2 SAMUEL 12:13 - Khasi CL Bible (BSI)

¹³ “Nga la leh pop pyrshah ïa U Trai,” U Dabid u la ong. U Nathan u jubab, “U Trai u map ïa phi; phin ym ïap.

KA BAIBL

¹³ Te u Dabid u la ong ha u Nathan, “Nga la leh pop ïa U Trai.” U Nathan te u la ïathuh ha u Dabid, “U Trai ruh u la pyndam noh ïa kata ka pop jong me; men ym ïap keiñ.

2 SAMUEL 12:13 ပူးပေါင်းရင်းမြစ်များ

JENESIS 39:9

Ha kane ka ïing, nga don kajuh ka iktiar kumba u don, bad um shym la tyngkai ei ei shuh na nga lait noh tang ïa phi. Kumno keiñ nga lah ban leh kat ïa kata ka kam runar, bad ban leh pop pyrshah ïa U Blei?”

2 SAMUEL 24:10

Hynrei hadien ba u Dabid u la dep shim ïa ka jingkheiñbriew, ka jingïatiplem jong u ka la sdang ban pynshitom ïa u, bad u ong ha U Trai, “Nga la leh ïa ka pop kaba shyrkhei ha kaba leh ïa kane! Sngewbha map ïa nga. Nga la leh bieit.”

2 SAMUEL 24:17

U Dabid u la ïohi ïa u angel uba u pynïap ïa ki briew, bad u ong ha U Trai, “Dei ma nga uba la leh pop. Nga dei uta uba la leh bakla. Kine ki briew bapli ki la leh aïu? Me dei ban pynshitom ïa nga bad ïa ka longïing jong nga.”

1 SYIEM 13:4

Haba u syiem Jeroboam u ïohsngew ïa kane, u kdew ïa u bad u hukum, “Kem ïa uto u briew!” Mar kumta hi ka kti u syiem ka long kumba ïap haduh ba um lah pynkhun shuh ïa ka.

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

1 SYIEM 22:8

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u, namar um ju ïathuhlypa ïa kaba bha shaphang jong nga, borabor ka dei tang ïa kaba sniew suda.” “Phim dei ban ong kumta!” U Jehoshaphat u jubab.

2 SYIEM 1:9

Nangta u la phah ïa u rangbah pynïaidkam lem bad sanphew ngut ki rangbah ban wanlam ïa u Elijah. U rangbah pynïaidkam u shem ïa u ba u shong halor u lum bad u ong ha u, “Ko briew jong U Blei, u syiem u hukum ïa phi ban wan hiar shane.”

1 KHRONIKL 21:8

U Dabid u ong ha U Blei, “Nga la leh ïa ka pop kaba shyrkhei eh ha kaba leh ïa kane! Sngewbha map ïa nga. Nga la leh bieit.”

2 KHRONIKL 16:10

Kane ka la pynlong ïa u Asa ban bitar haduh katta katta ïa u nongïathuhlypa bad phah teh kynjri ïa u. Ka la long ha kane kajuh ka por ba u Asa u sdang ban lehbeiñ tyngeh ïa katto katne ngut ki briew.

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

Ka Kitab U Job 33:27

Uwei pa uwei un ong ha kaba ïohsngew paidbah, “Nga la leh pop. Ngam shym la leh kaba dei, hynrei U Blei u la pyllait ïa nga.

SALM 103:12

Kumba ka jngai ka mihngi na ka sepngi, kumta ruh u weng noh ïa ki pop jong ngi na ngi.

SALM 51:16

Mem kwah ïa ki jingkñia, ne ngan jin da la ai ïa ki; mem sngewbha ïa ki jingainguh thang.

SALM 51:4

Nga la leh pop pyrshah ïa me — pyrshah tang ïa me hi — bad leh ïa kaei kaba me ñiew kaba bymman. Te me la leh kaba dei ha ka jingbishar jong me; me lehhok haba me pynrem ïa nga.

SALM 51:6

Ka jinglonghok bad ka jingshisha ki long kiba me dawa; to pyndap ïa ka jingmut jong nga da ka jingstad jong me.

EKSODOS 9:27

U Pharaoh u la phah khot ïa u Moses bad u Aaron, bad u ong ha ki, “Ha kane ka sien nga la leh pop; U Trai u leh ïa kaba dei; ma nga bad ki briew jong nga ngi la leh bakla.

PROBERB 25:12

Ka jingmaham ba ai da u briew uba shemphang bha ha uno uno uba mon ban sngap ka long kaba kham kordor ban ïa ki sati ksiar ne ki jingdeng mawlynnai ba la saiñ na ka ksiar banylla.

PROBERB 28:13

Phin ym long uba jop ha ka jingim lada phi pyrshang ban buhrieh ïa la ki pop. Phla ïa ki bad iehnoh ïa ki; te U Blei un pyn-i ka jingisynei ïa phi.

ISAÏAH 38:17

Ka jingkthang jong nga ka kylla sha ka jingsuk. Me pyllait ïa ka jingim jong nga na ka jingma baroh; me map ïa ki pop jong nga baroh.

ISAÏAH 43:24

Phim shym la thied jingiwbih ïa nga lane pynhun ïa nga da ka khleiñ ki jingri jong phi. Pynban phi la bankhia ïa nga da ki pop jong phi; phi la pynbtai ïa nga da ki jingbakla ba phi la leh.

ISAÏAH 44:22

Nga la weng noh ïa ki pop jong phi kum ïa u lyoh. To wan phai pat sha nga; nga long uta uba la pynim ïa phi.”

SNGEWSYNEI 3:32

U lah ban wallam ka jingsngewsih ha ngi, hynrei ka jingieit jong u ïa ngi ka long kaba thikna bad kaba khlaiñ.

LEBITIKOS 20:10

“Lada u briew u klim bad ka tnga jong u para Israel, ma u bad kata ka kynthei kin shah pynïap.

LEBITIKOS 24:17

“Uno uno uba pynïap briew un shah pynïap,

SEKHARAÏAH 3:4

U angel u la ong ha la ki shakri ba kynja bneng, “Shim noh ïa ki jaiñ bajakhlia kiba une u briew u phong.” Nangta u ong ha u Joshua, “Nga la shim noh ïa ka pop jong me bad ngan ai ha me ki jaiñ bathymmai ban phong.”

MATHAÏOS 14:10

Kumta u la phah khrai khlieh ïa u Ïoannis ha byndi.

LOUKAS 15:21

‘Ko pa,’ u khun jong u, u la ong, ‘nga la leh pop pyrshah ïa U Blei bad pyrshah ïa phi. Ngam long shuh uba dei ba yn khot u khun jong phi.’

LOUKAS 18:13

“Hynrei u nonglum khajna u la ïeng ha pajih bad um shym khmied la ka durkhmat sha bneng, hynrei u ïai tied ïa la ka shadem bad u la ong, ‘A Blei, to isynei ïa nga, u nongpop!’

KI KAM 2:37

Haba ki paidbah ki la ïohsngew ïa kane, ki la khuslai shikatdei eh bad ki la ong ha u Petros bad ha kiwei pat ki apostol, “Kaei kaba ngin leh, ko para?”

HEBRU 9:26

Lymda kumta ka la dei ïa u ban shah bunsien naduh myn dang long ka pyrthei. Pynban, mynta haba ka por baroh ka la jan poi sha kaba kut, u la paw tang shisien hi, ban pyndam noh ïa ka pop da kaba kñia ïa lade.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.

JINGPYNPAW 1:5

bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

1 SAMUEL 15:20

“Nga la kohnguh ïa U Trai” u Saul u jubab. “Nga la leit kumba u la phah ïa nga, nga la wan ïalam ïa u Agag, u syiem, bad nga la pynïap ïa ki Amalek baroh.

1 SAMUEL 15:30

“Nga la leh pop,” u Saul u jubab. “Hynrei la kumno kumno pyn-i ka jingñiewkor ïa nga ha khmat ki nongïalam jong ki briew jong nga bad ki Israel baroh. Ïaleit phai ryngkat bad nga, ba ngan lah ban mane ïa U Trai U Blei jong phi.”