2 SAMUEL 1:20 - Khasi CL Bible (BSI)

²⁰ Wat pynbna ïa ka ha Gath lane ha ki surok ka Ashkelon. Wat pynlong ïa ki kynthei Philistia ban kmen, wat ai ba ki khun kynthei jong ki bymngeit blei kin risa.

KA BAIBL

²⁰ To wat ïathuh ïa kane ha Gath, wat pynbna ha ki lynti shnong ka Ashkelon; ïoh kin kmen ki khun kynthei ki Philistia, ïoh kin kyrkoh ki khun kynthei jong kita ïa ki bym shym la otsher.

2 SAMUEL 1:20 ပူးပေါင်းရင်းမြစ်များ

ESEKIEL 16:27

“Mynta nga la rah ïa la ka kti ban pynshitom ïa pha bad ban shim noh ïa ka bhah jong pha na ka jingkyrkhu jong nga. Nga lah aiti ïa pha ha ki Philistia, kiba isih ïa pha bad kiba sngewjli ïa ki jingleh khlem akor jong pha.

ESEKIEL 16:57

bad ha shuwa ba yn pynpaw ïa ka jingsniew kaba pha la leh? Mynta pha long kum ma ka — ka jingbiria ïa ki nong Edom, ki Philistia bad kiwei pat ki paramarjan jong pha kiba isih ïa pha.

MIKAH 1:10

Wat ïathuh ïa ki nongshun jong ngi ha Gath shaphang ka jingshahjop jong ngi; wat ai ba kin ïohi ba phi ïam. Ko ki briew ka Beth Leaphrah, pyn-i ïa ka jinglyng-a jong phi da kaba kyrsum ha u pui pui!

NONGBISHAR 11:34

Haba u Jephthah u wan phai sha la ïing ha Mispah, ka khun jong u ka wan ban ïakynduh ïa u, ka da shad bad tem ïa ka ksing. Ka dei ka khun marwei jong u.

NONGBISHAR 14:19

Hangta hi ka bor jong U Trai ka pynshaitbor ïa u, bad u leit hiar sha Ashkelon, ha kaba u pynïap laiphew ngut ki rangbah, u law ïa ki jaiñ jong ki, bad u ai ïa ki jaiñkup baremdor ha kita ki shynrang kiba batai ïa kata ka jingkyntip. Hadien kata, u leit phai noh sha la ïing, da kaba bitar halor kaei kaba la jia,

1 SAMUEL 14:6

U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”

1 SAMUEL 17:26

U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”

1 SAMUEL 17:36

Nga la pynïap ïa ki sing bad ki dngiem, bad ngan leh kumjuh ïa une u Philistia ba mane blei thala, uba ñiewbeiñ ïa ka kynhun ïapom jong U Blei uba im.

1 SAMUEL 18:6

Katba u Dabid u dang wan phai hadien ba u la pynïap ïa u Goliath bad katba ki shipai ki dang wan phai sha la ïing, ki kynthei na man la ka shnong ha Israel ki ïamih ban leit ïashem ïa u syiem Saul. Ki da ïarwai ïa ki jingrwai sngewkmen, ki da ïashad bad ki tem ïa ki kanjari bad ki jingtem ksai.

1 SAMUEL 31:4

U ong ha u samla uba rah atiar jong u, “Sei ïa la ka waitlam bad dung ïap ïa nga, kumta ba kine ki Philistia bymriewblei kin ym ïoh dung bad pynïap ïa nga.” Hynrei uta u samla u la sheptieng eh ban leh ïa kata. Kumta u Saul u shim ïa la ka waitlam bad u rynsied ïa lade ha ka.

1 SAMUEL 6:17

Kine ki dur u thung kiba da ka ksiar ba ki Philistia ki phah pat kum ka jingainguh namar ka jingpalat sha U Trai ki long na ka bynta kawei pa kawei ka shnong: Ka Ashdod, ka Gasa, ka Ashkelon, ka Gath, bad ka Ekron.