2 SAMUEL 11:15 - Khasi CL Bible (BSI)

¹⁵ U thoh: “Buh ïa u Uriah ha khmat duh, ha ka jaka kaba jur tam ka jingïaleh, nangta kynran dien noh bad ai ba un shah pynïap.”

KA BAIBL

¹⁵ Bad ha kata ka shithi u la thoh, u da ong, “To buh ïa u Uriah ha pyrshah kaba jur tam ka jingïaleh, bad kynriah noh na u, khnang ba yn shoh ïa u, bad ba un ïap noh.”

2 SAMUEL 11:15 ပူးပေါင်းရင်းမြစ်များ

2 SAMUEL 11:16

Kumta katba u Joab u dang kerkut ïa kata ka nongbah, u la phah ïa u Uriah sha ka jaka ha kaba u tip ba u nongshun u khlaiñ bha.

2 SAMUEL 11:17

Ki kynhun nongshun ki la wan mih na ka nongbah bad ki la ïaleh ïa ki kynhun jong u Joab; katto katne na ki rangbah pynïaidkam jong u Dabid ki la shah pynïap, bad kumta ruh ka la long ïa u Uriah.

2 SAMUEL 12:9

Balei te ba mem kohnguh ïa ki hukum jong nga? Balei ba me la leh ïa kane ka kam bymman? Me la pynlong ïa u Uriah ban shah pynïap ha ka thma; me la shah ïa ki Ammon ban pynïap ïa u, bad nangta me shim ïa ka tnga jong u!

1 SYIEM 15:5

U Trai u leh ïa kane namar ba u Dabid u la leh ïa kaba pynsngewbha ïa u bad um ju lyndet ïa kano kano na ki hukum jong u, lait noh tang ha ka kam kaba ïadei bad u Uriah u nong Hit.

SALM 51:14

To pynsah ïa ka jingim jong nga, A Blei, bad pyllait im ïa nga, bad ngan pynbna da kaba kmen ïa ka hok jong Me.

SALM 51:4

Nga la leh pop pyrshah ïa me — pyrshah tang ïa me hi — bad leh ïa kaei kaba me ñiew kaba bymman. Te me la leh kaba dei ha ka jingbishar jong me; me lehhok haba me pynrem ïa nga.

EKLESIASTIS 8:11

Balei ki briew ki stet haduh katta katta ban leh ïa ki kam sniew? Namar ïa ka kam sniew ym ju kham pynshitom kloi.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 20:13

To rwai ha U Trai! To ïaroh ïa U Trai! u la pyllait im ïa kiba la shah banbeiñ na ka bor jong ki briew basniew.

1 SAMUEL 18:17

Nangta u Saul u ong ha u Dabid, “Kane ka dei ka Merab ka khun jong nga kaba kham shuwa. Ngan ai ïa ka ha me kum ka tnga jong me halor ka kyndon ba me dei ban shakri ïa nga kum u shipai bashlur bad baïaineh, bad ïaleh ïa ki thma U Trai.” (U Saul u nang pyrkhat ba ha kane ka rukom ki Philistia kin ïoh pynïap ïa u Dabid bad um da donkam ban leh da lade.)

1 SAMUEL 18:21

U ong ha lade, “Ngan ai ïa ka Mikhal ha u Dabid: ngan pyndonkam ïa ka ban riam ïa u, bad un sa shah pynïap ha ki Philistia.” Kumta ha ka sien kaba ar u Saul u ong ha u Dabid, “Men sa long u pyrsa kurim jong nga.”

1 SAMUEL 18:25

bad u Saul u hukum ïa ki ban ong ïa u Dabid, “Baroh kaba u syiem u kwah na phi kum ka dor jong ka nongleitkurim ka long shispah tylli ki doh otsher jong ki Philistia, kum ka jingpynhiarkput halor ki nongshun jong u.” (Kane ka long kumno u Saul u thmu khnang ba yn ïoh pynïap ïa u Dabid da ki Philistia.)