2 KHRONIKL 7:6 - Khasi CL Bible (BSI)

⁶ Ki lyngdoh ki ïeng ha ki jaka ba la pynbeit na ka bynta jong ki; bad ha pyrshah jong ki, ki ïeng ki Lebi, ki da ïaroh ïa U Trai ryngkat bad ki jingput jingtem ba u syiem Dabid u la pynkhreh bad ki ïarwai ïa ka jingrwai, “Ka jingieit jong u ka neh junom!” kumba u Dabid u la bthah ïa ki. Ki lyngdoh ki put ïa ki turoi, katba ki paidbah baroh ki ïa-ïeng.

KA BAIBL

⁶ Te ki lyngdoh ki la ïeng, katba kum ki kam jong ki; ki Lebi ruh bad ki tiar rwai jong U Trai, ïa kiba u syiem Dabid u la lah thaw ban ainguh ha U Trai, namar ka jingisynei jong u ka neh ha la ka rta, haba u Dabid u la ïaroh da ka jingshakri jong ki: te ki lyngdoh ki la put turoi ha khmat jong ki; te ki Israel baroh ki la ïeng.

2 KHRONIKL 7:6 ပူးပေါင်းရင်းမြစ်များ

1 KHRONIKL 13:8

katba u Dabid bad ki paidbah baroh ki ïashad da ka bor baroh ban ainguh ïa U Blei. Ki rwai bad ki tem ïa ki jingtem — ki duitara, ki ksing, ki shakuriaw, bad ki turoi.

1 KHRONIKL 16:34

Ai ka jingnguh sha U Trai, namar u long uba bha; ka jingieit jong u ka long bymjukut.

2 KHRONIKL 23:18

U Jehoïada u buh ïa ki lyngdoh bad ki Lebi ban peit ïa ka kam ha ka Templ. Ki dei ban pyndep ïa ki kamram kiba la bynshet ha ki da u syiem Dabid bad ban thang ïa ki jingkñia kiba la ai sha U Trai kat kum ka Aiñ u Moses. Ki la peit ruh ïa ka jingput jingtem bad ïa ka jinglehkmen.

2 KHRONIKL 29:25

U syiem u bud ïa ki jingbthah kiba U Trai u la ai ha u syiem Dabid lyngba u Gad, u nongïathuhlypa jong u syiem, bad lyngba u Nathan, u nongïathuhlypa; u la buh ïa ki Lebi ha ka Templ lem bad ki duitara bad ki shakuriaw, ki jingtem kum kito kiba u syiem Dabid u la pyndonkam.

2 KHRONIKL 29:27

U Hesekaïah u la ai hukum na ka bynta ban ai ïa ka jingainguh thang bad mar ïasdang ka jingainguh, ki briew ki rwai ïaroh ïa U Trai bad ki nongtem ki sdang ban put ïa ki turoi bad tem ïa baroh kiwei pat ki jingtem.

2 KHRONIKL 7:3

Haba ki paid Israel ki ïohi ïa ka ding ba ka wan hiar na bneng bad ba ka jingshai ka dap ha ka Templ, ki dem khrup ha lynti ba la siang maw, ki da mane ïa U Blei bad ïaroh ïa U namar ka jingbha bad ka jingieit bymjukut jong u.

2 KHRONIKL 7:5

U kñia arphew ar hajar tylli ki masi bad shi lakh arphew hajar tylli ki langbrot kum ki jingainguh ïasyllok. Bad kumta ma u bad uta u paidbah baroh ki pynkyntang ïa ka Templ.

ESRA 6:18

Ki la buh ryntih ruh ïa ki lyngdoh bad ki Lebi na ka bynta ka jingshakri ha ka Templ ha Jerusalem, kat kum ki jingbthah bad don ha ka kitab u Moses.

SALM 106:1

Ïaroh ïa U Trai! To ai ki jingïaroh ïa U Trai, namar u long uba bha; ka jingieit jong ka long bymjukut.

SALM 107:1

“To ainguh ïa U Trai, namar u long uba bha; ka jingieit jong u ka long bymjukut!”

SALM 138:8

Me pyndep ïa kiei kiei baroh kiba me la kular; A Trai, ka jingieit jong me ka neh bymjukut. To pyndep ïa ka kam kaba me la sdang.

SALM 87:7

Ki shad bad ki rwai, “Ha ka Seïon ka don ka tyllong jong ki jingkyrkhu jong ngi baroh.”

ISAÏAH 52:6

Ha ki por ki ban wan phin sa pdiang ba nga long U Blei bad ba nga la kren ha phi.”

AMOS 6:5

Phi sngewtynnat ban thaw ïa ki jingrwai, kumba u Dabid u la thaw, bad tem ïa ki ha ki duitara.

JOSHUA 6:4

Hynñiew ngut ki lyngdoh, uwei uwei uba rah ïa ka turoi, kin ïaid ha shuwa ka Synduk ka Jutang. Ha ka sngi kaba hynñiew, ma me lem bad ki shipai jong me, men ïaid tawiar hynñiew sien ïa ka nongbah katba ki lyngdoh ki dang put ïa ki turoi.