2 SAMUEL 1:2 - Khasi CL Bible (BSI)

² Ha ka sngi kaba bud, uwei u samla u la wan poi na ka jaka sher dara jong u Saul. Ban pynpaw ïa la ka jingsngewsih, u la kad ïa la ki jaiñ bad sleh ïa la ka khlieh da ka khyndew. U leit sha u Dabid bad u dem ngon da kaba burom haduh khyndew.

KA BAIBL

² ha ka balai sngi te, ha khmih, u briew u la wan mih na ka jaka shong dara u Saul uba la kad ki jaiñ jong u, bad ka khyndew halor ka khlieh jong u; te haba u la wan poi ha u Dabid, u la hap ha khyndew, bad u la nguh.

2 SAMUEL 1:2 ပူးပေါင်းရင်းမြစ်များ

JENESIS 22:4

Ha ka sngi kaba lai, u Abraham u la ïohi ïa kata ka jaka na jngai.

JENESIS 37:29

Haba u Reuben u leit phai pat sha kata ka pukri bad shem ba u Joseph um don shuh hangta, u la kad ïa la ki jaiñ ha ka jingsngewsih.

JENESIS 37:34

U Jakob u kad ïa la ki jaiñ ha ka jingsngewsih bad u kup da ka jaiñ khain. U la ïam sngewsih bun sngi na ka bynta u khun jong u.

JENESIS 43:28

Ki la jubab, “I pa jong ngi, u shakri barit jong phi, i dang im bad i shait i khlaiñ.” Bad ki la dem khohsiew bad nguh ngon ha khmat jong u.

2 SAMUEL 1:3

U Dabid u kylli ïa u, “Nangno me wan?” “Nga la lait phet na ka jaka sher dara ki Israel,” u la jubab.

2 SAMUEL 13:19

Ka la ber dpei ha la ka khlieh, ka la kad ïa la ka sopti jynsur, bad da kaba buhrieh ïa la ka durkhmat da kaba tap da ki kti ka la leit noh da kaba ïam.

2 SAMUEL 14:4

Kata ka briew ka leit sha u syiem, ka dem ngon haduh khyndew ha ka jingñiewburom bad ka ong, “Ïarap ïa nga, ko Syiem Kynrad!”

2 SAMUEL 15:32

Haba u Dabid u la poi ha ka kliar jong u lum, ha kaba don ka jaka mane Blei, u Hushai, u nong Arkhit uba dei u paralok bajan jong u, u la ïakynduh ïa u da kaba phong ki jaiñ kiba la kad bad ka khyndew ha ka khlieh jong u.

2 SAMUEL 24:20

Haba u Araunah u la khmih sharum bad u ïohi ïa u syiem bad ïa ki rangbah synshar jong u ba ki ïawan kiew sha u. U rynsied ïa lade ha madan ha khmat jong u Dabid

2 SAMUEL 4:10

U nonglamktien uba la wan sha nga ha Siklag bad ïathuh ha nga ïa ka jingïap u Saul, u la pyrkhat ba u la wallam ka khubor babha. Nga la kem ïa u, bad phah pynïap ïa u. Kata ka dei ka bainong ba nga la ai ha u na ka bynta kata ka khubor babha jong u!

ESTHER 4:16

“To khie leit bad ïalumlang ïa baroh ki Jiw ha Susa; pynlong ka jingshah jingit bad duwai na ka bynta jong nga. Wat bam lane dih ei ei na ka bynta lai sngi bad lai miet. Ki shakri kynthei jong nga bad ma nga, ngin leh kumjuh. Hadien kata, ngan leit sha u syiem, wat la ka long pyrshah ïa ka aiñ. Lada ka dei ïa nga ban ïap na ka bynta kata, ai ngan ïap.”

ESTHER 5:1

Ha ka sngi kaba lai jong ka jingshah jingit, ka Esther ka phong ïa ki jingriam syiem jong ka bad ka leit bad ïeng ha ka phyllaw ba kham shapoh ka ïingsyiem, kaba phai khmat sha ka kamra ba don ka khet syiem. U syiem u don hapoh, u shong halor ka khet syiem, da kaba phai khmat sha ka khyrdop.

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

ESEKIEL 27:30

Baroh ki ïam pangnud na ka bynta jong pha, ki da sleh pui pui ha ki khlieh jong ki bad tyllun ha u dpei.

HOSIA 6:2

Ha ki ar ne lai sngi un pynim ïa ngi, bad ngin ïoh im ha ka jingdon ryngkat jong u.

JOEL 2:13

Ai ba ka dohnud ba la pait jong phi kan pyn-i ïa ka jingsngewsih jong phi; kaba kad ïa ki jaiñphong jong phi kam biang.” To wan phai pat sha U Trai U Blei jong phi. U long uba sbun bad uba dap da ka jingisynei; u long uba ïaishah slem bad uba bat ïa la ka kular; u long borabor uba kloi ban map bad ym ban pynshitom.

MATHAÏOS 12:40

Ha kajuh ka rukom ba u Jonah u la pynlut lai sngi bad lai miet hapoh u dohkha uba heh, kumta U Khun U Briew un pynlut lai sngi bad lai miet ha kiba jylliew jong ka khyndew.

MATHAÏOS 16:21

Naduh kata ka por U Jisu u la sdang ban kren shai ha la ki synran, “Nga dei ban leit sha Jerusalem bad shahshitom shibun na ki tymmen ki san, ki rangbah lyngdoh bad ki nonghikai ka Hukum. Ïa nga yn pynïap, hynrei hadien lai sngi yn sa pynmihpat ïa nga.”

JOSHUA 7:6

U Joshua bad ki nongïalam jong ki Israel ki la kad ïa la ki jaiñ da ka jingsngewdiaw, bad ki dem khrup ha khyndew ha khmat ka Synduk ka Jutang U Trai bad dem hangta haduh janmiet lem bad u pui pui halor ki khlieh jong ki ban pyn-i ïa ka jingsngewsih jong ki.

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.

1 SAMUEL 20:41

Hadien ba uta u khynnah u la leit, u Dabid u ïeng nadien kata ka kynton maw, bad u dem khohsiew bad u nguh lai sien. Baroh ar ngut, ma u bad u Jonathan ki ïa-ïam katba ki dang ïadoh markylliang; ka jingsngewsih u Dabid ka kham jur ban ïa ka jong u Jonathan.

1 SAMUEL 25:23

Haba ka Abigail ka ïohi ïa u Dabid, ka la hiar kloi kloi bad ka dem khrup ha khyndew

1 SAMUEL 4:12

Uwei u rangbah uba na ka jait Benjamin u la mareh na ka madan thma shaduh Shiloh bad u la poi hangta ha kajuh ka sngi. Ban pynpaw ïa la ka jingsngewsih u da kad ïa la ki jaiñ, bad u sleh ïa la ka khlieh da ka khyndew.

1 SAMUEL 4:16

Uta u rangbah u ong, “Nga la lait phet na ka thma; bad nga la shu mareh shi lynter lynti haduh hangne mynta ka sngi.” U Eli u kylli ïa u, “Ka la jia aïu, ko khun jong nga?”