2 KORINTH 2:3 - Khasi CL Bible (BSI)

³ Dei na kata ka daw nga la thoh ïa kata ka shithi sha phi — ngam shym kwah ban wan sha phi bad ba yn pynsngewsih da kita hi ki briew kiba la dei ban pynkmen ïa nga. Naba nga sngewdei ba haba nga kmen, te ma phi baroh phi ïakmen lang.

KA BAIBL

³ Te nga la thoh ïa kata hi ha phi, ïoh ba haba nga wan, ngan ïoh ka jingsngewsih na kita na kiba ka dei ïa nga ban ïoh ka jingkmen; da kaba shaniah shaphang jong phi baroh, ba ka jingkmen jong nga ka long ka jong phi baroh ruh.

2 KORINTH 2:3 ပူးပေါင်းရင်းမြစ်များ

1 KORINTH 4:21

Kaei kaba phi kham jied? Hato ngan wan sha phi da u dieng sympat, ne ha ka mynsiem ka jingieit bad ka jingjemnud?

2 KORINTH 1:15

Nga la sngewthikna bha shaphang kane baroh kumta nga la buh ki jingthmu nyngkong eh ban wan jngoh ïa phi, khnang ba phin ïoh jingkyrkhu ar shah.

2 KORINTH 1:23

Nga ñiew ïa U Blei kum u sakhi jong nga — u tip ïa ka dohnud jong nga! Ka long na ka bynta ban ïada ïa phi ba nga la rai ban ym leit sha Korinth.

2 KORINTH 12:11

Nga la leh mynleh kum u bieit — hynrei phi la pynlong ïa nga ban leh kumta. Dei ma phi kiba la dei ban pynpaw ïa ka jingmynjur jong phi ïa nga. Naba wat lada ngam long ei ei, ngam shym duna ei ei na kita ki “apostol” kiba kham kyrpang jong phi.

2 KORINTH 12:21

Nga sheptieng haba ha kawei ka por ba nga wan, U Blei jong nga un pynjahburom ïa nga ha khmat jong phi, bad ngan ïam na ka bynta kiba bun kiba la leh pop mynshuwa bad ki bym pat shym kylla-kaba-mut na ki kam awria ba ki la leh — ki jingkwah brai bad ki pop awria jong ki.

2 KORINTH 13:10

Kata ka long balei ba nga thoh ïa kane katba nga dang don jngai na phi; ka long kumta ba haba nga poi ngan ym hap ban leh tyngeh ha kaba pyndonkam ïa ka iktiar ïa kaba U Trai u la ai ha nga — ka bor ïa ka ban tei ïa phi, ym ïa ka ban pynpra.

2 KORINTH 2:9

Nga la thoh sha phi ïa kato ka shithi namar nga la kwah eh ban tip haduh katno phi la ïeng ha kata ka jingtynjuh bad la phi la kloi borabor ban kohnguh ïa ki jingbthah jong nga.

2 KORINTH 7:12

Kumta, wat la nga la thoh ïa kato ka shithi, ka la long ym namar jong uta uba la leh bymdei lane na ka bynta uta uba la shah leh bymdei. Pynban, nga la thoh ïa ka khnang ban pynshai ha phi, ha khmat jong U Blei, katno ka long da shisha kaba jylliew ka jingaiti jong phi sha ngi.

2 KORINTH 7:16

Katno nga kmen ba nga lah ban shaniah ha phi nadong shadong!

2 KORINTH 7:6

Hynrei U Blei, uba pynshlur ïa kita kiba la duh jingkyrmen, u la pynshlur ïa ngi da ka jingwan u Titos.

2 KORINTH 7:8

Naba wat lada kata ka shithi jong nga ka la pynsngewsih ïa phi, nga te ngam sngewsih ba nga la thoh ïa ka. Ngan jin da la sngewsih haba nga la ïohi ba ka la pynsngewsih ïa phi shipor.

2 KORINTH 8:22

Kumta ngi phah ïa u parabangeit jong ngi lem bad ki; ngi la tynjuh ïa u bunsien bad ngi la shem ïa u ba u long borabor uba thrang ban ïarap. Bad mynta ba u la don haduh katta ïa ka jingshaniah ïa phi, u nang kham thrang shuh shuh ban ïarap.

GALATIA 5:10

Hynrei nga dang sngew shaniah ïa phi. Ka jingim jong ngi ha U Trai, ka pynlong ïa nga ban sngewskhem ba phin ym shim da kumwei pat bad uta u briew uba pynkulmar ïa phi, la u long uei uei, un shah pynshitom ha U Blei.

2 THESSALONI 3:4

Bad U Trai u la ai ha ngi ka jingsngewskhem ha phi, bad ngi thikna ba phi leh bad phin ïai leh ïa kaei kaba ngi ong ïa phi.

PHILEMON 1:21

Nga sngewthikna, katba nga dang thoh ïa kane, ba men leh ïa kaei kaba nga kyrpad — ha ka jingshisha nga tip ba men leh wat kham palat ïa kane.