2 KORINTH 1:3 - Khasi CL Bible (BSI)

³ To ngin ai ka jingnguh sha U Blei bad U Kpa jong U Jisu Khrist uba U Trai jong ngi, U Kpa ba-dap da jingisynei, U Blei na uba ka jingïarap baroh ka wan!

KA BAIBL

³ Long ba la kyrkhu ïa U Blei bad ïa U Kpa U Jisu Khrist uba U Trai jong ngi, U Kpa ki jingisynei bad U Blei ka jingpyntngen baroh,

2 KORINTH 1:3 ပူးပေါင်းရင်းမြစ်များ

JENESIS 14:20

bad to kan long ka jingïaroh ïa U Blei Bahakhlieh Tam Eh uba ai ha phi ïa ka jingjop halor ki nongshun jong phi!” Bad u Abram u ai ha u Melkhisedek ïa kaba shiphew na ka jinglute kaba u la lah pynïoh pat.

1 KHRONIKL 29:10

Hangta ha khmat uta u paidbah baroh, u syiem Dabid u ïaroh ïa U Trai. U ong “A Trai U Blei jong ki kpa tymmen jong ngi, ai ba yn ïaroh ïa me junom la junom!

NEHEMAÏAH 9:5

Kine ki Lebi harum ki ai ïa ka jingkhot sha ka jingmane: u Jeshua, u Kadmiel, u Bani, u Hashabneïah, u Sherebaïah, u Hodaïah, u Shebanaïah, bad u Pethahaïah. Ki ong: “Ïeng bad ïaroh ïa U Trai U Blei jong phi; ïaroh ïa u junom la junom! Ai ba baroh kin ïaroh ïa ka kyrteng badonburom jong u, wat la ym don ka jingïaroh ba kynja briew kaba khraw palat.”

Ka Kitab U Job 1:21

U ong, “La kha ïa nga lyngkhuit khlem don ei ei bad ngan ïap lyngkhuit khlem don ei ei. U Trai u la ai, bad mynta u la shim noh. To ai ba yn ïaroh ïa ka kyrteng jong u!”

SALM 18:46

U Trai u im! To ïaroh ïa u nongïada ïa nga! To pynbna ïa ka jingkhraw jong U Blei uba pynim ïa nga.

SALM 68:35

A katno uba itynnat eh long U Blei haba u wan na ka jaka kyntang jong u — U Blei jong ki Israel! U ai ka jingkhlaiñ bad ka bor ha ki briew jong u. To ïaroh ïa U Blei!

SALM 72:19

To ïaroh ïa ka kyrteng badonburom jong u junom! Ai ba ka burom jong u kan pyndap ïa ka pyrthei baroh kawei. Amen! Amen!

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 86:5

Me long uba bha ïa ngi bad uba map ei, uba shlei da ka jingieit baneh ïa kito baroh kiba duwai sha me.

ISAÏAH 66:13

Ngan pyntngen ïa phi ha Jerusalem, kumba ka kmie ka pyntngen ïa la i khun.

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

DANIEL 9:9

Me long uba dap da ka jingisynei bad uba map, wat la ngi la ïeng ïaleh pyrshah ïa me.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

ÏOANNIS 10:30

U Kpa bad ma nga ngi long kawei.”

ÏOANNIS 20:17

“Wat ktah ïa nga,” U Jisu u la ong ha ka, “namar ngam pat shym la leit kiew sha U Kpa. Hynrei khie leit sha ki para jong nga bad ïathuh ïa ki ba ngan leit phai sha u, uba long U Kpa jong nga bad U Kpa jong ki, U Blei jong nga bad U Blei jong ki.”

2 KORINTH 11:31

U Blei bad U Kpa jong U Trai Jisu — long ba la kyrkhu ïa ka kyrteng jong u junom! — u tip ba ngam shym lamler.

2 KORINTH 7:6

Hynrei U Blei, uba pynshlur ïa kita kiba la duh jingkyrmen, u la pynshlur ïa ngi da ka jingwan u Titos.

EPHESOS 1:17

Nga kynmaw ïa phi ha ki jingduwai jong nga; bad nga kyrpad na U Blei jong U Jisu Khrist uba U Trai jong ngi, u Kpa uba dap da ka burom, ba un ai ha phi ïa U Mynsiem, u ban pynlong ïa phi kiba stad bad un pynpaw ha phi ïa U Blei, khnang ba phin ïoh tip ïa u.

EPHESOS 1:3

To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

PHILIPPI 2:11

bad baroh kin pynbna shynna ba U Jisu Khrist u long U Trai, ïa ka burom U Blei uba U Kpa.

KOLOSSAI 1:3

Ngi ainguh borabor ïa U Blei, U Kpa jong U Jisu Khrist uba U Trai jong ngi, haba ngi duwai na ka bynta jong phi.

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.

2 ÏOANNIS 1:4

Katno nga sngewkmen ban shem ba don na ki khun jong phi kiba ïaid ha ka jingshisha, kumba U Kpa u la hukum ïa ngi.

2 ÏOANNIS 1:9

Uno uno u bymïaineh ha ka jinghikai U Khrist, hynrei uba ïaid palat ïa ka, um don ïa U Blei. Uno uno uba ïaineh ha ka jinghikai, u don ïa U Kpa bad ïa U Khun ruh.