2 KORINTH 7:9 - Khasi CL Bible (BSI)

⁹ Hynrei mynta nga kmen — ym namar ba nga la pynsngewsih ïa phi, hynrei namar ba ka jingsngewsih jong phi ka la pynlong ïa phi ban kylla-kaba-mut. Ïa kata ka jingsngewsih la pyndonkam da U Blei, bad kumta ngim shym la pynmong ei ei ïa phi.

KA BAIBL

⁹ mynta, nga kmen keiñ, ym da lei lei naba la shu pynsngewsih ïa phi, hynrei, naba la pynsngewsih ïa phi ïa ka ban kylla-ka-bamut; namar la pynsngewsih riewblei ïa phi, ba kumta, phin ym shah duh ha kaei kaei ruh da ngi.

2 KORINTH 7:9 ပူးပေါင်းရင်းမြစ်များ

SALM 38:18

Nga phla ïa la ki pop, ki pyndap ïa nga da ka jingkhuslai.

EKLESIASTIS 7:3

Ka jingsngewsih ka kham bha ban ïa ka jingrkhie; ka lah ban pynsngewsih ïa ka durkhmat jong phi, hynrei ka pynnep ïa ka jingshemphang jong phi.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

MATHAÏOS 3:8

To leh ïa kito kiei kiei ki ban pyn-i ba phi la phai noh na ki pop jong phi.

LOUKAS 15:10

Ha kajuh ka rukom, nga ong ha phi, ki angel jong U Blei ki risa halor uwei u nongpop uba kylla-kaba-mut.”

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

LOUKAS 15:7

Ha kajuh ka rukom, nga ong ha phi, kan don ka jingkmen kaba kham bun ha bneng halor uwei u nongpop uba kylla-kaba-mut ban ïa ki khyndaiphew khyndai ki briew badonburom ki bymdonkam ban kylla-kaba-mut.

KI KAM 20:21

Ha ki Jiw bad ki Jentil kumjuh nga la ai ka jingmaham da ka jingsngewkhia ba ki dei ban phai sha U Blei na ki pop jong ki bad ban ngeit ha U Jisu uba U Trai jong ngi.

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

2 KORINTH 2:16

Ïa kito kiba jah noh, ka dei ka jingiwtung kaba pynïap; hynrei ha kito kiba la pynim, ka long ka jingiwbih kaba wallam jingim. Uei keiñ, uba lah ban leh ïa kaba kum kata ka kam?

2 KORINTH 7:8

Naba wat lada kata ka shithi jong nga ka la pynsngewsih ïa phi, nga te ngam sngewsih ba nga la thoh ïa ka. Ngan jin da la sngewsih haba nga la ïohi ba ka la pynsngewsih ïa phi shipor.