2 KHRONIKL 9:7 - Khasi CL Bible (BSI)

⁷ Katno ki long kiba donbok ki rangbah kiba shakri ïa phi, kiba don borabor ha khmat jong phi bad kiba ïohlad ban ïohsngew ïa ki kyntien jingstad jong phi!

KA BAIBL

⁷ Suk ki briew jong me, bad suk kine ki shakri jong me, kiba ïeng ha la ka sngi ha khmat jong me, bad kiba ïohsngew ïa ka jingstad jong me.

2 KHRONIKL 9:7 ပူးပေါင်းရင်းမြစ်များ

1 SYIEM 10:8

Ki tnga jong phi katno ki long kiba donbok! Bad ki shakri jong phi katno ki long kiba donbok, ki don ryngkat bad phi borabor bad ban ïohlad ban ïohsngew ïa ki kyntien jingstad jong phi!

2 KHRONIKL 9:6

ngam shym la ngeit ïa kaei kaba ki ïathuh ïa nga tad ynda nga la wan bad ïohi da lade hi. Ngam shym pat ïohsngew wat tang shiteng na ka jingstad jong phi. Phi kham stad shuh shuh ban ïa kaba ki briew ki ong.

2 KHRONIKL 9:8

Ïaroh ïa U Trai U Blei jong phi! U la pynpaw kaba katno u sngewbha ïa phi da kaba pynlong ïa phi u syiem u ban synshar ha ka kyrteng jong u. Namar ba u ieit ïa ki briew jong u, ki Israel, bad u kwah ban pynneh ïa ki junom, u la pynlong ïa phi u syiem jong ki khnang ban pynneh ïa ka hukum bad ka jingbishar hok.”

SALM 27:4

Nga la pan na U Trai ïa kawei; tang kawei hi nga kwah: ban shong ha ka ïing U Trai baroh shi rta, ban sngewphylla hangta ïa ka jingbha jong u, bad ban kyrpad ïa ka jingïalam jong u.

PROBERB 10:21

Ki ktien u briew uba bha ki pynmyntoi ïa kiba bun ki briew, hynrei phin pynïap ïa lade da ka jingmutlop.

PROBERB 13:20

Ïalang paralok bad uba stad bad phin kylla stad. Lada phi ïalang paralok bad ki briew kiba bieit, phin long kiba bieit.

PROBERB 3:14

Ka don shibun ka jingmyntoi ha ka, ban ïa kaba don ha ka rupa; ka kham shongdor shibun ha phi ban ïa ka ksiar.

PROBERB 3:3

Wat ai ba ka jinglong bashaniah bad baïaineh kin iehnoh ïa phi. Teh ïa ki sawdong ka ryndang jong phi; thoh ïa ki ha ka dohnud jong phi.

PROBERB 8:34

U briew uba shahshkor ïa nga un suk — u briew uba ap man ka sngi ha jingkhang jong nga, uba ap ha jaka rung ka ïing jong nga.

LOUKAS 11:28

Hynrei U Jisu u la jubab, “Pynban, katno kaba kmen long kito kiba shahshkor ïa ka ktien jong U Blei bad kiba kohnguh ïa ka!”

DEUTERONOMI 33:9

Ki kham shaniah ïa me Ban ïa la ki kmie ki kpa, ki hynmen ki para, ne ki khun ki kti. Ki kohnguh ïa ki hukum jong me Bad ki ïaineh ha ka jutang jong me.