2 SAMUEL 1:11 - Khasi CL Bible (BSI)

¹¹ U Dabid u kad ïa la ki jaiñkup ha ka jingsngewsih, bad ki briew jong u baroh ki leh kumjuh.

KA BAIBL

¹¹ Ynda kumta, u Dabid u la bat ïa la ki jaiñ, bad u la kad ïa ki; bad kumjuh uta paidbah baroh uba bad u.

2 SAMUEL 1:11 ပူးပေါင်းရင်းမြစ်များ

JENESIS 37:29

Haba u Reuben u leit phai pat sha kata ka pukri bad shem ba u Joseph um don shuh hangta, u la kad ïa la ki jaiñ ha ka jingsngewsih.

JENESIS 37:34

U Jakob u kad ïa la ki jaiñ ha ka jingsngewsih bad u kup da ka jaiñ khain. U la ïam sngewsih bun sngi na ka bynta u khun jong u.

JENESIS 44:13

Kita shi para ki la kad ïa la ki jaiñ ha ka jingsngewsih, ki la buh biang ïa la ki jingkit halor ki kada jong ki bad ki la leit phai sha kata ka nongbah.

2 SAMUEL 13:19

Ka la ber dpei ha la ka khlieh, ka la kad ïa la ka sopti jynsur, bad da kaba buhrieh ïa la ka durkhmat da kaba tap da ki kti ka la leit noh da kaba ïam.

2 SAMUEL 13:31

U syiem u la ïeng joit, u kad ïa la ki jaiñ ha ka jingsngewsih, bad u lympat ïa lade ha khyndew. Ki shakri ruh kiba don hangta bad u ki la kad ïa la ki jaiñ.

2 SAMUEL 3:31

Nangta u Dabid u hukum ïa u Joab bad ïa ki rangbah jong u ban kad ïa la ki jaiñ, ban phong ka jaiñ khain, bad ban ïambriew na ka bynta u Abner. Bad ha ka jingleit ontep, u syiem Dabid da lade hi u ïaid hadien ka synduk metïap.

2 SYIEM 5:7

Haba u syiem Israel u pule ïa ka shithi, u la kad ïa la ki jaiñ ha ka jingkhuslai bad u kyang jam, “Kumno u syiem Syria u khmih lynti ïa nga ban pynkhiah ïa une u briew? Hato u pyrkhat ba nga dei U Blei, lem bad ka bor jong ka jingim bad ka jingïap? Ka shai kdar ba u pyrshang ban sdang ïakajia bad nga!”

2 KHRONIKL 34:27

bad to kylla-kaba-mut bad pynrit ïa lade ha khmat jong nga, da kaba kad ïa la ki jaiñ bad da kaba ïam, haba me ïohsngew kumno nga la byrngem ban pynshitom ïa ka Jerusalem bad ïa ki briew jong ka.

ESRA 9:3

Haba nga la ïohsngew ïa kane, nga kad ïa la ki jaiñ ha ka jingsngewsih, nga phut ïa la u shñiuh bad u 'ñiuhtmoh bad nga shong ba la bankhia da ka jingsngewsih.

ESTHER 4:1

Haba u Mordekai u tip ïa kata baroh ba la leh, u tar ïa la ki jaiñ ha ka jinglyng-a bajur. Nangta u phong da ki jaiñ khain bad sleh ïa ka khlieh da u dpei, bad ïaid lyngba ïa ka nongbah, u da ïam lynñiar kthang, haduh ba un da poi ha ka jaka rung sha ka ïingsyiem.

JEREMAÏAH 36:24

Hynrei u syiem lymne uno uno na ki rangbah synshar kiba la ïohsngew ïa kane baroh, kim shym la sheptieng ne pyn-i kano kano ka dak jong ka jingsngewsih.

JOEL 2:13

Ai ba ka dohnud ba la pait jong phi kan pyn-i ïa ka jingsngewsih jong phi; kaba kad ïa ki jaiñphong jong phi kam biang.” To wan phai pat sha U Trai U Blei jong phi. U long uba sbun bad uba dap da ka jingisynei; u long uba ïaishah slem bad uba bat ïa la ka kular; u long borabor uba kloi ban map bad ym ban pynshitom.

KI KAM 14:14

Haba u Barnabas bad u Paul ki la ïohsngew ïa kaei kaba kin sa leh, ki la kad ïa la ki jaiñphong bad ki la mareh sha pdeng u paidbah, da kaba pyrta,

Ka Shithi U Paul Sha Ki Nong Rom 12:15

To ïakmen bad kito kiba kmen, to ïa-ïam bad kito kiba ïam.

JOSHUA 7:6

U Joshua bad ki nongïalam jong ki Israel ki la kad ïa la ki jaiñ da ka jingsngewdiaw, bad ki dem khrup ha khyndew ha khmat ka Synduk ka Jutang U Trai bad dem hangta haduh janmiet lem bad u pui pui halor ki khlieh jong ki ban pyn-i ïa ka jingsngewsih jong ki.