2 SAMUEL 10:19 - Khasi CL Bible (BSI)

¹⁹ Haba ki syiem kiba shah synshar ha u Hadadeser ki sngewthuh ba ki la shahjop ha ki Israel, ki la pynlong ka jingïasuk bad ki bad ki kylla long ki raïot jong ki. Bad ki Syria ki la sheptieng ban ïarap biang ïa ki Ammon.

KA BAIBL

¹⁹ Te haba kita ki syiem baroh kiba la long ki shakri ïa u Hadareser ki la ïohi ba la pynïap ïa ki ha khmat ki Israel, ki la ïasuk noh bad ki Israel, bad ki la shakri ïa ki. Kumta, ki Syria ki la sheptieng ban ïarap shuh ïa ki khun u Ammon.

2 SAMUEL 10:19 ပူးပေါင်းရင်းမြစ်များ

2 SAMUEL 8:3

Nangta u la jop ïa u khun jong u Rehob, u Hadadeser, u syiem ka hima Sobah jong ka Syria, katba u Hadadeser u dang don ha lynti ban pynïoh pat ïa la ka bor synshar halor ka ri harud ka wah Ïuphratis kaba shaneng.

2 SAMUEL 8:6

Nangta u la pynïeng ki dara sah shipai ha ki ri jong ki, bad ki la kylla long ki raïot jong u bad ki siew khajna sha u. U Trai u la pynlong ïa u Dabid ban jop kylleng kylleng.

1 SYIEM 20:1

U Benhadad u syiem ka Syria u la ïalumlang ïa ki shipai jong u baroh, bad ba la kyrshan da ki laiphew ar ngut kiwei pat ki nongsynshar lem bad ki kulai bad ki kali ïapom jong ki, u la tur bad kerkut ïa ka Samaria bad hiarthma ïa ka.

1 KHRONIKL 19:19

Haba ki syiem kiba hap hapoh u Hadadeser ki sngewthuh ba ki la shahjop ha ki Israel, ki pynlong ka jingïasuk bad u Dabid bad ki kylla long ki raïot jong u. Ki Syria kim ju mon shuh ban ïarap ïa ki Ammon.

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

DANIEL 2:37

Ko Syiem Kynrad, phi long uba khraw tam na ki syiem baroh. U Blei ka bneng u la pynlong ïa phi u patsha bad u la ai ha phi ka bor, ka jingkhlaiñ, bad ka burom.

JOSHUA 11:10

Nangta u Joshua u wan phai, u la kurup ïa ka Hasor bad pynïap ïa u syiem jong ka. (Ha kata ka por, ka Hasor ka long kaba khlaiñ tam na kito ki hima baroh.)

JINGPYNPAW 18:10

Kin ïeng jngai bah na ka, namar ba ki sheptieng ban ïoh bynta ha ki jingshitom jong ka. Ki ong, “Katno kaba ishyrkhei! Katno kaba itriem! Kane ka nongbah Babilon kaba khraw bad kaba khlaiñbor! Tang hapoh shi kynta pha la shah pynshitom!”

NONGBISHAR 1:7

U Adonibesek u ong, “Hynñiewphew ngut ki syiem ba la shah ot ki 'tikmie bad ki 'jatkmie ki hap ban tam jingbam na khrum miej jong nga. U Blei u la leh mynta ïa nga ïa kaei kaba nga la leh ïa ki.” La ïalam ïa u sha Jerusalem, ha kaba u la ïap.