2 SAMUEL 13:20 - Khasi CL Bible (BSI)

²⁰ Haba u Absalom u hynmen jong ka u la ïohi ïa ka, u la kylli, “Hato u Amnon u la ktah kti ïa phi? Sngewbha, ko hep, wat shah ba kata kan pynsngewsih shibun ïa phi. U dei u ba ïalong shi para bad phi na ijuh i pa, kumta te wat ïathuh hano hano shaphang kata.” Kumta ka Tamar ka la sah ha ka ïing jong u Absalom, ka da sngewsih bad sngew marwei.

KA BAIBL

²⁰ Bad u Absalom u hynmen jong ka u la ong ha ka, “U Amnon u hynmen jong pha u la leit sha pha? Hynrei, ko hep, to sngap jar mynta: u long u hynmen jong pha; to wat pynkhuslai la ka dohnud namar kane.” Kumta, ka Tamar ka la sah rangli ha ïing u Absalom u hynmen jong ka.

2 SAMUEL 13:20 ပူးပေါင်းရင်းမြစ်များ

JENESIS 34:2

Haba u Shekhem u khun jong u Hamor u jait Hib, uba long u khlieh jong kata ka thain, u la ïohi ïa ka, u la shim ïa ka, bad u la batbor ïa ka.

JENESIS 46:15

Kine ki dei ki khun shynrang ba ka Leah ka la kha na u Jakob ha Mesopotamia nalor ka khun kynthei jong u, ka Dinah. Baroh ki khun ki ksiew kiba u ïoh na ka Leah ki long laiphew lai ngut.

2 SAMUEL 13:19

Ka la ber dpei ha la ka khlieh, ka la kad ïa la ka sopti jynsur, bad da kaba buhrieh ïa la ka durkhmat da kaba tap da ki kti ka la leit noh da kaba ïam.

2 SAMUEL 13:21

Haba u syiem Dabid u la ïohsngew ïa kaba la jia, u la bitar lep.

2 SAMUEL 14:24

Pynban u syiem u la ai hukum ba u Absalom um dei ban sah hapoh ïingsyiem. “Ngam kwah ban ïohi ïa u!” u syiem u ong. Kumta u Absalom u sah ha ka ïing jong u hi bad um shym leit mih ha khmat u syiem.

PROBERB 26:24

U riewarsap u buhrieh ïa la ka jingshun ha lyndet ki ktien pynkhyllew.

Ka Shithi U Paul Sha Ki Nong Rom 12:19

Wat ju pynhiarkput, ko ki paralok jong nga, hynrei pynban, to ai ba ka jingbitar jong U Blei kan leh ïa kata. Namar ka Jingthoh Bakhuid ka ong, “Ngan pynhiarkput, ngan siew kylliang, ong U Trai.”