2 KORINTH 3:3 - Khasi CL Bible (BSI)

³ Ka long kaba shai ba U Khrist da lade hi u la thoh ïa kane ka shithi bad u la phah ïa ka da ngi. Naba la thoh, ym da ka sia hynrei da U Mynsiem jong U Blei uba im, bad ym ha ki mawlyngkniap hynrei ha ki dohnud briew keiñ.

KA BAIBL

³ kiba paw shynna ba phi long ka shithi U Khrist ïa kaba la trei minot da ngi, ïa kaba la thoh ym da ka sia, hynrei, da U Mynsiem U Blei u ba-im, ym ha ki maw lyngkniap, hynrei, ha ki doh lyngkniap ka dohnud keiñ.

2 KORINTH 3:3 ပူးပေါင်းရင်းမြစ်များ

SALM 40:8

Katno nga ieit ban leh ïa ka mon jong me, A U Blei jong nga! nga ri kyndong ïa ka jinghikai jong me ha ka dohnud jong nga.”

SALM 42:2

Nga sliang ïa me, U Blei ba-im; lano nga lah ban leit bad mane ha ka jingdon ryngkat jong me?

SALM 84:2

A katno nga kwah hir hir ban don hangta! nga thrang dik dik ban don ha ka Templ U Trai. Da ka dohnud jong nga bad ka doh jong nga nga rwai da kaba kmen ha U Blei uba im.

EKSODOS 24:12

U Trai u ong ha u Moses, “Wan kiew sha nga ha une u lum, bad katba me dang don hangne, ngan ai ha me ar tylli ki mawlyngkniap kiba don ïa ki hukum baroh kiba nga la thoh na ka bynta ban hikai ïa ki briew.”

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 32:15

U Moses u la leit hiar na uta u lum, u da rah ïa kita ki ar tylli ki mawlyngkniap ha kiba la thoh ïa ki hukum ha baroh arliang.

EKSODOS 34:1

U Trai u ong ha u Moses, “Shtah ar tylli ki mawlyngkniap kum kito kiba mynshuwa, bad ngan sa thoh ha ki ïa ki ktien kiba la don ha ki mawlyngkniap kiba nyngkong, ïa kiba me la pynpait.

PROBERB 3:3

Wat ai ba ka jinglong bashaniah bad baïaineh kin iehnoh ïa phi. Teh ïa ki sawdong ka ryndang jong phi; thoh ïa ki ha ka dohnud jong phi.

PROBERB 7:3

sumar ïa ki jinghikai jong nga ha ki por baroh; thoh ïa ka ha ka dohnud jong phi.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

JEREMAÏAH 17:1

U Trai u ong, “Ko ki briew jong ka Judah, ïa ka pop jong phi la thoh da u khulom nar; la pruid jylliew halor ki dohnud jong phi da u diamond banep bad la ohdur halor ki dong jong ki duwan jong phi.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

ESEKIEL 11:19

Ngan ai ha ki ka dohnud bathymmai bad ka jingmut bathymmai. Ngan shim noh ïa ka dohnud maw ba-mutlop bad ngan ai ha ki ka dohnud bakohnguh.

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

1 KORINTH 3:5

Haba kumta, uei u Apollos? Bad uei u Paul? Ngi dei tang ki shakri jong U Blei, kiba la ïalam ïa phi ban ngeit. Uwei pa uwei na ngi u trei ïa ka kam kaba U Trai u la ai ïa u ban leh:

2 KORINTH 3:6

dei ma u, uba pynlah ïa ngi ban shakri ïa ka jutang kaba thymmai, kaba khlem kynthup ïa ka hukum ba la thoh hynrei kaba da U Mynsiem. Ka hukum ba la thoh ka wallam ïa ka jingïap, hynrei U Mynsiem u ai jingim.

2 KORINTH 3:7

Ïa ka Hukum la oh dur da ki dak halor ki mawlyngkniap, bad ka burom U Blei ka la wan hiar mynba la ai ïa ka. Wat la ka jingtyngshaiñ ha ka durkhmat u Moses ka la sdang ban lip noh, ka la long kaba khlaiñ haduh katta katta ba ki paid Israel kim shym lah ban peit shlip ïa la ki khmat ha u.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

1 THESSALONI 1:9

Kito ki briew baroh, ki kren shaphang kumno ba phi la pdiang ïa ngi myn haba ngi la wan jngoh ïa phi, bad kumno ba phi la phai noh na ki bleithaw sha U Blei, ban shakri ïa U Blei uba shisha bad uba im

HEBRU 10:16

“Kane ka long ka jutang ïa kaba ngan pynlong bad ki, ha ki sngi ki ban sa wan, ong U Trai: Ngan buh ïa ki hukum jong nga hapoh ki dohnud jong ki bad thoh ïa ki ha ki jingmut jingpyrkhat jong ki.”

HEBRU 8:10

Mynta, kane ka long ka jutang ïa kaba ngan pynlong bad ki paid Israel ha ki sngi ki ban wan, ong U Trai: Ngan buh ïa ki hukum jong nga ha ki jingmut jong ki, bad ngan thoh ïa ki ha ki dohnud jong ki; ngan long U Blei jong ki, bad ki kin long u paidlang jong nga.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

JOSHUA 3:10

Katba phi nang tur sha khmat, un beh noh da shisha ïa ki Kanaan, ki Hit, ki Hib, ki Peris, ki Girgash, ki Amor, bad ki Jebus.

JINGPYNPAW 2:1

“Thoh sha u angel jong ka Balang ha Ephesos: “Kane ka long ka khubor na uta uba bat ïa ki hynñiew tylli ki khlur ha ka kti kamon jong u bad uba ïaid hapdeng ki hynñiew tylli ki diengpynïeng sharak ksiar.

JINGPYNPAW 2:12

“Thoh ha u angel jong ka balang ha Pergamum: “Kane ka long ka khubor na uta uba don ka waitlam arliang syrti kaba nep.

JINGPYNPAW 2:18

“Thoh ha u angel jong ka balang ha Thiatira: “Kane ka long ka khubor na U Khun U Blei, kiba ki khmat jong u ki klang kum ka ding, kiba ki kjat jong u ki phyrnai kum ka rnong ba la shut pynphyrnai.

JINGPYNPAW 2:8

“Thoh sha u angel jong ka balang ha Smyrna: “Kane ka long ka khubor na uta uba long, uba nyngkong bad uba khatduh, uba la ïap bad uba la im pat.

JINGPYNPAW 3:1

“Thoh ha u angel jong ka balang ha Sardis: “Kane ka long ka khubor na uta uba don ki hynñiew ki mynsiem jong U Blei bad ki hynñiew ki khlur. Nga tip ïa kaei kaba pha leh; nga tip ba pha don ka nam babha ba pha long kaba im, wat la pha la ïap!

JINGPYNPAW 3:14

“Thoh ha u angel jong ka balang ha Laodikaïa: “Kane ka long ka khubor na U Amen, uba ïaineh bad u sakhi bashisha, uba long u jingsdang jong baroh kaba U Blei u la thaw.

JINGPYNPAW 3:22

“Te lada pha don ki shkor, shahshkor ïa kaei kaba U Mynsiem u ong ha ki balang!”

JINGPYNPAW 3:7

“Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.

1 SAMUEL 17:26

U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”