2 SAMUEL 11:1 - Khasi CL Bible (BSI)

¹ Ha ka pyrem kaba bud, ha ka por jong ka snem haba ki syiem ki ju leit sha ka thma, u Dabid u la phah ïa u Joab lem bad ki rangbah pynïaidkam jong u bad ka kynhun shipai Israel; ki la jop ïa ki Ammon bad ki la kerkut ïa ka nongbah Rabbah. Hynrei u Dabid hi u la sah ha Jerusalem.

KA BAIBL

¹ Bad ynda ha kawei ka snem, ha ka aïom ba ki syiem ki ju leit mih ban ïaleh thma, u Dabid u la phah ïa u Joab, lem bad ki shakri jong u, bad ki Israel baroh de; ki ruh ki la pynjot noh ïa ki khun u Ammon, bad ki la ker kut ïa ka Rabbah. Hynrei, u Dabid u la sah ha Jerusalem.

2 SAMUEL 11:1 ပူးပေါင်းရင်းမြစ်များ

2 SAMUEL 10:14

Haba ki Ammon ki ïohi ba ki Syria ki la her ïap, ki ruh ki la phet krad na u Abishai bad ki leit rung noh shapoh ka nongbah. Nangta u Joab u wan phai noh na ka jingïaleh ïa ki Ammon, bad u leit noh sha Jerusalem.

1 SYIEM 20:22

Nangta uta u nongïathuhlypa u la leit sha u syiem Ahab, bad u ong, “Khie leit noh bad pynkhlaiñ ïa ka kynhun shipai jong me, bad da pynbha ïa ka rukom ïaleh namar u syiem Syria un wan tur ïaleh biang ha ka por pyrem ka ban wan.”

1 SYIEM 20:26

Ha ka pyrem kaba bud u la khot ïa ki rangbah bad u leit bad ki sha ka nongbah Aphek ban tur ïaleh ïa ki Israel.

1 KHRONIKL 20:1

Ha ka pyrem kaba bud, ha ka por jong ka snem kaba ki syiem ki ju leit ïaleh thma, u Joab u ïalam ïa ka kynhun shipai bad hiarthma ïa ka ri jong ki Ammon; u syiem Dabid, pat u sah ha Jerusalem. Ki kerkut ïa ka nongbah Rabbah, ki tur ïaleh, bad pynjot ïa ka.

2 KHRONIKL 36:10

Haba ka pyrem ka la poi, u syiem Nebukhadnessar u ïalam ïa u Jehoïakhin sha Babilon kum u koidi, bad u rah lang ïa ki jingkynshew jong ka Templ. Nangta u Nebukhadnessar u pynlong ïa u Sedekaïah u kñi jong u Jehoïakhin kum u syiem ka Judah bad ka Jerusalem.

SALM 60:9

Mano, A Blei, u ban shim ïa nga sha ka nongbah ba la ker kynroh? Uei u ban ïalam ïa nga sha ki Edom?

EKLESIASTIS 3:8

U buh ka por ban ieit bad ka por ban isih, ka por ïa ka thma bad ka por ïa ka jingsuk.

JEREMAÏAH 49:2

Hynrei ka por ka poi haba ngan pynlong ïa ki briew jong ka nongbah Rabbah ban ïohsngew ïa ka jingsawa jong ka thma, bad yn ieh ïa ka ha ka jingjot bad ïa ki nongrit jong ka ban thang haduh khyndew. Nangta ki Israel kin shim pat ïa la ka jaka na kito kiba la shim ïa ka na ki.

JEREMAÏAH 49:3

Ki briew ka Heshbon, ki kyang! Ïa ka Ai la pynjot! Ki kynthei ka Rabbah, ki leit ïam sngewsih! Ki phong ïa ki jaiñ khain bad ïam pangnud. Ki mareh lamwir. Ïa u Molekh u blei jong phi yn ïalam mraw, lem bad ki lyngdoh bad ki khun syiem.

ESEKIEL 21:20

Kawei ka dak kan pyn-i ïa u syiem ïa ka lynti sha Rabbah ka nongbah ki Ammon, bad kawei pat ka lynti sha Judah, sha Jerusalem ka nongbah ba la ker kynroh.

AMOS 1:14

Kumta ngan phah ka ding ha ki kynroh ka nongbah Rabbah, bad kan thang duh ïa ki kut jong ka. Te kan don ki jingkhynwin ha ka sngi ïaleh thma, bad ka jingïaleh kaba jur kum ka 'erlangthari.

SEKHARAÏAH 14:3

Nangta U Trai un mih shabar bad un ïaleh pyrshah ïa kito ki hima, kumba u la ïaleh ha ki por ba la dep.

DEUTERONOMI 3:11

(U Og u long u syiem uba khatduh na ki Rephaim. Ka jingthiah jong u, kaba la shna da u nar, ka long saw mitar ka lynter bad ar mitar ka pyngkiang, kat kum ka jingthew ba dei rukom. Dang lah ban ïohi ïa ka ha ka nongbah Rabbah jong ki Ammon.)

1 SAMUEL 18:30

Ki shipai Philistia ki ju wan ban ïaleh thma, hynrei ha man ki jingïaleh, u Dabid u kham jop ïa ki ban ïa uno uno u rangbah shipai jong u Saul. Kumta u Dabid u la pawnam shibun.