2 KHRONIKL 9:1 - Khasi CL Bible (BSI)

¹ Ka syiem jong ka Sheba ka bna shaphang ka nam u Solomon, bad ka leit sha Jerusalem ban tynjuh ïa u da ki jingkylli kiba eh. Ka wan ïalam shibun ki nongbud lem bad ki ut kiba kit ki musla, ki mawkordor, bad shibun ka ksiar. Haba ka la ïakynduh ïa u Solomon, ka kylli lut ïa baroh ki jingkylli kat kiba don ha ka jingmut jong ka.

KA BAIBL

¹ Te haba ka syiem Sheba ka la ïohsngew ïa ka nam u Solomon, ka la wan ban tynjuh ïa u Solomon da ki jingkylli ba-eh ha Jerusalem, bad shibun bah ki nongbud, bad ki ut kiba la kit ki masla, bad ka ksiar shibun, bad ki mawkordor: te haba ka la poi ha u Solomon, ka la ïakren bad u shaphang baroh kaba la don ha ka dohnud jong ka.

2 KHRONIKL 9:1 ပူးပေါင်းရင်းမြစ်များ

JENESIS 10:28

ka Obal, ka Abimael, ka Sheba,

JENESIS 10:7

Ki khun ki ksiew jong u Kush ki long ki briew jong ka Seba, ka Habilah, ka Sabtah, ka Raamah, bad ka Sabteka. Ki khun ki ksiew jong u Raamah ki long ki briew jong ka Sheba, bad ka Dedan.

JENESIS 25:3

U Jokshan u dei u kpa jong u Sheba bad u Dedan, bad ki khun ki ksiew jong u Dedan ki long ki Asshurim, Ki Letushim, bad ki Leummim.

1 SYIEM 4:31

U long uba stad tam na ki rangbah baroh: kham stad ban ïa u Ethan u nong Esrah, bad ïa u Heman, u Kalkol, bad u Darda, ki khun jong u Mahol, bad ka nam jong u ka phriang kylleng ki ri kiba marjan baroh.

2 KHRONIKL 1:1

U Solomon u khun jong u syiem Dabid u la pynskhem ïa ka jingsynshar ïa ka hima Israel, bad U Trai U Blei jong u, u la kyrkhu ïa u bad pynlong ïa u uba khlaiñbor shikatdei eh.

2 KHRONIKL 1:12

Ngan ai ha me ïa kata ka jingstad bad ka jingtip. Nalor kata, ngan ai ruh ha me bun ka spah, ka jingkynshew, bad ka nam ban ïa uno uno u syiem uba la ju ïoh mynshuwa lane un ïoh biang pat.”

2 KHRONIKL 9:2

U jubab ïa ki baroh; ym don kano kano kaba eh than kaba um lah ban batai.

2 KHRONIKL 9:9

Ka ai sngewbha ïa u syiem Solomon ki jingai kiba ka la wanrah: palat saw hajar kilo ka ksiar bad shikatdei eh ki musla bad ki mawkordor. Ym pat ju don musla kiba bha kum kita kiba ka syiem jong ka Sheba ka la ai ha u syiem Solomon.

SALM 142:2

Nga wallam ha u ïa ki jingud jong nga baroh; nga ïathuh ha u ïa ki jingjynjar jong nga baroh.

SALM 49:4

Ngan pynphai ïa ka jingmut jong nga sha ki proberb bad ngan batai ïa ki jingmut jong ki katba nga dang tem ïa ka duitara.

SALM 72:10

Ki syiem jong ka Spain bad jong ki dewlynnong kin tyrwa ha u ki jingai sngewbha; ki syiem jong ka Sheba bad Seba kin wanrah ha u ki jingainguh.

SALM 72:15

To u syiem un im slem! Ai ba yn ai ha u ïa ka ksiar na Arabia; ai ba yn pynlong jingduwai na ka bynta jong u ha ki por baroh; ai ba ki jingkyrkhu jong U Blei kin long halor jong u borabor!

SALM 78:2

Nga sa pyndonkam ïa ki jingkren bastad bad batai ïa ki jingmaïan na mynbarim,

PROBERB 1:6

kumta ba kin shemphang ïa ki jingmut kiba rieh kiba don ha ki proberb bad ki jingeh ba ki riewstad ki kylli.

ISAÏAH 60:6

Ki kynhun bah ki ut kin wan, na Midian bad na Ephah. Kin wan na Sheba, kin wanrah ïa ka ksiar bad ka jingiwbih. Ki briew kin ïathuh ïa ka khubor kaba bha ïa kaei kaba U Trai u la leh!

MATHAÏOS 12:34

Phi ki bseiñ — kumno phi lah ban ong ïa kiei kiei kiba bha haba phi long kiba sniew? Namar ka shyntur ka kren ïa kaei kaba la shlei ha ka dohnud.

MATHAÏOS 12:42

Ha ka Sngi ka Jingbishar, ka syiem jong ka Sheba kan ïeng joit bad mudui ïa phi, namar ka la wan na la ka ri bajngai ban shahshkor ïa ka jinghikai bastad jong U Syiem Solomon; bad nga pynthikna ïa phi ba don hangne uba kham khraw ban ïa u Solomon!

MATHAÏOS 13:11

U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

MATHAÏOS 13:35

U la leh ïa kane ban pynurlong shisha ïa kaei kaba u nongïathuhlypa u la lah ong: “Ngan pyndonkam da ki pharshi haba nga kren ha ki, ngan ïathuh ha ki ïa kiei kiei ki bymtip naduh ba la pynlong ïa ka pyrthei.”

MATHAÏOS 2:11

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

LOUKAS 11:31

Ha ka Sngi Bishar, ka syiem jong ka Sheba kan ïeng bad mudui ïa ki briew kiba mynta, namar ka la wan jngai na la ka jong ka ri ban shahshkor ïa ka jinghikai bastad jong u syiem Solomon; bad nga ong ha phi ba don uei re uei hangne uba kham khraw ban ïa u Solomon.

1 SAMUEL 1:15

“Em kynrad, ngam shym buaid” ka la jubab. “Ngam shym dih! Nga jynjar sat bad nga dang duwai bad khlei lut ïa ki jingjynjar baroh ha U Trai.