2 SAMUEL 13:22 - Khasi CL Bible (BSI)

²² Bad u Absalom u la isih ïa u Amnon haduh katta katta namar ka jingbatbor ïa ka Tamar, ka para jong u kat haduh ba um mon shuh ban kren ïa u.

KA BAIBL

²² U Absalom te um shym kren ka basniew lymne ka babha ïa u Amnon: naba u Absalom u la shun ïa u Amnon, namar ba u la leh bor ïa ka Tamar ka para jong u.

2 SAMUEL 13:22 ပူးပေါင်းရင်းမြစ်များ

JENESIS 24:50

U Laban bad u Bethuel ki jubab, “Namar ba kane ka kam ka wan hi na U Trai, kam dei ïa ngi ban shim rai.

JENESIS 31:24

Ha ka jingphohsniew ha kata ka miet U Blei u paw ha u Laban bad u ong ha u, “Da husiar ban ym byrngem ïa u Jakob ha kano kano ka rukom.”

JENESIS 31:29

Nga don ka bor ban pynmynsaw ïa me; hynrei hynne mynmiet U Blei jong u kpa jong me u la maham ïa nga ba ngan ym byrngem ei ei ïa me.

2 SAMUEL 13:21

Haba u syiem Dabid u la ïohsngew ïa kaba la jia, u la bitar lep.

PROBERB 10:18

U briew uba buhrieh ïa la ka jingshun u dei uba lamler. Uno uno uba pynphriang ïa ka jinglorni u dei uba bieit.

PROBERB 25:9

Lada ma phi bad la u paramarjan phi don ka jingïapher jingmut, ïakren pynbeit para ma phi bad wat pynpaw ïa kino kino ki kam barieh.

PROBERB 26:24

U riewarsap u buhrieh ïa la ka jingshun ha lyndet ki ktien pynkhyllew.

PROBERB 26:26

U lah ban buhrieh arsap ïa la ka jingisih, hynrei baroh kin ïohi ïa kiei kiei kiba bymman ba u leh.

EKLESIASTIS 7:9

Bat synshar ïa la ka jingkhluit khlieh; ka long ka jingbieit ban pynlang ïa ka jingbatnud.

MATHAÏOS 18:15

“Lada u para jong me u leh pop pyrshah ïa me, khie leit sha u bad pyn-i ha u ïa ka jingbakla jong u. Hynrei leh ïa ka ha kaba jar jar, kumba tang hapdeng para ma phi. Lada u shahshkor ïa me, me la ïoh pat ïa la u para.

EPHESOS 4:26

Lada phi bitar, wat ai ba ka jingbitar jong phi kan ïalam ïa phi ban leh pop, wat bitar sah baroh shi sngi.

EPHESOS 4:31

To bret noh ïa baroh ka jingkthang mynsiem, ka jingkwah brai bad ka jingbitar. Keiñ noh ka jingkaw kaw, lane ka jingkrenbeiñ bad keiñ noh ki jingsngew isih la ha kano kano ka rukom.

1 ÏOANNIS 2:11

Hynrei uno uno uba isih ïa la u hynmen u para u don ha ka jingdum; u ïaid ha ka bad um tip shano u leit, namar ka jingdum ka la pynmatlah ïa u.

1 ÏOANNIS 2:9

Uno uno uba ong ba u don ha ka jingshai, pynban u isih ïa la u hynmen u para, u don ha ka jingdum haduh kane hi ka kynta.

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.

1 ÏOANNIS 3:12

Ngim dei ban long kum u Kain; u la long jong u Basniew bad u la pynïap ïa u Abel, u para jong u. Balei u Kain u la pynïap ïa u? Namar kiei kiei kiba u la leh da lade hi ki la long ki bym dei, hynrei kiei kiei kiba u para jong u, u la leh ki la long kiba dei.

1 ÏOANNIS 3:15

Uno uno uba isih ïa la u hynmen u para u long u nongpynïap briew, bad phi tip ba u nongpynïap briew um pat ïoh ka jingim bymjukut ha u.