2 SAMUEL 11:2 - Khasi CL Bible (BSI)

² Ha kawei ka sngi, haba la kham janmiet, u Dabid u la khie na kaba thiah shipor bad u la leit shalor ka tnum ïing jong ka ïingsyiem. Katba u dang ïaid sawdong hangta, u la ïohi ïa ka kynthei kaba dang sum. Ka long kaba bhabriew shikatdei.

KA BAIBL

² Ka la jia te ha kawei ka janmiet, ba u Dabid u la khie na la ka jingthiah bad u la ïaid kai hajrong ïing ka ïing u syiem: bad na jrong ïing, u la ïohi ïa ka kynthei ba ka da sum; te kata ka kynthei ka la long kaba bhabriew eh ban khmih ïa ka.

2 SAMUEL 11:2 ပူးပေါင်းရင်းမြစ်များ

JENESIS 12:11

Hamar ba un sa rung ha ri Ijipt, u ong ha ka Sarai ka tnga jong u, “Pha long ka kynthei kaba bhabriew.

JENESIS 3:6

Ka briew ka la ïohi haduh katno uta u dieng u long uba itynnat bad haduh katno u soh jong u, u long uba ibang, bad ka la pyrkhat ruh haduh katno kan long kaba phylla ban long kaba stad. Kumta ka la shim ïa u soh bad ka la bam. Nangta ka la ai lem ha u tnga jong ka, bad u ruh u la bam ïa uta u soh.

JENESIS 34:2

Haba u Shekhem u khun jong u Hamor u jait Hib, uba long u khlieh jong kata ka thain, u la ïohi ïa ka, u la shim ïa ka, bad u la batbor ïa ka.

JENESIS 39:6

Kumta u Potiphar u aiti ïa kiei kiei baroh kat kiba u don ha ka jingpeit u Joseph, bad um shym pynkhuslai ei ei shuh ïa lade lait tang ka bam ba u ju bam.

JENESIS 6:2

katto katne na ki jingthaw ba kynja bneng ki la ïohi ba kine ki samla kynthei ki long kiba bhabriew, kumta ki la shim ïa kita kiba ki la mon.

2 SAMUEL 13:1

U Absalom, u khun jong u Dabid u la don kawei ka para kaba bhabriew ka bym pat shongkurim, kaba kyrteng ka Tamar. U Amnon, uwei na ki khun shynrang jong u Dabid, u ibha ïa ka.

2 SAMUEL 14:27

U Absalom u don lai ngut ki khun shynrang bad kawei ka khun kaba kyrteng ka Tamar, ka kynthei kaba bhabriew katta katta.

2 SAMUEL 4:5

U Rekhab bad u Baanah ki leit sha ka ïing u Ishbosheth bad ki poi hangta ha ka por shiteng sngi, katba u dang pynjahthait ïa lade ha ka por shiteng sngi.

2 SAMUEL 4:7

Mar ïarung shapoh, ki leit sha ka kamra thiah u Ishbosheth, ha kaba u dang ïohthiah lyngngai, bad ki la pynïap ïa u. Nangta ki la ot ïa ka khlieh jong u, ki rah ïa ka bad ki, bad ki ïaid baroh shi miet lyngba ka Them Jordan.

Ka Kitab U Job 31:1

Nga la pynlong ka jingkular bakyntang ban nym khmih da ka jingkwah brai ïa ka kynthei.

SALM 119:37

To sumar ïa nga na kaba pynleit jingmut ïa kaei ka bymdondor; to long uba bha ïa nga, kumba me la kular.

PROBERB 19:15

Leh jaipdeh lada phi kwah; ïai thiah sah, hynrei phin shahthngan.

PROBERB 31:30

Ka jingbhabriew ka long ka jingshukor bad ka jingitynnat ka jah noh, hynrei ka kynthei kaba tiengburom ïa U Trai ka dei ban ïoh ïaroh.

PROBERB 6:25

Wat ai ba phin shah pynshoi ha ka jingbhabriew jong ki, wat shah ba ki khmat jong ki kin pynthame ïa phi.

PROBERB 7:8

U dang ïaid ha lynti najan ka dong ha kaba shong kawei ka kynthei. U dang ïaid lyngba najan ïing jong ka

JEREMAÏAH 19:13

Ki ïing jong ka Jerusalem bad ki ïing jong ki syiem ka Judah, bad shisha baroh ki ïing ha kiba halor ki tnum jong ki la thang ïa ki jingiwbih sha ki khlur bad ha kaba ïa ka waiñ la theh kum ka jingainguh sha kiwei pat ki blei — ma ki baroh kin long ki bymkhuid kum ka Topheth.”

MATHAÏOS 10:27

Ïa kaei kaba nga ïathuh ïa phi ha kaba dum phi dei ban ïathuh ha kaba shai, bad ïa kaei kaba phi la ïohsngew ha kaba rieh phi dei ban pynbna na ki tnum ïing.

MATHAÏOS 24:17

U briew uba don ha tnum ka ïing jong u, um dei shuh ban pynlut por ban hiar shapoh bad shim ïa ki jingdon jingem jong u na ka ïing.

MATHAÏOS 5:28

Hynrei mynta nga ong ha phi: uno uno uba khmih ïa ka briew bad kwah ban ïoh ïa ka u la hap ha ka jingpynrem jong ka jingklim bad ka hapoh ka dohnud jong u.

KI KAM 10:9

Ha ka sngi kaba bud, katba ki dang don ha lynti bad ba ki la jan poi hajan Joppa, u Petros u la leit sha ka tnum jong ka ïing ha ka por shiteng sngi ban duwai.

DEUTERONOMI 22:8

“Haba phi tei ïing thymmai, kynmaw ban da ker ïa ka tduh jong ka tnum ïing, ïoh phi hap kit pop lada uno uno u briew u hap nangta bad u ïap.

DEUTERONOMI 5:21

“ ‘Wat ikwah ïa ka tnga jong uwei pat u briew; wat ikwah ïa ka ïing jong u, ïa ka jaka jong u, ïa ki mraw jong u, ïa ki masi jong u, ïa ki kada jong u, lane ïa kaei kaei kaba dei ka jong u.’

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

1 ÏOANNIS 2:16

Baroh kiei kiei kiba dei jong ka pyrthei — kaei kaba ka malade bapop ka brai, kaei kaba ki briew ki ïohi bad kwah, bad baroh kiei kiei kiba ha ka pyrthei kiba ki briew ki sngewsarong — ym don na kane kaba wan na U Kpa; baroh ka wan na ka pyrthei.

1 SAMUEL 9:25

Ynda ki la wan hiar shapoh shnong na kata ka jaka jingmane, ki siang jingthiah ïa u Saul halor tnum ïing, bad u thiah hangta. Dang step phyrngab u Samuel u kyrsiew ïa u Saul uba don ha tnum ïing, “Khie noh, ba ngan phah ïa me ha ka lynti ba men leit.” U Saul u khie, bad ma u bad u Samuel ki ïamih lang sha lynti bah.