2 KHRONIKL 9:8 - Khasi CL Bible (BSI)

⁸ Ïaroh ïa U Trai U Blei jong phi! U la pynpaw kaba katno u sngewbha ïa phi da kaba pynlong ïa phi u syiem u ban synshar ha ka kyrteng jong u. Namar ba u ieit ïa ki briew jong u, ki Israel, bad u kwah ban pynneh ïa ki junom, u la pynlong ïa phi u syiem jong ki khnang ban pynneh ïa ka hukum bad ka jingbishar hok.”

KA BAIBL

⁸ Long ba la kyrkhu ïa U Trai U Blei jong me, uba la ieit ïa me, ban buh ïa me halor ka khet jong u, ban long syiem na ka bynta U Trai U Blei jong me: namar ba U Blei jong me u la ieit ïa ki Israel, ban pynskhem ïa ki ha la ka rta, namar kata, u la pynlong ïa me u syiem halor jong ki, ban leh ïa ka jingbishar bad ïa ka hok.”

2 KHRONIKL 9:8 ပူးပေါင်းရင်းမြစ်များ

2 SAMUEL 23:3

U Blei ki Israel u la kren; u nongïada jong ki Israel u ong ha nga: “U syiem uba synshar da ka jinglehhok, uba synshar da kaba kohnguh ïa U Blei,

2 SAMUEL 8:15

U Dabid u la synshar halor ka ri Israel baroh, bad u da pynthikna ba ki briew jong u kin ïohmad ïa ka jinglehhok bad ka jingbymshah shiliang.

1 SYIEM 10:9

Ïaroh ïa U Trai U Blei jong phi! Uba la pynpaw katno u sngewbha eh ïa phi bad pynlong ïa phi u syiem ki Israel. Namar ba U Trai u ieit ïa ki Israel junom, u la pynlong ïa phi u syiem jong ki khnang ban synshar bha bad bishar hok.”

1 SYIEM 3:28

Haba ki paid Israel ki la ïohsngew ïa ka jingrai jong u Solomon, ki la dap da ka jingñiewburom bakhraw ïa u, namar ki tip hangta ba U Blei u la ai ha u ka jingstad ban pynbeit ïa ki jingïakajia ha ka hok.

1 KHRONIKL 17:22

Me la pynlong ïa ki Israel ki briew jong me junom, bad me, ko Trai, me la long U Blei jong ki.

1 KHRONIKL 28:5

U la ai ïa nga shibun ki khun shynrang bad napdeng jong ki baroh u la jied ïa u Solomon ban synshar halor ka Israel, ka hima ka jong U Trai.

1 KHRONIKL 29:10

Hangta ha khmat uta u paidbah baroh, u syiem Dabid u ïaroh ïa U Trai. U ong “A Trai U Blei jong ki kpa tymmen jong ngi, ai ba yn ïaroh ïa me junom la junom!

1 KHRONIKL 29:20

Nangta u Dabid u la hukum ïa u paidbah, “Ïaroh ïa U Trai U Blei jong phi!” Bad kiba la ïalumlang baroh ki la ïaroh ïa U Trai, U Blei jong ki kpa tymmen jong ki, bad ki la pyndem la ki khlieh bad ai burom ïa U Trai bad ruh ïa u syiem.

1 KHRONIKL 29:23

Kumta u Solomon u kiew ïa ka khet u Dabid u kpa jong u ïa kaba U Blei U Trai u la seng. U la long u syiem uba jop, bad ka jaitbynriew Israel baroh ka la kohnguh ïa u.

2 KHRONIKL 13:8

Mynta phi thmu ban ïaleh pyrshah ïa ka iktiar syiem kaba U Blei u la ai ha ki khun ki ksiew u Dabid. Phi don ka kynhun shipai kaba khraw bad phi don ki khun masi ksiar kiba u Jeroboam u la shna ba kin long ki blei jong phi.

2 KHRONIKL 2:10

Kum ka jingpynbiang ïa ki nongtrei jong phi, ngan phah sha phi ar hajar ton u kew, ar hajar ton u barli, saw lakh litar ka waiñ bad saw lakh litar ka umphniang Olib.”

2 KHRONIKL 2:11

U syiem Hiram ha kaba jubab u phah da ka shithi sha u Solomon. U thoh, “Namar U Trai u ieit ïa la ki briew, u la pynlong ïa phi u syiem jong ki.

2 KHRONIKL 9:7

Katno ki long kiba donbok ki rangbah kiba shakri ïa phi, kiba don borabor ha khmat jong phi bad kiba ïohlad ban ïohsngew ïa ki kyntien jingstad jong phi!

2 KHRONIKL 9:9

Ka ai sngewbha ïa u syiem Solomon ki jingai kiba ka la wanrah: palat saw hajar kilo ka ksiar bad shikatdei eh ki musla bad ki mawkordor. Ym pat ju don musla kiba bha kum kita kiba ka syiem jong ka Sheba ka la ai ha u syiem Solomon.

SALM 18:19

U la ïarap ïa nga na ka jingma; u pyllait im ïa nga namar ba u la sngewbha ïa nga.

SALM 22:8

“Me la shaniah ha U Trai,” ki ong. “Balei um shym la pynim ïa me? Lada U Trai u sngewbha ïa me, balei um shym ïarap ïa me?”

SALM 72:2

ba kumta un synshar halor ki briew jong me da ka jingbishar hok bad synshar ïa kiba la shah banbeiñ da ka hok.

SALM 99:4

Ko Syiem bakhlaiñbor, me ieit ïa kaei kaba dei; me la pynskhem ïa ka jingbishar hok ha Israel; me la wanrah ïa ka hok bad ka jinglehhok.

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

PROBERB 29:4

Haba u syiem u pyrkhat khia ïa ka jingbishar hok, ka ri kan long kaba khlaiñ, hynrei haba u pyrkhat khia tang ïa ka pisa, un pynjot ïa ka ri jong u.

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 62:4

Yn ym khot shuh ïa pha, “Kaba la shah iehnoh,” ne ïa ka ri jong pha yn khot, “Ka tnga ba la shah iehnoh.” Ka kyrteng bathymmai jong pha kan long “U Blei u sngewbha ïa ka.” Ïa ka ri jong pha yn khot, “Ka jingshongkurim kaba suk,” naba U Trai u sngewbha eh ïa pha, bad un long kum u tnga ïa ka ri jong pha.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

DEUTERONOMI 7:8

Hynrei ka long namar ba U Trai u ieit ïa phi bad u bat ïa la ka kular kaba u la ai ha ki kpa tymmen jong phi, bad namar kata u la ïalam noh ïa phi da ka borbah jong u bad u la pyllait na ka jinglongmraw ïa phi na u Pharaoh u syiem ka Ijipt.