2 SAMUEL 1:12 - Khasi CL Bible (BSI)

¹² Ki la sngewsih kthang, ki ïambriew, bad ki la shahjingit haduh janmiet na ka bynta u Saul bad u Jonathan bad na ka bynta ki Israel, ki briew jong U Trai, namar bun bah ki la shah pynïap ha ka thma.

KA BAIBL

¹² Bad ki la sngewsih, bad ki la ïam, bad ki la shah jingit haduh janmiet, namar u Saul, bad namar u Jonathan u khun jong u, bad namar u paidbah jong U Trai, bad namar ka ïing Israel; namar ba ki la hap da ka waitlam.

2 SAMUEL 1:12 ပူးပေါင်းရင်းမြစ်များ

2 SAMUEL 3:35

Baroh shi sngi ki briew ki wan kyntu ïa u Dabid ban bam ei ei, hynrei u Dabid u la pynlong ka kular kaba shongkhia, “Ieh U Blei un shoh ïap ïa nga lada nga bam ei ei shuwa ba ka sngi kan sep!”

PROBERB 24:17

Wat sngewkmen haba u nongshun jong phi u ïakynduh ïa ka jingjot, bad wat lehkmen haba u jynthut.

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

AMOS 6:6

Phi dih waiñ na ki khuri ba-dap, bad phi pyndonkam da ki jingsleh kiba kynsai tam, hynrei phim shym ïam sngewsih halor ka jingshah pynjot ki Israel.

MATHAÏOS 5:44

Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi,

2 KORINTH 11:29

Haba uno uno u tlot, te nga ruh nga tlot; haba uno uno u hap ha ka pop, la pyndap ïa nga da ka jingkthang mynsiem.

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.

1 SAMUEL 31:13

Nangta ki khar ïa ki shyieng bad ki tep ïa ki hapoh uwei u dieng Tamarisk uba ha kata ka shnong, bad ki ïashahjingit hynñiew sngi.

1 SAMUEL 31:6

Bad da kumta u Saul, ki khun shynrang jong u lai ngut, bad uta u samla, ki la ïap; baroh ki briew jong u Saul ki ïap ryngkat ha kajuh ka sngi.