2 SAMUEL 11:11 - Khasi CL Bible (BSI)

¹¹ U Uriah u jubab, “Ki rangbah Israel bad Judah ki don jngai ha ka thma, bad ka Synduk ka Jutang ka don bad ki; u Joab u rangbah nongai hukum ïa nga bad ki rangbah pynïaidkam jong u ki ïasah ha madan. Kumno nga lah ban shu leit sha ïing, ban bam ban dih, bad ban thiah bad la ka tnga? Ka long kaba kyntang ïa nga, nga smai ba ngan ym leh ïa kaba kum kata ka kam!”

KA BAIBL

¹¹ Bad u Uriah u la ong ha u Dabid, “Kata ka Synduk ka Jutang, bad ki Israel, bad ki Judah, ki ïashong ha ka ïingtrep; bad u kynrad jong nga u Joab, bad ki shakri u kynrad jong nga, ki ïashong dara shabar ha madan; nga kumno ngan leit sha la ïing, ban bam bad ban dih, bad ban thiah bad la ka tnga? Katba me im, bad katba ka im ka mynsiem jong me, ngan ym leh kum ïa kane ka kam.”

2 SAMUEL 11:11 ပူးပေါင်းရင်းမြစ်များ

2 SAMUEL 11:10

Haba u Dabid u la ïohsngew ba u Uriah um shym leit sha ïing, u la kylli ïa u, “Phi dang shu wan phai hadien ka jingleit kaba jlan; balei phi khlem leit sha ïing?”

2 SAMUEL 14:19

“Hato dei u Joab uba la ai buit ïa pha ha kane baroh?” u la kylli ïa ka. Ka jubab, “Nga smai da kata baroh kaba kyntang, ko Syiem Kynrad, ba ym don kano kano ka lad ban kiar na kaba jubab ïa ka jingkylli jong phi. Ka dei kaba shisha ba u Joab, u rangbah pynïaidkam jong phi uba la bthah ïa nga ïa kaei ngan leh bad ïa kaei ngan kren.

2 SAMUEL 20:6

Kumta u syiem u ong ha u Abishai, “U Sheba un kham pynjynjar ïa ngi ban ïa u Absalom. Shim ïa ki rangbah jong nga bad leit thwet ïa u, lym kumta u lah ban leit shong shnong ha ki shnong ba la ker kynroh, bad lait phet na ngi.”

2 SAMUEL 7:2

Nangta u syiem u ong ha u Nathan, u nongïathuhlypa, “Nga shong hangne ha ka ïing ba la tei da ki dieng Kedar, hynrei ïa ka Synduk ka Jutang U Blei pat la buh ha ka ïingjaiñ!”

2 SAMUEL 7:6

Naduh ka por ba nga la pyllait ïa ki paid Israel na Ijipt haduh mynta, ngam pat ju shong ha ka templ; nga la leit kylleng kylleng da kaba shong ha ka ïingjaiñ.

JINGKHEIÑ 32:6

U Moses u jubab, “Phi ïakwah ban shong ban sah hangne katba kiwei pat ki Israel kin leit sha ka thma?

ÏOANNIS 13:14

Ma nga, U Trai bad U Nonghikai jong phi, nga la sait ïa ki kjat jong phi. Phi, te, phi dei ban sait ïa ki kjat para ma phi.

2 TIMOTHI 2:12

Lada ngi ïai bteng ban ïaishah, ngin sa synshar ruh lem bad u. Lada ngin len ïa u, u ruh un len ïa ngi.

1 SAMUEL 1:26

Ka Hannah ka ong ha u, “Ko kynrad! Phi dang kynmaw mo ïa nga? Nga dei kato ka briew kaba phi ïohi kaba ïeng hangne kaba duwai ha U Trai.

1 SAMUEL 14:18

“Wallam hangne ïa ka Ephod,” u Saul u ong ha u Ahijah u lyngdoh. (Ha kata ka sngi u Ahijah u dang rah ïa ka ha khmat ki paid Israel.)

1 SAMUEL 17:55

Haba u Saul u ïohi ïa u Dabid ba u leit ban ïaleh bad u Goliath, u kylli ïa u Abner, u rangbah shipai jong u, “Abner, u dei u khun jongno mo?” “Ngam don jingtip, syiem Kynrad,” u Abner u jubab.

1 SAMUEL 20:3

Hynrei u Dabid u jubab, “I pa jong phi i tip bha katno ba phi sngewieit ïa nga, bad i la rai ba phin ym tip ïa kaei ba i thmu ban leh, namar ba phin sa sngewkthang eh. Nga smai ha phi da U Trai uba im ba nga don sa tang shisien jam na ka jingïap!”

1 SAMUEL 25:26

U dei U Trai uba la khang ïa phi ban pynhiarkput bad pynïap ïa ki nongshun jong phi. Bad mynta nga smai ha phi da U Trai uba im ba ki nongshun jong phi bad baroh kiba kwah ban pynmynsaw ïa phi kin shah pynshitom kum u Nabal.

1 SAMUEL 4:4

Kumta ki phah nonglamktien sha Shiloh bad ki wanrah ïa ka Synduk ka Jutang U Trai Badonbor Baroh, uba shongkhet halor ki Kherub. Bad ki ar ngut ki khun shynrang u Eli, u Hophni bad u Phinehas, ki wan ryngkat hangta bad ka Synduk ka Jutang.