2 SAMUEL 13:29 - Khasi CL Bible (BSI)

²⁹ Kumta ki shakri ki la bud ïa ki jingbthah jong u Absalom bad ki la pynïap ïa u Amnon. Baroh kiwei pat ki khun shynrang jong u Dabid ki kiew halor ki khashor jong ki bad ki la phet krad.

KA BAIBL

²⁹ Bad ki shakri u Absalom ki la leh ïa u Amnon kumba u Absalom u la hukum. Hangta te ki khun shynrang u syiem baroh ki la khie, bad uwei uwei baroh u la shong halor la ka kadda, bad ki la phet ïap.

2 SAMUEL 13:29 ပူးပေါင်းရင်းမြစ်များ

JENESIS 36:24

U Sibeon u don ar ngut ki khun shynrang, u Aïah bad u Anah. (Une u dei u Anah uba la lap ïa ki umshit ha ka ri khlaw mynba u dang sumar ïa ki kada jong u kpa jong u.)

2 SAMUEL 12:10

Mynta, ha man la ka pateng, katto katne na ki khun ki ksiew jong me kin ïap ka jingïap kaba sngewma namar ba mem shym kohnguh ïa nga bad ba me la shim ïa ka tnga jong u Uriah.

2 SAMUEL 13:30

Katba ki dang don ha lynti sha ïing, la ïathuh ha u Dabid, “U Absalom u la pynïap ïa ki khun shynrang jong phi baroh — ym don uwei ruh uba lait!”

2 SAMUEL 14:6

Kynrad, nga don ar ngut ki khun shynrang. Bad ha kawei ka sngi ki poi sha ka jingïakajia ha bri; ha kaba ym don mano mano ban pynïakhlad ïa ki, bad uwei na ki u la pynïap ïa uwei pat.

2 SAMUEL 18:9

Kynsan u Absalom u ïakynduh katto katne ki rangbah jong u Dabid. U Absalom u dang shong ha u khashor, bad katba u khashor u dang ïaid napoh u dieng Sning uba heh, ka khlieh u Absalom ka sahkut ha ki tnat dieng. U khashor u la mareh bad u Absalom u la shah iehnoh da kaba sdien ha shiteng suiñ.

1 SYIEM 1:33

u ong ha ki, “Ïalam bad phi ïa ki rangbah synshar ka ïingbishar jong nga; pynshong ïa u Solomon, u khun jong nga halor u khashor jong nga, bad synran ïa u shathie sha ka Umpohliew Gihon,

1 SYIEM 1:38

Kumta u Sadok, u Nathan, u Benaïah, bad ki nongïada syiem ki pynshong ïa u Solomon halor u khashor jong u Syiem Dabid bad ki la synran ïa u sha ka Umpohliew Gihon.

PROBERB 29:12

Lada u nongsynshar u shahshkor ïa ka jingai jingtip balamler, baroh ki rangbah synshar kin kylla long ki riewlamler.

LEBITIKOS 19:19

“Kohnguh ïa ki hukum jong nga. Wat shah ba ki jingri jong phi kin ïapoi kha bad ki bym dei na kajuh ka jait. Wat thung ha kajuh ka lyngkha ar jait u symbai. Wat phong ïa ka jaiñ kaba la suh da ki ar jait ki ksai.

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.