2 SAMUEL 13:28 - Khasi CL Bible (BSI)

²⁸ bad u bthah ïa la ki shakri: “Khmih haba u Amnon u la buaid palat, bad nangta haba nga ai hukum, pynïap ïa u. Wat sheptieng. Ngan shim jingkitkhlieh hi da lade. To long shlur bad wat sngewlehrain!”

KA BAIBL

²⁸ Te u Absalom u la hukum ïa la ki shakri, u da ong, “To khmih thuh te, haba ka dohnud u Amnon ka la kmen da ka Waiñ; bad haba ngan ong ïa phi, ‘To shoh ïa u Amnon’, hangta te to pynïap ïa u, wat sheptieng: balei, ngam shym hukum ïa phi? leh rangbah keiñ, bad to long kiba shlur ruh.”

2 SAMUEL 13:28 ပူးပေါင်းရင်းမြစ်များ

JENESIS 9:21

Hadien ba u la dih khyndiat ka waiñ, u la buaid, u law ïa la ki jaiñ bad u thiah lyngkhuit hapoh la ka ïingjaiñ.

2 SAMUEL 11:13

U Dabid u la khot sngewbha ïa u ban ïabam miet bad u, bad u la pyndih buaid ïa u. Hynrei ha kata ka miet ruh, u Uriah um shym leit sha ïing; pynban, u la thiah ha la ka jaka thiah ha ka kamra ki nongap phira ka ïingsyiem.

2 SAMUEL 11:15

U thoh: “Buh ïa u Uriah ha khmat duh, ha ka jaka kaba jur tam ka jingïaleh, nangta kynran dien noh bad ai ba un shah pynïap.”

2 SAMUEL 12:10

Mynta, ha man la ka pateng, katto katne na ki khun ki ksiew jong me kin ïap ka jingïap kaba sngewma namar ba mem shym kohnguh ïa nga bad ba me la shim ïa ka tnga jong u Uriah.

2 SAMUEL 13:27

Hynrei u Absalom u ïai ban haduh ba u Dabid ha kaba khatduh u la shah ïa u Amnon bad ïa kiwei pat ki khun shynrang jong u baroh ban leit bad u Absalom. U Absalom u la pynkhreh ka jingkhawai kaba ïabiang ïa u syiem

2 SAMUEL 14:6

Kynrad, nga don ar ngut ki khun shynrang. Bad ha kawei ka sngi ki poi sha ka jingïakajia ha bri; ha kaba ym don mano mano ban pynïakhlad ïa ki, bad uwei na ki u la pynïap ïa uwei pat.

1 SYIEM 20:16

Ka jingtur ïaleh ka la sdang ha ka por shiteng sngi katba u Benhadad bad ki laiphew ar ngut kiba ïateh lok bad u ki dang ïadih buaid ha ki ïingjaiñ jong ki.

ESTHER 1:10

Ha ka sngi kaba hynñiew jong ka jingkhawai jong u, u syiem u dang dih bad sngewkmen, kumta u khot ïa ki hynñiew ngut ki ïunukh kiba long ki shakri ba ju shakri ha syndah jong u, ïa u Mehuman, u Bistha, u Harbona, u Bigtha, u Abagtha, u Sethar bad u Karkas.

SALM 104:15

bad pynmih um sohwaiñ ban pynsngewbha ïa u, ka umphniang Olib ban pynkmen ïa u, bad u kpu ban ai jingkhlaiñ ïa u.

EKSODOS 1:18

Kumta u syiem Ijipt u phah khot ïa kita ki nongpynkha khun, bad u kylli ïa ki, “Balei phi leh kumne, bad phi shah ïa ki khun shynrang ba kin im?”

EKLESIASTIS 10:19

Ka jingbam khawai ka pynkmen ïa phi bad ka waiñ ka pyndap jingkmen ïa phi, hynrei phin ym ïoh ïa kano kano na kine khlem ka pisa.

EKLESIASTIS 9:7

To leh — bam ïa ka jingbam jong phi bad long uba kmen; dih ïa ka waiñ jong phi bad to long kiba dap da ka jingkmen. Ka long kaba biang bad U Blei.

DANIEL 5:30

Ha kata kajuh ka miet ïa u Belshassar, u syiem ka Babilonia, la pynïap;

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!

LOUKAS 21:34

“Sumar bha! Wat pynlut por shaba palat ha ka jingkhawai bad ka jingïadih bad ha ki jingkhuslai jong kane ka jingim, ïoh ba kata Ka Sngi kan kem kynsan ïa phi kum ka jingriam.

KI KAM 5:29

U Petros bad kiwei pat ki apostol ki la phai ktien, “Ngi dei ban kohnguh ïa U Blei, ym ïa ki briew.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

NONGBISHAR 19:22

Katba ki dang pynsngewbha ïa lade kumta, kynsan kynsan la don ki riewthala na kata ka shnong ki kerkut ïa kata ka ïing, ki da tied tyngeh ïa ka jingkhang. Ki ong ha uta u tymmen, “Sei shabar ïa uto u briew uba rung ha ïing jong phi! Ngin ïathiah shongkha bad u!”

NONGBISHAR 19:6

Kumta kita baroh ar ngut ki shong bad ki ïabam ïadih lang. Nangta u kpa kata ka kynthei u ong ha u, “Sngewbha sahmiet noh hangne bad pynsngewbha ïa lade.”

NONGBISHAR 19:9

Haba uta u briew, ka tnga kliar jong u, bad u shakri jong u sa shisien ki khreh ban leit noh, u kpa u ong, “Khmih, ka sngi ka la jan sep; kan bha ba phin sah sa shi miet. Kan sa dum shen; sah hangne bad pynsngewbha ïa lade. Lashai phi lah ban khie dang step ban leit ha ka jingleit sha la ïing.”

RUTH 3:7

Haba u Boas u la dep bam dep dih, u la don ha ka jingsngewtynnat bha. U leit sha ka kynton barli bad u thiah hangta. Ka Ruth ka leit jar jar, ka khyllied ïa ki jaiñ tap bad ka thiah ha ki kjat jong u.

1 SAMUEL 18:22

U hukum ïa la ki rangbah synshar ban ïakren jar jar bad u Dabid bad ban ïathuh ha u, “U syiem u shem sngewbha ïa phi bad ki rangbah synshar jong u baroh ki sngewtynnat ïa phi; mynta ka dei ka por kaba biang ba phin shongkurim ïa ka khun jong u.”

1 SAMUEL 28:10

Mynta u Saul u pynlong ka jingsmai kaba kyntang ha ka ha ka kyrteng U Trai, “Da U Trai uba im, nga kular ba phin ym shah pynshitom ei ei namar ba phi leh ïa kane,” u ong ha ka.

1 SAMUEL 28:13

U syiem u ong ïa ka, “Wat sheptieng! Phi ïohi aïu?” “Nga ïohi ïa ka sna-ïap ba ka mih na khyndew,” ka jubab.