2 SAMUEL 1:9 - Khasi CL Bible (BSI)

⁹ Nangta u ong, ‘Ale hangne bad pynïap ïa nga. Nga la mynsaw palat bad nga la jan ïap.’

KA BAIBL

⁹ Te u la ong pat ha nga, ‘Nga kyrpad ïa me, to ïeng hajan jong nga, bad pynïap ïa nga, naba ka jingpisa ka la ngat ha nga; namar ba ka jingim jong nga baroh ka dang sah ha nga.’

2 SAMUEL 1:9 ပူးပေါင်းရင်းမြစ်များ

2 SAMUEL 1:10

Kumta nga leit sha u bad nga pynïap ïa u, namar nga tip ba un sa ïap hi la kumno kumno un tang shu kyllon. Nangta nga shim ïa ka pansngiat na ka khlieh jong u bad ïa ka jingdeng na ka ksang'ti jong u, bad nga la wallam ïa ki sha phi, ko kynrad.”

2 SAMUEL 1:8

U kylli nga dei uei, bad nga la ïathuh ïa u ba nga dei u Amalek.

1 KHRONIKL 10:4

U ong ha u samla nongrah atiar jong u, “Sei ïa ka waitlam jong me bad dung ïap ïa nga, ban ym shah ba kine ki Philistia ki bym don blei kin ïuhbeiñ halor jong nga.” Hynrei uta u samla u la khynñiuh tyngeh ban leh ïa ka. Kumta u Saul u sei ïa la ka waitlam bad u rynsied ïa lade ha ka.

JINGPYNPAW 9:6

Ha kine ki san bnai kin wad ïa ka jingïap, hynrei kin ym shem ïa ka; kin kwah ban ïap noh, hynrei ka jingïap kan phet na ki.

NONGBISHAR 9:54

Mar kumta, u khot kyrkieh ïa u samla uba bah ïa ki atiar ïaleh jong u, bad u hukum ïa u, “Sei ïa la ka waitlam bad pynïap ïa nga. Ngam kwah ba yn ong ba ka kynthei ka la pynïap ïa nga.” Kumta u samla u dung lyngba ïa u, bad u la ïap.

1 SAMUEL 31:4

U ong ha u samla uba rah atiar jong u, “Sei ïa la ka waitlam bad dung ïap ïa nga, kumta ba kine ki Philistia bymriewblei kin ym ïoh dung bad pynïap ïa nga.” Hynrei uta u samla u la sheptieng eh ban leh ïa kata. Kumta u Saul u shim ïa la ka waitlam bad u rynsied ïa lade ha ka.