wat ïathiah shongkha bad la ka hynmen ne ka para, ne ka para kaba na ujuh u kpa, kam pher la ka heh ka san ryngkat bad me ha kajuh ka ïing ne shawei pat.

LEBITIKOS 20:17

“Lada uno uno u ïathiah shongkha bad la ka hynmen ne ka para, kaba na ujuh ne na kajuh ka kmie, yn pynkheiñ burom ïa ki ha khmat u paidbah bad yn tait noh ïa ki na la ki jong ki briew. U la ïathiah shongkha bad la ka para bad u dei ban kit hi ïa la ka pop.

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.